Բեսպրեդել. եկան, բռնին, սատկացրին

12/10/2017 schedule17:00

Տպագրվել է «Հայկական Ժամանակ» օրաթերթի՝ 2004 թվականի հոկտեմբերի 12-ի համարում

Հոկտեմբերի լույս 12-ի գիշերը՝ ուղիղ ժամը մեկին ՀՀ ոստիկանության Երեւանի քաղաքային վարչության Կենտրոնի բաժնի կողմից աղիողորմ ճիչեր էին լսվում: Մի խումբ մարդիկ, բառիս բուն իմաստով, շանսատակ էին անում մի ուրիշ մարդու, եւ որ կարեւոր է՝ ոստիկանության Կենտրոնի բաժնի մուտքից ընդամենը հինգ մետր հեռավորության վրա: Ծեծվողը, իր գլխին տարափի նման թափվող հարվածներին եւ Կենտրոնի ոստիկանության բաժնին հարակից շենքերի բնակչությանն ի լուր տեղացող ամենավերջին հայհոյանքներին ի պատասխան, հասցնում էր արտասանել միայն. «Ես Ավետիսյան Ալիկի հարազատ ախպերն եմ»: Այս  կիսագիտակից նախադասությունը, սակայն, ոչ մի կերպ չէր ազդում ջարդարարների եւ որ կարեւոր է՝ տեսարանին  ականատես Կենտրոնի բաժնի ոստիկանների վրա, որոնք ծեծվողի շուրջբոլորը բռնած՝ անտարբեր հայացքներով հետեւում էին, թե ինչպես են ՀՀ մի խումբ քաղաքացիներ շանսատակ անում ՀՀ մեկ ուրիշ քաղաքացու:

Քիչ անց պարզ դարձավ, որ ծեծողները ծեծվողին «քացով» խփելով, գետնին քարշ տալով՝ ինչ-որ տեղ են տանում: Ու քանի որ ծեծվողը բռնվում էր մոտակա խողովակներից, ավտոմեքենաներից (ծեծողների խմբի ղեկավարը ծեծվողի` փրկվելու հուսահատ փորձերը որակեց որպես թուլամորթություն. «Արա, ստեղ մարդ չկա, վայ ես քո մաման...» եւ այլն, եւ այլն, գոռում էր նա՝ ի լուր մոտակա շենքի պատշգամբներից կախված մարդկանց): «Ուժեղ տղերքը» դժվարությամբ էին ծեծվողին գլորում  գետնի վրայով: Ի վերջո՝ «ուժեղ տղերքից» մեկը նրան՝ այդ արդեն կիսամեռ քաղաքացուն գրկեց եւ տարավ դեպի մոտակայքում կայանած ավտոմեքենաները: Այդ ավտոմեքենաների դիրքը խոսուն էր. կենտրոնում կանգնած էր մի սպիտակ ավտոմեքենա, ըստ ամենայնի՝ «Ժիգուլի», որը շրջափակված էր մի քանի այլ մեքենաներով: Ասել է թե՝ սեւ ջիփը, մուգ գույնի «099»-ը եւ սպիտակ «Նիվան» շուրջկալել էին «Ժիգուլին», որն, ինչպես հետո պարզվեց, ծեծվողի մեքենան էր:

Հետագայում ականատեսները պատմեցին, թե այդ ամենը ինչպես է տեղի ունեցել: «Ժիգուլին» փորձել է խույս տալ իր ետեւից «լարված» մեքենաներից եւ հայտնվել է դեպի Կենտրոնի ոստիկանություն տանող նրբանցքում: Այստեղ նրան հետապնդողներին հաջողվել է շուրջկալել իրենց զոհին, քանի որ մեքենաներից երկուսը նրան հետապնդել են Պարոնյան փողոցից դեպի Իսրայելյան փողոց, իսկ մեկը Սուրբ Սարգիս եկեղեցու մոտով է մտել եւ Իսրայելյան փողոցում փակել «ճողոպրող» «Ժիգուլիի» ճանապարհը: Տեսնելով, որ ինքը շրջապատման մեջ է՝ ծեծվողը թողել է մեքենան եւ փախել դեպի Կենտրոնի ոստիկանություն` ըստ ամենայնի օգնության խնդրանքով: Նա մուտք է գործել ոստիկանություն, այնտեղ մնացել մի երեք-չորս րոպե, բայց նրան հետապնդողները «շատ ուժեղ» տղերք են եղել: Մտել են ոստիկանության բաժին, նրան անձնակազմի աչքի առաջ շանսատակ անելով դուրս բերել բաժնից եւ ծեծը շարունակել ոստիկանության մուտքի մոտ:

Հետո արդեն կիսամեռ զոհին գցել են մեքենայի մեջ եւ տարել  անհայտ ուղղությամբ: Այս ընթացքում Կենտրոնի ոստիկանները ոչինչ չեն ձեռնարկել: Ավելին, նրանցից շատերը «ուժեղ տղերքին» ուղեկցել են մինչեւ կիսամեռին մեքենայի մեջ գցելը ու վերադարձել «օրենքի պաշտպանի» իրենց աշխատանքին՝ այնպես, կարծես ֆուտբոլից էին վերադառնում, կամ էլ՝ թեթեւ ատլետիկայի առաջնությունից: Ի դեպ, մեր թղթակիցը հասցրել էր գրել «ուժեղ տղերքի» մեքենաների համարները, որոնք իրենց տերերի պես ուժեղ են եղել: Զորահանդեսի հրամանատարի մեքենան սեւ գույնի ջիփ է եղել` «Լեքսուս» կամ «Տոյոտա»` «800LS08» համարանիշով: Նրան օգնում էին մուգ գույնի «099» «65UL075» համարանիշով եւ սպիտակ «Նիվա», որի համարանիշից ականատեսները հիշել են հետեւյալը՝ «001??06»: 

Հ.Գ. Կենտրոնի ոստիկանության պետ Հովիկ Թամամյանը «ո՞նց ես» շատ սովորական հարցին պատասխանում է օրիգինալ` «ուժեղ», չկոնկրետացնելով` ուժեղ ի՛նչ: Եթե Թամամյանը  նկատի ունի իր ուժեղ լինելը, նա ըստ ամենայնի՝ «Սամի, սամի» մուլտիկը չի տեսել: Իսկ այդ մուլտիկում ասվում է` մի ասա, որ ուժեղ ես, կհանդիպես ավելի ուժեղի:

Հ.Գ. - 2 - ՀՀ Պնախարար Սերժ Սարգսյանը, մեկնաբանելով այս իրավիճակը, կասեր, որ ծեծված մարդու մեջքին գրված չի եղել, որ ինքը մարդ է, դրա համար էլ արժանացել է նման ճակատագրի: 

Հ.Գ. -3 - ՀՀ ոստիկանության հասարակայնության հետ կապերի եւ լրատվության վարչությունից վերը նշված դեպքի կապակցությամբ մեզ հայտնեցին հետեւյալը. «Հոկտեմբերի 12-ին՝ ժամը 03.30-ի սահմաններում ոստիկանության Կենտրոնականի բաժին Միքայելյանի անվան վիրաբուժության ինստիտուտից ահազանգ է ստացվել, որ մարմնական վնասվածքներով իրենց մոտ է տեղափոխվել 1976թ. ծնված Անուշավան Զարգարյանը, որը բնակվում է Քանաքեռի 1 փողոցի 23 տուն հասցեում: Հիվանդանոցում վերջինս հայտնել է, որ նույն օրը ժամը 00.30-ի սահմաններում Իսրայելյան 37 շենքի մոտ «Վազ 2121» («Նիվա») մակնիշի ավտոմեքենայի վարորդը ծեծի է ենթարկել իրեն: Ընթանում է հետաքննություն»: Այս տեղեկության մեջ ինչն է հետաքրքիրը. փաստորեն, ոստիկանությունը դեպքի մասին պաշտոնապես տեղեկացել է հիվանդանոցից՝ վերը նշված անձի ծեծի ենթարկվելուց եւ նրա առեւանգումից շուրջ երկուսուկես ժամ անց: Բանն այն է, որ Իսրայելյան 37 շենքի բնակիչներից մեկը պնդում է, որ ծեծի ընթացքում ինքն անձամբ է զանգահարել «1-02» եւ հայտնել դեպքի մասին: Այսինքն, սիրելի հայրենակիցներ, ձեր տան վրա կարող են հարձակվել, դուք կարող եք զանգահարել 1-02, բայց ձեր մահվան մասին ոստիկանությունը կտեղեկանա «մոռգից»:

Նկարում` Կենտրոնի ոստիկանապետ Հովիկ Թամամյանի ուժեղ «BMW» ջիփը: Չմտածեք, թե սա Թամամյանի միակ ավտոմեքենան է: Նա մի հատ էլ ուժեղ «Լեքսուս» ջիփ ունի, մեկ հատ էլ կիսասպորտային ուժեղ «Աուդի», բոլորն էլ՝ ուժեղ համարներով: Հիմա էս մարդը իր սեփականությու՞նը պաշտպանի, թե օրենքը:

Ա.Կ.

Տպել
1154 դիտում

Հայաստանը ներկայացնող ֆիլմը չի ընդգրկվել «Օսկար»-ի հավակնորդների ցանկում

ՌԴ-ի եւ Բելառուսն ընդունել են Դաշնային պետության 2018 թ-ի բյուջեն

Սերժ Սարգսյանը ստորագրել է ռուսական զենքի գնման համար արտահանման վարկ ստանալու օրենքը

Երուսաղեմը կորցնելու դեպքում մահմեդականները կկորցնեն Մեքքան ու Մեդինան. Էրդողան

Գերմանիան եւ Ֆրանսիան պայմանավորվել են փոխել Եվրամիությունը

Անկարան պատրաստ չէ կարգավորել հայ-թուրքական հարաբերությունները. ԱԳՆ-ի հայտարարությունը

«Գրին քարտ»-ով ԱՄՆ են ժամանում իրենց հասարակություններում «վատագույնները». Թրամփ

Նյու Յորքի նախկին քրիստոնեական եկեղեցում ծաղկում է Իսլամը

Վրաստանում վարորդական իրավունքի գործնական քննությունը տեղափոխվում է փողոց

Սահակաշվիլին հայտարարել է, որ պատրաստ է պայմանավորվել Պորոշենկոյի հետ

Արեւմուտքն օգնում է բռնապետերին թալանել իրենց երկրները. քննարկում ԱՄՆ-ի Սենատում

Թրամփի վարչակազմը կարող է խափանել Boeing ու Airbus օդանավերի վաճառքն Իրանին. WSJ

Հրազդան գետի հունը պատվել է սառույցով.լուսանկարներ

Միջպետական ճանապարհի մերկասառույցը մեկ շաբաթ է չի մաքրվում. լուսանկարներ

Վերջին 10 տարում ԱՄՆ քաղաքացի է դարձել 27.000 հայ

Սպանվել է 4 պաղեստինցի. իսրայելա-պաղեստինյան ամենաթեժ բախումները գրանցվել են այսօր. ֆոտո

Վարդենյաց լեռնանցքում, Հրազդան քաղաքում, Սոթք-Քարվաճառ ավտոճանապարհին մերկասառույց է

Հայաստանը ստանձնեց Սևծովյան տնտեսական համագործակցության կազմակերպության նախագահությունը

Արքայազն Հարրին ու դերասանուհի Մարքլը կամուսնանան մայիսի 19-ին` հարսնացուի կնքվելուց հետո

ԿԺԴՀ-ն մտադիր է դառնալ աշխարհի ամենահզոր ու մեծ ռազմական կապիտալով տերությունը