Քիրքուքում 40 հայ ընտանիք կա, և նրանք ապահով են.հայ համայնքի ներկայացուցիչ

17/10/2017 schedule15:54

Իրաքյան Քուրդիստանի անկախության հանրաքվեից հետո Իրաքում ստեղծված աննախադեպ իրավիճակը շարունակում է մնալ լարված. Քիրքուքի գրավումից հետո հազարավոր բնակիչներ լքել են քաղաքը՝ շարժվելով դեպի Էրբիլ եւ Սուլեյմանիա:

Քիրքուքի Ազգային խորհրդի ատենապետ Մասիս Սարգսյանը հայտնել է, որ այս պահին քաղաքում խաղաղ է, եւ էլեկտրամատակարարումն էլ, որ ութ ժամից ավելի ընդհատվել էր, այժմ վերականգնվել է, գրում է haydzayn.am-ը: 

«Մենք, ճիշտն ասած, տանն ենք, այս ամբողջ ընթացքում տնից դուրս չենք եկել, բայց դե գիտենք, որ զորքը մտավ, եւ գրավեց քաղաքի կարեւոր մասերը՝ նավթի եւ ռազմական կարեւոր օբյեկտները»,- ասում է Սարգսյանը:

Այն հարցին, թե լուրերն են տարածվում, որ քրդերն առանց կռվելու հանձնվել են, իսկ ի՞նչ են խոսում այդ մասին քաղաքում, Մասիս Սարգսյանը պատասխանեց, որ լուրեր են պտտվում, որ ամեն ինչ համաձայնեցված է եղել կառավարական ուժերի հետ: Ըստ նրա, այդ է նաեւ պատճառը, որ գրավումը ոչ մի աղմուկ, իրարանցում չի առաջացրել Քիրքուքում, բնականոն կյանքը չի խաթարվել:

«Մտահոգություն այս պահին չունենք, շուկան հանդարտ է, կյանքը շարունակվում է, իհարկե, մարդիկ մի քիչ զգույշ են, բայց ընդհանուր առմամբ իրարանցում չկա»,- ասաց Մասիս Սարգասյանը: 

Ըստ նրա, քաղաքի բնակիչները քաղաքի ապագայով մտահոգ չեն նախ այն պատճառով, որ հարցը մեծ քաղաքականությանն է վերաբերվում եւ իրենք չէ, որ պետք է վճռեն Քիրքուքի ապագան: «Մենք շատ փոքր ենք, որ ինչ-որ բան որոշենք, անենք: Ոչինչ անել չենք կարող, կառավարությունների վճռելիք հարցն է: Մանավանդ հայերը շատ քիչ են, մենք փոքրիկ գաղութ ենք այստեղ»,-ասաց Մասիս Սարգսյանը` տեղեկացնելով, որ այս պահին Քիրքուքում մոտ 40 հայ ընտանիք կա: Քաղաքում հայերը հիմնականում արհեստավոր են, կան նաեւ նավթային ընկերությունում աշխատողներ:

Մասիս Սարգսյանն ասաց, այս դեպքերից հետո հայ ընտանիքներից ոչ մեկին չի տեսել, ոչ մեկի հետ չի խոսել, չգիտի մյուսների տրամադրությունների մասին, բայց վստահ է, որ նրանք էլ ընդհանուր առմամբ մտահոգություններ չունեն, զբաղված են իրենց առօրյա գործերով: 

Մասիս Սարգսյանը լավատես է իր ծննդավայր Քիրքուքի ապագայով, վստահ է, որ բոլոր հարցերը կլուծվեն, մարդիկ կշարունակեն իրենց բնականոն կյանքը:

Քիրքուքում գործում է «Սուրբ Մարիամ Աստվածածին» հայկական նորակառույց եկեղեցին, որի բացմանը երկու տարի առաջ ներկա է եղել Քիրքուքի նահանգապետը: Մասիս Սարգսյանը նշեց, որ Ազգային խորհուրդը զբաղվում է եկեղեցական եւ այլ հարցերով, նախկինում գործած հայկական դպրոցն էլ խորհրդի ենթակայության տակ էր: Հայ աշակերտների թվի նվազման հետ, ինչպես տեղեկացրեց մեր զրուցակիցը, դպրոցն այսօր չի գործում: Քիրքուքի հայ աշակերտները հաճախում են քաղաքի քրիստոնեական արաբական դպրոցներ:

Երկուշաբթի իրաքյան ուժերը սկսել են Քիրքուքի վրա գրոհը: Քիրքուքը, որ Իրաքյան Քուրդիստանի ու Իրաքի միջեւ վիճելի տարածքներից մեկն է համարվում, բնակեցված է թուրքմեններով, արաբներով եւ քրդերով: Քաղաքը լքողները հիմնականում եղել են քրդերը: Իրաքյան բանակին հաջողվել է գրավել շրջանը՝ վերահսկողություն սահմանելով Քիրքուքի օդանավակայանի եւ կարեւոր նավթային օբյեկտների նկատմամբ:

Տպել
1190 դիտում

Նիդերլանդներից ուղարկված ծրարի մեջ թմրանյութի նմանվող զանգված է հայտնաբերվել

Օրբելյանին պաշտոնից ազատելու լուրը Մակունցը չի մեկնաբանում, Օրբելյանը ասուլիսով հանդես կգա

Գուցե անցած խաղում մրցակիցը մեզ թերագնահատեց. Աշոտ Բարսեղյան

Թեղուտ ու Հաղարծին գյուղերի բնակիչները հարձակվել են անտառը հսկող բնապահպանների խմբի վրա

Վարչապետը միջազգային փորձագետների հետ քննարկել է արդարադատության բարեփոխումների հարցեր

Յուրի Խաչատուրովը որպես կարիքավոր ՊՆ-ից երկու բնակարան է ստացել

Վարչապետ Նիկոլ Փաշինյանն ընդունել է Ֆրանսիա-Արցախ բարեկամական խմբի նախագահին

24-ամյա «Ֆասթ Կրեդիտ Կապիտալ»-ը ձեռք է բերել ավելի քան 130 հազար հավատարիմ հաճախորդ

Կկառուցվի տարածաշրջանի ամենախոշոր պղնձաձուլարաններից մեկը. ծրագիրը կառավարությունում է

Պարգեւատրվել են անտառային հրդեհների մարման աշխատանքներին ակտիվ մասնակցած փրկարարները

39-ամյա տղամարդու կողմից կատարվել են սեքսուալ գործողություններ՝ 13-ամյա երեխայի նկատմամբ

Արմեն Սարգսյանի հրամանագրերով մարզերի դատարանների նախագահներ են նշանակվել

Ինչպես է հանգուցալուծվելու Մայր աթոռի շուրջ ստեղծված սկանդալը. զիջումների չեն գնում

Մեր զորքի մարտունակությունը գաղտնիություն է պարունակում, հրապարակման ենթակա չէ. Հակոբյան

Միրզոյանի գրասենյակի նախկին ղեկավարի ոտքը կառավարությունից կտրել չի լինում. ինչ է անում

ՌԴ-ում կան բազմաթիվ հայազգի երիտասարդներ, որոնք պատրաստ են լինել ՀՀ կառավարության կողքին

Ալիկ Սարգսյանի հաղորդման հիման վրա քրգործ է հարուցվել. նրանից 60.000 դոլար են պահանջել

Վերականգնվել է 6.7 մլն դրամ. հայտնաբերվել են չարաշահումներ տրանսպորտի տեխզննման հարցում

Ռուս պրանկերները Փաշինյանի անունից խոսել են Յունկերի հետ եւ հրավիրել նրան Երեւան

Ինչ էր կատարվում կուլիսներում ֆուտբոլի ԱԱ 2018-ի եզրափակչից րոպեներ առաջ (լուսանկարներ)