Աշխարհի առաջնությունն ինձ համար լավ անցավ. Հարություն Մեդինյան

13/10/2017 schedule15:28

Աշխարհի 2015 թ. բրոնզե մեդալակիր, Եվրոպայի 2016 թ. չեմպիոն, 2017 թ. բրոնզե մեդալակիր Հարություն Մերդինյանին (նժույգթափեր) բավարարում են իր ելույթներն աշխարհի 2017 թ. առաջնությունում: Հոկտեմբերի 2-8-ը Կանադայի Մոնրեալ քաղաքում տեղի ունեցած մրցաշարում անզիջում մրցակցության պայմաններում զբաղեցրել է 5-րդ տեղը: Անկախ հորիզոնականից՝ գոհ է, քանի որ կատարել է մարզիչների առաջադրանքը, եւ իր հնարավորությունների սահմաններում արել է առավելագույնը: Armtimes.com-ի հետ զրույցում նա ամփոփեց աշխարհի առաջնությունը:

«Կատարումներիցս գոհ եմ: Ինչքանով պատրաստ էի, այդքան կարողացա անել: Ինձ համար աշխարհի առաջնությունը լավ անցավ՝ չնայած 5-րդ տեղը գրավեցի: Կարեւորը՝ կատարեցի իմ առջեւ դրված առաջադրանքը: Ե՛վ մարզիչներս են գոհ, ե՛ւ ես»,- ասաց նա:

Ավելի վաղ հավաքականի նրա թիմակից, Եվրոպայի 2016 թ. արծաթե մեդալակիր Արթուր Դավթյանը (բազմամարտ) նշել էր, որ իր կարծիքով՝ մրցավարներն այնքան էլ օբյեկտիվ չեն եղել Մերդինյանի նկատմամբ: Մերդինյանը որակավորման փուլը հաղթահարած 8 մարզիկի մեջ զբաղեցրել էր 8-րդ հորիզոնականը (14.433 միավոր): Եզրափակչում բարելավեց արդյունքը (14.700) եւ 5-րդ տեղը գրավեց: Ըստ Դավթյանի՝ միավորները եզրափակչում պետք է ավելի բարձր լինեին: Ինքը՝ Հարությունը, չի ցանկանում կենտրոնանալ մրցավարության վրա:

«Ոչինչ չեմ կարող ասել: Մրցավարները, երեւի, ինչ տեսնում են, այդ էլ գնահատում են: Ես չեմ կարող ասել, թե այդ պահին ինչ մտածեցին, որ մի փոքր ցածր գնահատական դրեցին»,- ասաց նա:

Մինչեւ աշխարհի առաջնությունը Հարություն Մերդինյանը մասնակցել էր սեպտեմբերի 16-17-ը Ֆրանսիայում՝ Փարիզում, տեղի ունեցած աշխարհի գավաթի խաղարկությանը: Այն ժամանակ չէր կարողացել հաղթահարել որակավորման փուլը: Նշում է, որ պատճառը վատ մարզավիճակն էր:

«Պատրաստ չէի: Շեշտն ավելի շատ դրված էր աշխարհի առաջնության վրա: Աշխարհի գավաթի խաղարկությանը մասնակցում էի, որպեսզի կարողանայի արագ վերականգնվել, հետո էլ հավաք եղավ, վերականգնվեցի, լավ մարզավիճակով մոտեցա աշխարհի առաջնությանը ու փաստացիորեն նորմալ հանդես եկա, մարզիչներս ինձանից ոչ մի դժգոհություն չունեն»,- ասաց նա:

Հարություն Մերդինյանն անդրադարձավ նաեւ մարմնամարզությունում օլիմպիական վարկանիշներ ձեռք բերելու կանոնների փոփոխությանը: Առանձին գործիքների վրա հանդես եկող մարզիկներն օլիմպիական վարկանիշներ կարող են նվաճել կամ աշխարհի գավաթի խաղարկություններում վաստակած վարկանիշային միավորների հանրագումարով, կամ էլ նախաօլիմպիական տարվա (տվյալ դեպքում 2019 թ.) աշխարհի առաջնությունում մրցանակային տեղ զբաղեցնելով: Մերդինյանն ընդգծում է, որ վարկանիշ ձեռք բերելու 2 ձեւն էլ շատ բարդ են:

«Չեմ կարող ասել՝ որն է ավելի հեշտ: Ինձ թվում է՝ հեշտ տարբերակ չկա, որովհետեւ բոլոր նրանք, ովքեր հանդես են գալիս առանձին գործիքների վրա, փորձելու են աշխարհի գավաթի խաղարկությունների միջոցով վարկանիշը ձեռք բերել: Այդ պարագայում, ինձ թվում է, մրցակցության առումով տարբերություն չի լինելու. գավաթի խաղարկություններում աշխարհի առաջնության նման շատ դժվար է լինելու»,- ասաց նա:

Աշխարհի առաջնությունը Հարություն Մերդինյանի համար այս տարվա վերջին մրցաշարն էր: Մինչեւ տարվա վերջ նա հանգստանալու է: Մրցաշրջանը նրա համար սկսվելու է հաջորդ տարի:

Տպել
1401 դիտում

Ուրախ եմ տեսնել Ձեզ, վարչապե՛տ Փաշինյան. Կանադայի վարչապետի գրառումը թվիթերում

Կստորագրվի համագործակցության նոր ծրագիր՝ ՀՀ-ի և Բուլղարիայի կառավարությունների միջև

Լավագույնս դրսևորվեց ժողովրդի բարձր քաղաքացիական գիտակցությունը. Հայ Ազգային Կոնգրեսը շնորհավորել է «Իմ քայլ»-ին

Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում (տեսանյութ)

Երեւանի ավագանու արտահերթ ընտրություններում գրանցված խախտումների ամփոփագիր

ՎՏԲ Հայաստան Բանկը գործարկել է ինտերնետ էկվայրինգ ծառայություն

Քվեաթերթիկները լրացրել են քվեախցերից դուրս, խցում մի քանի անձ է եղել. «Անկախ դիտորդ»-ի եզրակացությունները

Ռոբերտ Քոչարյանը դատի է տվել Նիկոլ Փաշինյանին

ՄԱԿ-ի կենտրոնակայանում Նիկոլ Փաշինյանը հանդիպել է Ռուանդայի նախագահի հետ

Քաղաքական գործիչների տիկնայք չպետք է խորհուրդներ տան ամուսիններին. Աննա Հակոբյան

Այս անգամ չկային ՀՀԿ-ականների տասովշիկների բրիգադները, քրեական խավը ներգրավված չէր ընտրությունների մեջ. դիտորդներ

Վանաձորի ՀՀԿ-ական քաղաքապետն ու ավագանին շնորհավորել են Հայկ Մարությանին

Հայաստանի վարչապետն ու Կիպրոսի նախագահը Նյու Յորքում հանդիպել են. վարչապետը հրավիրվել է Կիպրոս

Ն. Փաշինյանը ՄԱԿ-ի գլխավոր քարտուղարի հետ խոսել է ՀՀ-ում արտահերթ խորհրդարանական ընտրությունների անցկացման մասին

Հայտնում ենք մեր պատրաստակամությունը՝ օգնել նոր քաղաքային իշխանություններին. Արարատ Զուրաբյան

ՖԻՖԱ-ն ու ՈՒԵՖԱ-ն իրենց աջակցությունը հայտնեցին ՀՖՖ նոր ղեկավարությանը

Թուրքիայի խորհրդարանի նախագահը Բաքվում անդրադարձել է Ղարաբաղի հարցին

Երթևեկության կազմակերպման փոփոխություն Երևանի Կիևյան և Սեբաստիայի փողոցների հետիոտնային հատվածում

Իր տաժանակիր գործի ընթացքում կհանի փողկապն ու ժամանակ կտրամադրի մշակույթին. դերասանները՝ նոր քաղաքապետի մասին

Քվեարկությունը տեղի ունեցավ խաղաղ ու առանց լարվածության. եղել է սպառնալիքների, վիրավորանքի աճ. ՄԻՊ զեկույցը