Չարբախցի Գեղամի կնոջը պատկանող գեղեցկության սրահը մեկ տարի անց չի գործում՝ արգելք է դրված

12/10/2017 schedule18:31

Շենգավիթ համայնքում գտնվող «Լիա» գեղեցկության սրահի տարածքում նոյեմբերի 13-ին տեղի ունեցած աղմկոտ սպանության դեպքից 11 ամիս է անցել, սակայն գեղեցկության սրահը չի գործում՝ իրավապահների արգելքի պատճառով:

Երեկ սույն գործով դատական նիստի ժամանակ նման հայտարարություն արեց Չարբախցի Գեղամ մականունով հայտնի Պետրոս Իսրայելյանի պաշտպան Միհրան Պողոսյանը: Մասնավորապես, երբ դատարանը ճշտում էր պաշտպանական կողմից, թե մեղադրող դատախազների դեմ բացարակի միջնորդություն ունեն, թե՝ ոչ, պաշտպանն ասաց, որ հիմքեր կան բացարկ հայտնելու, սակայն այն չի ներկայացնում, քանի որ պրակտիկան ցույց է տալիս, որ դատարանները դրանք չեն բավարարում: Դատարանում պաշտպանը մեղադրող դատախազ Գեւորգ Գեւորգյանին բացարկ հայտնելու մի շարք հիմքեր նշեց:

Նշենք, որ գեղեցկության սրահը պատկանում է սույն գործով ամբաստանյալ Չարբախցի Գեղամի կնոջը՝ Անժելա Մանուչարյանին:

Միհրան Պողոսյանի բերված հիմքերից մեկն այն է, որ դատախազի գիտությամբ դեռեւս փակ է մնում Անժելա Մանուչարյանին պատկանող գեղեցկության սրահը, որը համարվում է դեպքի վայրը, այն պարագայում, երբ այնտեղ վերջին անգամ քննչական գործողություն իրականացվել է 2016թ-ին, իսկ սեփականատերն այս ընթացքում չի կարողանում տնօրինել իրեն սեփականության իրավունքով պատկանող տարածքը։

Պաշտպանի կողմից ներկայացված մյուս հիմքը այն է, որ մինչ այսօր ՃՈ պահպանվող տարածքում է պահվում Անժելա Մանուչարյանի մեքենան: 2017 թվականի մարտի 17-ի որոշմամբ իրեղեն ապացույց է ճանաչվել «Մերսեդես Բենց» մակնիշի ավտոմեքենան, որը գտնվում է ՀՀ ոստիկանության ՃՈ տուգանային հրապարակում: Ընդ որում, ըստ պաշտպանի՝ տվյալ ավտոմեքենան հանդիսանում է Անժելա Մանուչարյանի սեփականությունը, ոը սույն քրեական գործով ունի առավելագույնը վկայի կարգավիճակ, իսկ ընդհանրապես հանդիսանում է արդարացված, սակայն չի կարողանում տնօրինել իր սեփականություն հանդիսացող տրանսպորտային միջոցը»,- ասաց Պողոսյանը:

Միհրան Պողոսյանը նշեց, որ ի սկզբանե սույն քրեական գործն իրականացվել է բազմաթիվ խախտումներով, որոնց վրա ընդհանրապես ուշադրություն չի դարձրել հսկողություն իրականացնող դատախազ Գեւորգյանը: Բացի դա պաշտպանը նշեց, որ դատախազը կողմնակալ վերաբերմունք ունի Իսրայելյան ընտանիքի նկատմամբ:

Պաշտպանն ասաց, որ քրեական գործի հարուցումից երկու օր հետո ձերաբակալվել է Պետրոս Իսրայելյանի կինը՝ Անժելա Մանուչարյանը՝ առանց որեւէ հիմնավորման, հաջորդ օրը, սակայն ազատ արձակվում: «Երկու օր անց Անժելա Մանուչարյանի նկատմամբ քրեական հետապնդումը դադարեցվում է՝ խրախուսող նորմով այն  հիմքով, որ նա հանդիսանում է Պետրոս Իսրայելյանի կինը»,- ասաց Միհրան Պողոսյանը: Նա նշեց, որ որոշ ժամանակ անց դատախազի ցուցումով ձերբակալվում է նաեւ Պետրոս Իսրայելյանի որդին՝ Գոռ Իսրայելյանը, ապա ազատ արձակվում. նրա նկատմամբ քրեական հետապնդումը եւս դադարեցվում է:

Այսպիսով, թեեւ Միհրան Պողոսյանը դատարանին ներկայացրեց մեղադրող դատախազ Գեւորգյանին բացարկ հայտնելու հիմքերը, սակայն նրան բացարկ չհայտնեց:

«Լիա» գեղեցկության սրահում տեղի ունեցած աղմկոտ սպանության մայր գործով նախաքննությունը շարունակվում է՝ հնարավոր հանցակիցներին հայտնաբերելու համար: Իսկ ահա անջատված մասով, բացի Չարբախցի Գեղամից մեղադրվում է նաեւ քրեական հեղինակություն Նորատուսցի Ալիկը (Ալիկ Բանդուրյան):

Գործով հաջորդ նիստը նշանակված է հոկտեմբերի 25-ին:

Տպել
3754 դիտում

Սպանվել է 4 պաղեստինցի. իսրայելա-պաղեստինյան ամենաթեժ բախումները գրանցվել են այսօր. ֆոտո

Վարդենյաց լեռնանցքում, Հրազդան քաղաքում, Սոթք-Քարվաճառ ավտոճանապարհին մերկասառույց է

Արքայազն Հարրին ու դերասանուհի Մարքլը կամուսնանան մայիսի 19-ին` հարսնացուի կնքվելուց հետո

ԿԺԴՀ-ն մտադիր է դառնալ աշխարհի ամենահզոր ու մեծ ռազմական կապիտալով տերությունը

Հայ մարմնամարզիկները կմասնակցեն Միխայիլ Վորոնինի անվան միջազգային մրցաշարին

Էռնեկյանը հայց է ներկայացրել հայկական գինու արտադրությամբ զբաղվողների դեմ

ՀՀԿ-ականներն ուզում են ասել, որ Սերժ Սարգսյանը ստախո՞ս է. Նիկոլ Փաշինյան

Պնախարարը մասնակցել է ցուցահանդեսի. հասույթը կտրամադրվի զինծառայողների ապահովագրությանը

Բարձրագույն կրթության օրինագիծ. հանրային քննարկում` ուսանողների մասնակցությամբ

Չեղարկել ԱՊՀ համաձայնագիրը, դուրս գալ ՀԱՊԿ-ից, ԵԱՏՄ-ից. Վարուժան Ավետիսյանի հոդվածը, մաս 3

Օլիմպիադա-2018. Հարավային Կորեայի Փհենչհան քաղաքում օլիմպիական եռուզեռ է. ֆոտոշարք

Ասուլիս առանց Սերժ Սարգսյանի. կարող է կարդալ այն, ինչ չի ուզում լսել

Մահվան ելքով պատահար Լիճքի հանքավայրում

Հայտարարվել է «Երևան 2800» տոնակատարության լոգոտիպի մրցույթ. հաղթողը 2 մլն կստանա

«Բագրատտուրի» սեփականատիրոջը տրանսպորտի նախարարությունը տուգանել է

Սրահը գազով տաքացնող ավտոբուսի երթուղին սպասարկող կազմակերպությունը տուգանվել է

Շանթի ընկեր Վարդան Վարդանյանն ազատ չի արձակվի. Արտուշ Գաբրիելյանը մերժել է դիմումը

Ապրիլի 1-ից կարգելվի աջղեկ մեքենաների ներմուծումը. հետագայում՝ շահագործումը

Հասմիկ Շիրոյանին երկրպագուներն են խորհուրդ տվել մասնակցել «Դեպի եվրատեսիլին»

Արա Բաբլոյանն ու Հունաստանի ԱԳՆ տեղակալը խոսել են հայ-հունական բարեկամության մասին