Կիեւ. ցույցերը շարունակվում են, պատգամավորներին կարող են զրկել անձեռնմխելիությունից

18/10/2017 schedule15:35

Ուկրաինայի մայրաքաղաք Կիեւի կենտրոնում արդեն երկրորդ օրն է, ինչ տեղի է ունենում Վրաստանի նախկին նախագահ եւ Օդեսայի նախկին նահանգապետ Միխեիլ Սահակաշվիլիի կողմնակիցների մասշտաբային բողոքի ակցիան: Տարբեր քաղաքական ուժերի ներկայացուցիչների հանդես են գալիս հայտարարություններով, նրանք սկսում են խոսել եւս մեկ «մայդանի» հնարավորության մասին:

Զանգվածային բողոքի ակցիան նախաձեռնող Միխեյիլ Սաակաշվիլին ուկրաինական ընդդիմության այլ ներկայացուցիչների հետ պահանջել է նախագահ Պյոտր Պորոշեյնկոյի հրաժարականը: «Կոչ եմ անում կիևցիներին գալ այստեղ և պահանջել Պորոշենկոյի հրաժարականը»,- այսօր, ելույթ ունենալով հանրահավաքի մասնակիցների առջև, հայտարարել է Ուկրաինայում ընդդիմադիր շարժում սկսած Միխեյիլ Սաակաշվիլին: Նրա խոսքով՝ «քանի դեռ Պորոշենկոն իշխում է, կլինի աղքատություն, ստորացում և արտագաղթ»:

Տեղի է ունեցել նաեւ բախում ցուցարարների ու իրավապահների միջեւ: Ոստիկանությունն արցունքաբեր գազ է կիրառել այն բանից հետո, երբ հանրահավաքի մասնակիցները փորձել են վրան տանել Ռադայի շենքի մոտ՝ շրջանցելով մետաղորսիչ սարքերը:

Նշվում է, որ Սահակաշվիլիի կուսակցությունից բացի, բողոքի ակցիային մասնակցել են նաև Յուլյա Տիմոշենկոյի «Բատկիվշչինան», Անատոլի Գրիցենկոյի «Քաղաքացիական դիրքորոշումը» և մի շարք հասարակական կազմակերպություններ: Ավելի վաղ Ուկրաինայի նախագահ Պյոտր Պորոշենկոն հայտարարել էր, որ իր համար ամենակարևորը Իրավապահների և ցուցարարների միջև բախումներ թույլ չտալն է:

Ուկրիանայի Ռադայում «Ընդդիմադիր բլոկ» ֆրակցիայի պատգամավոր Յուրի Բոյկոն դեմ է հանդես եկել հեղափոխական փոփոխություններին՝ հայտարարելով, որ երկիրը չի դիմանա երրորդ «մայդանին»:

Ցուցարարների թիվը տարբեր գնահատականներով կազմել է 3-ից 6 հազար: Ինչպես հաղորդում է «Ազատություն» ռադիոկայանի ուկրաինական ծառայությունը, ցույցի մասնակիցներն իշխանություններին երեք հիմնական պահանջ են ներկայացրել՝ ստեղծել հակակոռուպցիոն դատարան, չեղարկել պատգամավորական անձեռնմխելիությունը և բարեփոխել Ընտրական օրենսգիրքը:

Ուկրաինական ընդդիմության գնահատմամբ՝ երկրում դատարանների անկախության հարցում այդպես էլ առաջընթաց չի նշմարվում, իսկ կոռուպցիան շարունակում է մոլեգնել առաջվա պես: Այս հանրահավաքը հաջորդում է երկրում վերջերս բացահայտված հերթական աղմկոտ կոռուպցիոն սկանդալին: Ուկրաինացի քննիչները պարզել են, որ պատերազմական դրության մեջ գտնվող երկրի ռազմական գերատեսչության մի խումբ բարձրաստիճան պաշտոնյաներ խոշոր չափերի պետական ունեցվածք են յուրացրել: Կրքերն էլ ավելի են բորբոքվել, երբ իրավապահները կասկածյալներին ոչ թե բանտարկել են, այլ տնային կալանքի են ենթարկել:

Թեև Ուկրաինայում վերջին ամիսներին նման բացահայտումները հաճախակի են դարձել, ընդդիմությունը դա բավարար չի համարում՝ պահանջելով խստացնել կոռուպցիոներների պատիժը: Խորհրդարանի շենքի մոտ հավաքված ակտիվիստներն այսօր պնդում էին՝ նախագահն ու խորհրդարանը երեք տարվա ընթացքում որևէ կերպ չեն բարեփոխել Ուկրաինայի քաղաքական համակարգը, չեն կատարել նախընտրական խոստումները:

Ուկրաինայի նախագահ Պետրո Պորոշենկոն կարծես արձագանքել է բողոքի ցույցի մասնակիցների պահանջին ու արդեն խորհրդարան ուղարկել Պատգամավորական անձեռնմխելիության չեղարկման մասին օրենքի նախագիծը: Եթե այն արժանանա Ռադայի հավանությանը, ապա սկսած 2020 թվականից ուկրաինացի օրենսդիրներին քրեական պատասխանատվության ենթարկելու, ձերբակալելու և կալանավորելու համար այլևս անհրաժեշտ չի լինի խորհրդարանի համաձայնությունը:

Պատգամավորներին անձեռնմխելիությունից զրկելու պահանջն Կիևի կենտրոնում կազմակերպված բազմամարդ բողոքի ցույցի մասնակիցների գլխավոր պահանջներից մեկն էր:

Տպել
1966 դիտում

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն

Արտահերթ ընտրությունները սահմանադրական ճգնաժամի հաղթահարման միակ ճանապարհն է, խախտված է ԱԺ մեծամասնությունը. ԲԴԽ նախագահ

«Քվազի-համամասնական» ցուցակներն ապացուցեցին իրենց մանիպուլյատիվ բնույթը. Արարատ Միրզոյանը՝ Վենետիկի հանձնաժողովում

Դուք պետք է տեսնեք, որ դուք հաղթեցիք, ոչ թե փողը կամ լավ ախպերությունը. Ն. Փաշինյանը՝ Կապանում

«Քոնթուր Գլոբալ Հիդրո Կասկադ» ՓԲԸ-ի կողմից կազմակերպված աճուրդի մասին հրապարակային ծանուցում

Ի հիշատակ Արա Գյուլերի թուրք վիրտուոզ ջութակահարը նվագել է Կոմիտասի «Կռունկ»-ը

Նա պետք է ծառայի ժողովրդին, այլ կերպ լինել պարզապես չի կարող. Ն. Փաշինյանը՝ Հունան Պողոսյանի նշանակման մասին

Հունան Պողոսյանը հորս չի հարվածել. Շահեն Հարությունյան

Եւս մի նոր կուսակցություն է ստեղծվում, որը կմասնակցի առաջիկա խորհրդարանական արտահերթ ընտրություններին

Երեխաների իրավունքների երաշխավորումը պահանջում է սրտացավ աշխատանք. ՄԻՊ-ը՝ «Մխիթար Սեբաստացի» կրթահամալիրում

Առաջարկեց «լավով» հեռանալ աշխատանքից. այս մասին պետք է տեղյակ լինի վարչապետը. Գոհար Փանաջյան