«Դատավորն առաջնորդվում է ինչ-որ մեկի թելադրանքով». հերթական ինքնաբացարկը մերժվեց

13/10/2017 schedule14:29

Ժիրայր Սեֆիլյանի եւ մյուսների գործով այսօրվա դատական նիստի ժամանակ հերթական ինքնաբացարկի միջնորդությունը ներկայացվեց նախագահող դատավոր  Տաթեւիկ Գրիգորյանին:

Մինչ այդ, երբ Սեֆիլյանին բերեցին նսիտերի դահլիճ, դատարան եկավ նաեւ նրա պաշտպան Տիգրան Հայրապետյանը: Մինչ այդ դատարանում Սեֆիլյանի շահերը ներկայացնում էր հանրային պաշտպան Մարինե Թովմասյանը, չնայած այն հանգամանքին, որ Սեֆիլյանն իր համաձայնությունը չէր տվել: Իսկ Հսյրապետյանը չէր ներկայանում նիստերին, քանի դեռ Սեֆիլյանը հեռացված էր նիստերից: Հայրապետյանը ներգրավվեց որպես Սեֆիլյանի շահերի պաշտպան, իսկ Մարինե Թովմասյանի լիազորությունները որպես Սեֆիլյանի հանրային պաշտպան, դադարեցվեցին: 

Այնուհետեւ Տիգրան Հայրապետյանը Ժիրայր Սեֆիլյանի անունից հայտարարություն ընթերցեց. «Ձեր անօրինական գործողությունների պատճառով իմ պաշտպաններ Արա Զաքարյանը եւ Տիգրան Հայրապետյանը չեն կարողանում մասնակցել նիստերին: Ես մամուլից եմ իմանում, որ դուք վաղուց սկսել եք վկաների հարցաքննությունը՝ իմ բացակայությամբ: Դուք հնարավորություն չեք տալիս ինձ մասնակցել դատավարությանը՝ անօրինական դատական սանկցիաներ կիրառելով իմ հանդեպ: Արգելում եմ պաշտպաններիս իմ բացակայության պայմաններում մասնակցել դատավարությանը»,- այսպիսի հայտարարություն է փոխանցել Սեֆիլյանը: Ապա Տիգրան Հայրապետյանը միջնորդեց, որպեսզի դատարանը իր պաշտպանյալ Ժիրայր Սեֆիլյանին պարզաբանի մեղադրանքի հիմքերը, քանի որ դա նախկին նիստերում չի արել: Դատավորը, սակայն մերժեց միջնորդությունը՝ նշելով, որ մեղադրանքի հիմքերը չի պարզաբանվել

Դատավոր Տաթեւիկ Գրիգորյանը նկատեց, որ Սեֆիլյանն ինքն է իր դիտավորյալ գործողություններով իրեն զրկել նիստերին մասնակցելու հնարավորությունից, ինչպես նաեւ մեղադրանքի էությունը պարզելու հնարավորությունից:

Տիգրան Հայրապետյանը մոտ մեկ ժամ ինքնաբացարկի միջնորդություն ներկայացրեց դատավորին, այդ ընթացքում դատարան էր բերվել նաեւ վկաներից մեկը, ում հարցաքննություն կիսատ մնաց:

Հայրապետյանն ասաց, որ նախագահող դատավորը նորամուծություններով է նիստեր անում՝ հեռացնելով ամբաստանյաներին առանց պաշտպանների նիստ անելով: Ըստ Հայրապետյանի դատարանը սանկցիաներ է խախտում օրենքի խախտումներով: Հայրապետյանի միջնորդությունը նախագահող դատավորը մի քանի անգամ ընդհատեց եւ պարզաբանեց պաշտպանին, որ անհագալից վերաբերմունք չդրսեւորի դատարանի նկատմամբ: Ապա մի քանի անգամ ընդհատելուց հետո  Տիգրան Հայրապետյանի նկատմամբ սանկցիա կիրառեց՝ նախազգուշացման տեսքով:

Տիգրան Հայրապետյանը շարունակեց՝ դատավորն առաջնորդվում է ինչ-որ մեկի թելադրանքով, այստեղ եւս դատավորն ընդհատեց նրան:

«Ինչպե՞ս է ստացվում, որ դատարանը նիստի օր ու ժամ է նշանակում, սակայն նիստից հետո որոշում է կայացնում փոխել ժամը եւ նշանակել ժամը 11:00-ին: Բոլորին է հայտնի, որ կալանավորված անձանց գործերով այդ ժամին նիստ չի նշանակվում, քանի որ այդ ժամին չեն հասցնում կալանավորներին ՔԿՀ-ներից տեղափոխել: Ձեր որոշումը նշանակում է, որ առնվազն կալանավայրի պետի հետ խորհրդակցել եք: Ես հիմնավոր կասկածներ ունեմ, որ Ձեզ ուղղորդում են»,- ասաց պաշտպանը:

Տաթեւիկ Գրիգորյանը կրկին ընդհատեց Հայրապետյանին՝ հորդորելով հարգալից վերաբերմունք դրսեւորել դատարանի հանդեպ:

«Ինձ մեղադրում եք արտադատական խաղի մեջ, կրկին զգուշացվում եք, ապակողմնորոշիչ հայտարարություն մի արեք»,- Տիգրան Հայրապետյանին դիմեց դատավորը Գրիգորյանը:

Հայրապետյանը գրավոր միջնորդությունը շարունակեց ներկայացնել, սակայն որոշ հատվածներ չընթերցեց՝ քանի որ այն գնահատողական հատվածներ էր պարունակում:

Հայրապետյանի միջնորդությանը միացան գործով մյուս ամբաստանյալների պաշտպանները: Միջնորդության դեմ առարկեցին մեղադրող դատախազները եւ խնդրեցին մերժել այն: Մասնավորապես՝ Պետրոս Պետրոսյանն ասաց, որ միջնորդությունը հիմնազուրկ է: Նշեց, որ պաշտպանը սխալ թվեր է ներկայացնում նաեւ կապված ամբաստանյալների թվի հետ: «Պաշտպանն իր երկարաշունչ միջնորդության մեջ նշել է, թե 8 ամբաստանյալի բացակայությամբ… բայց 8 ամբաստանյալ երբեք չի եղել»,- ասաց Պետրոսյանը:

Դատարանը մեկ ժամ անց խորհրդակցական սենյակից վերադառնալով մերժեց Տիգրան Հայարապետյանի՝ դատավորի կողմից ինքնաբացարկ հայտնելու միջնորդությունը՝ անհիմն լինելու պատճառով:

Տպել
1106 դիտում

Ուրախ եմ տեսնել Ձեզ, վարչապե՛տ Փաշինյան. Կանադայի վարչապետի գրառումը թվիթերում

Կստորագրվի համագործակցության նոր ծրագիր՝ ՀՀ-ի և Բուլղարիայի կառավարությունների միջև

Լավագույնս դրսևորվեց ժողովրդի բարձր քաղաքացիական գիտակցությունը. Հայ Ազգային Կոնգրեսը շնորհավորել է «Իմ քայլ»-ին

Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում (տեսանյութ)

Երեւանի ավագանու արտահերթ ընտրություններում գրանցված խախտումների ամփոփագիր

ՎՏԲ Հայաստան Բանկը գործարկել է ինտերնետ էկվայրինգ ծառայություն

Քվեաթերթիկները լրացրել են քվեախցերից դուրս, խցում մի քանի անձ է եղել. «Անկախ դիտորդ»-ի եզրակացությունները

Ռոբերտ Քոչարյանը դատի է տվել Նիկոլ Փաշինյանին

ՄԱԿ-ի կենտրոնակայանում Նիկոլ Փաշինյանը հանդիպել է Ռուանդայի նախագահի հետ

Քաղաքական գործիչների տիկնայք չպետք է խորհուրդներ տան ամուսիններին. Աննա Հակոբյան

Այս անգամ չկային ՀՀԿ-ականների տասովշիկների բրիգադները, քրեական խավը ներգրավված չէր ընտրությունների մեջ. դիտորդներ

Վանաձորի ՀՀԿ-ական քաղաքապետն ու ավագանին շնորհավորել են Հայկ Մարությանին

Հայաստանի վարչապետն ու Կիպրոսի նախագահը Նյու Յորքում հանդիպել են. վարչապետը հրավիրվել է Կիպրոս

Ն. Փաշինյանը ՄԱԿ-ի գլխավոր քարտուղարի հետ խոսել է ՀՀ-ում արտահերթ խորհրդարանական ընտրությունների անցկացման մասին

Հայտնում ենք մեր պատրաստակամությունը՝ օգնել նոր քաղաքային իշխանություններին. Արարատ Զուրաբյան

ՖԻՖԱ-ն ու ՈՒԵՖԱ-ն իրենց աջակցությունը հայտնեցին ՀՖՖ նոր ղեկավարությանը

Թուրքիայի խորհրդարանի նախագահը Բաքվում անդրադարձել է Ղարաբաղի հարցին

Երթևեկության կազմակերպման փոփոխություն Երևանի Կիևյան և Սեբաստիայի փողոցների հետիոտնային հատվածում

Իր տաժանակիր գործի ընթացքում կհանի փողկապն ու ժամանակ կտրամադրի մշակույթին. դերասանները՝ նոր քաղաքապետի մասին

Քվեարկությունը տեղի ունեցավ խաղաղ ու առանց լարվածության. եղել է սպառնալիքների, վիրավորանքի աճ. ՄԻՊ զեկույցը