Ղազախստանի հետ կոնֆլիկտը շարունակվում է. ԵՏՀ-ից հետո Ղրղզստանը դիմել է ԱՀԿ

17/10/2017 schedule17:45

Ղրղզստանի կառավարությունը դիմել է Առեւտրի համաշխարհային կազմակերպությանը Ղազախստանի հետ սահմանին ստեղծված իրավիճակի պատճառով։ Այս մասին հայտնել է Ղրղզստանի կառավարության մամուլի ծառայությունը։

Մինչ այդ Ղրղզստանի էկոնոմիկայի նախարարը նամակ է հղել Եվրասիական տնտեսական հանձնաժողովի կոլեգիայի նախագահ Տիգրան Սարգսյանին, քանի որ, ըստ գերատեսչության,  Ղազախստանը խախտում է ԵԱՏՄ պայմանագրի դրույթները:

Ղրղզստանի սահմանապահ ծառայությունն ավելի վաղ հայտնել էր, որ Ղազախստանը խստացրել է սահմանային վերահսկողությունը, ինչի պատճառով ավտոմոբիլային խցանումներ են առաջացել։ Ղազախստանի Ազգային անվտանգության կոմիտեի սահմանային ծառայությունը հայտնել է, որ պետական սահմանի ողջ երկայնքով, այդ թվում՝ ղազախա–ղրղզական հատվածում, պլանային գործողություններ են ընթանում։ Ղազախստանի էկոնոմիկայի նախարար Տիմուր Սուլեյմանովը ավելի վաղ հայտնել էր, որ երկիրը չի խախտում ԵԱՏՄ նորմերը՝ խստացնելով սահմանային վերահսկողությունը։

«Ղրղզստանի Հանրապետության կառավարությունը պաշտոնապես դիմում է գրել ԱՀԿ քարտուղարությանը ղրղզա–ղազախական պետական սահմանին ստեղծված իրավիճակի կապակցությամբ։ Դիմումի հիմնական պատճառը Ղազախստանի Հանրապետության կողմից ԱՀԿ սակագների, առեւտրի եւ համաձայնության մասին նորմերի խախտումն է»,- ասված է հաղորդագրության մեջ։

Ղրղզստանի կառավարությունը հայտնել է, որ վերահսկիչ քայլերի սահմանումից հետո անցակետերի աշխատանքը 2.4 անգամ կրճատվել է։

Ղրղզստանի և Ղազախստանի սահմանին իրավիճակը սրվել է հոկտեմբերի 10-ին, երբ Ղազախստանի իշխանություններն ուժեղացրել են անցակետերում հսկողությունը:

Ղազախստանը Ղրղզստանի հետ սահմանին խստացված ռեժիմի անցավ, ղազախ սահմանապահները և հատուկ ծառայությունների աշխատակիցները մանրակրկիտ ստուգում են սահմանը հատողներին: Սահմանային անցակետի մոտակայքում մարդատար և բեռնատար մեքենաների հսկայական հերթ է գոյացել: 1 ժամում սահմանը հատում է հազիվ 2-3 մեքենա: Մարդիկ ստիպված են սպասել նվազագույնը 20 ժամ:

Ղրղզստանի շուկաների, առևտրային և սպասարկման ոլորտի ձեռնարկությունների ասոցիացիայի ղեկավար Սերգեյ Պոնոմարյովը հայտնել է, որ ստեղծված իրավիճակը լրջագույն իմիջային հարված է ԵԱՏՄ-ին, քանի որ կառույցին անդամակցել հավակնող երկրները հիմա կարող են մտահոգվելու առիթ տեսնել:

Ղրղզստանի բիզնես շրջանակների ներկայացուցիչները պատրաստվում են դիմել ղազախ գործընկերներին` խնդրին համատեղ լուծում գտնելու համար: Իսկ ամեն ինչ սկսվեց, երբ Ղրղզստանի նախագահը հայտարարեց, որ Ղազախստանը միջամտում է Բիշքեքի ներքին գործերին և առաջիկա նախագահական ընտրություններին:  Բան այն է, որ Աստանան Ղրղզստանում տեղի ունեցած նախագական ընտրություններին աջակցում էր ընդդիմադիր թեկնածու Օմուրբեկ Բաբանովը:

Վերջինի հանդիպումը Ղազախստանի նախագահ Նուրսուլթան Նազարբաևի հետ Բիշքեքը գնահատվել էր որպես Ղրղզստանի ներքին գործերին Աստանայի միջամտություն: Ղազախստանի ԱԳՆ-ն խստորեն հերքել է մեղադրանքը:

Ընտրություններին, ըստ պաշտոնական տվյալների, հաղթանակ տարավ իշխանամետ թեկնածու նախկին վարչապետ Սոորոնբայ Ժեենբեկովը: 

Ղրղզստանի և Ղազախստանի սահմանին տիրող իրավիճակի անդրադարձել է նաեւ Ղրղզստանի նախագահ Ալմազբեկ Աթամբաևը՝ նշելով, որ այն հակասում է ԵԱՏՄ շրջանակում ձեռքբերված պայմանավորվածություններին: «Երեք օր է՝ ես հետևում եմ այն անօրենությանը, որ տեղի  է ունենում Ղրղզստան-Ղազախստան սահմանին, որտեղ խախտվում են Եվրասիական տնտեսական միության բոլոր նորմերն ու համաձայնագրերը»,- ասել է նա:

Նրա խոսքով՝ Ղրղզստանի ժողովուրդը «երբեք չի վախենա եռօրյա արգելափակումից» և ոչ մի դեպքում «չի ընտրի օտարերկրացի «շեստյորկաների» (խոսքը, հավանաբար, նախագահի թեկնածուներից մեկի մասին է): Աթամբաևը նշել է, որ Ղրղզստանը «կհաղթահարի այսօրվա անօրինությունը», ինչպես դա արել է 2010 թվականին, երբ Ղազախստանի հետ սահմանը փակվել է գրեթե մեկուկես ամիս:

Տպել
1511 դիտում

Արցախի ԱԳՆ ղեկավարն ընդունել է Ֆրանկոֆոն մամուլի միջազգային միության վարչության մի խումբ անդամների

Հորդորում եմ պահպանել կոռեկտություն, Խանդոյանը կասեր՝ մենք նույն Հայրենիքի զավակներն ենք. Վ. Ավետիսյան

Մահացել է Microsoft-ի համահիմնադիր Փոլ Ալենը՝ ամենահարուստ մարդկանցից մեկն աշխարհում

Ողբերգական ավտովթար Կոտայքի մարզում. բախվել են Nissan-ն ու 07-ը. կա 1 զոհ, 2 վիրավոր

1 շաբաթում 153 հրդեհ է գրանցվել, թունավորման 9 դեպք, որից տուժել է 11 քաղաքացի

Հիացած եմ Հայաստանի գեղատեսիլ վայրերով և հայերի հյուրասիրությամբ. Ուկրաինայի ԱԳ պետքարտուղար

Արարատ Միրզոյանը ՌԴ դեսպանի հետ քննարկել է ՀՀ–ում ներքաղաքական զարգացումները

Թրանսփարենսի Ինթերնեշնլ-ը դիմել է ԵԽԽՎ՝ Հայաստանի՝ փողերի լվացման սխեմաներում ընդգրկված լինելու քննության համար

ՀՀԿ-ի՝ Բրյուսովի համալսարանի չհրկիզվող պահարանից գտնված 56 անդամատոմսերից 5-ը կապ չունեն բուհի հետ

Հայտնի են Արմավիրի, Արագածոտնի, Սյունիքի նոր մարզպետների անունները

Նիկոլ Փաշինյանը լուսանկար է հրապարակել Յուրի Բաշմետի հետ

Հունան Պողոսյանը նշանակվելու է Սյունիքի մարզպետ

ՀՀ ֆուտբոլի հավաքականի անդամները հանդիպել են երկրպագուների հետ

Կոտայքում բախվել են Ոստիկանության և ՊՆ ծառայողների մեքենաները. 4 ամսական երեխան հիվանդանոցում է

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը

Չեչնիայի նախագահ Կադիրովը Փաշինյանի ու Մակրոնի պարից հետո պարի մարաթոն սկսելու կոչ է արել քաղաքական գործիչներին

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից