Ունե՞ք ուրիշ նախագիծ, բերեք. Էթիկայի հանձնաժողով ստեղծելու հարցի քվեարկությունը հետաձգվեց

ԱԺ պետական-իրավական եւ մարդու իրավունքների պաշտպանության հարցերի մշտական հանձնաժողովում ԱԺ «Ելք» էթիկայի ժամանակավոր հանձնաժողով ստեղծելու հարցի քվերակությունը հետաձգվեց: Հիմնական զեկուցող Արտակ Զեյնալյանը նշեց, որ խմբակցությունում կքննարկեն հանձնաժողովականների նկատառումները:

Հանձնաժողովը պետք է քննարկեր եւ եզրակացություն տար հոկտեմբերի 5-ին ԱԺ-ում գրանցված միջադեպի մասին:

Հանձնաժողովի նախագահ Հրայր Թովմասյանի խոսքով չի կարող նախագիծ ընդունվել նախադեպերի հիման վրա, քանի որ ըստ նրա, այժմ ԱԺ կանոնակարգ օրենքով Էթիկայի հանձնաժողովը պետք է քննի կոնկրետ դեպք:

«Միգուցե հանձնաժողովի անդամները կարող են տեղեկացված լինել միջադեպի մասին, բայց դուք պետք է հստակեցնեք` պատագամվորի կողմից, որ քայլն է խախտում այդ կանոնները, դրանք պետք է կցվեր նախագծին: Եթե հանձնաժողովը ստեղծվի հնարավո՞ր է երկու կողմի պահվածքն էլ քննենք, այդ թվում հարցազրույցները, որոնք տվել են միջադեպից հետո: Թե՞ հերքում եք նման հանգամանքը, մյուս պատգամավորի վարքագիծը չի կարող քննարկման ենթակա դառնալ»,- հարցրեց Թովմասյանը՝ նկատի ունենալով Փաշինյանի հարցազրույցը:

Նշենք, որ «Ելքն» առաջարկում էր 10 հոգանոց հանձնաժողով ստեղծել: Թովմասյանը առաջարկեց նախագծի անունը փոխել, իսկ 10 հոգին դարձնել 9-ը:

Այնուհետեւ, ելույթ ունենալով Նիկոլ Փաշինյանը հայտարարեց.

«Պարոն Թովմասյանը նախարար, պատգամավոր ժամանակ ինչ օրենք ասեց, բերեց մտցրեց, հիմա մեր նախագծի մասին ասում է, թե համաձայն եք երկու պատգամավորների պահվածքն էլ քննենք»,- ասաց Փաշինյանը եւ անդրադառնալով մինչ իր ելույթը ելույթ ունեցած ԲՀԿ-ական Գեւորգ Պետրոսյանի այն հայտարարությանը, որ չկա ապացույց, եւ պետք է հարցը սրանով վերջացնել, Փաշինյանն ասաց.

«Պարոն Պետրոսյան, որ Դուք էլ ասում եք, թե իրեղեն ապացույց չկա, գնացեք Ձեր կուսակցության պատգամավորների հետ խոսեք, տեսեք ինչ են ասում: Նոր Ձեր կողքը նստած էր, ու՞ր գնաց Նապոլեն Ազիզյանը, հարցրեք իրան: Հանձնաժողովը ստեղծվում է, որ իրավիճակը քննարկի, ինչ ասել է, թե ապացույց չկա: Էդ, որ ասում եք, թե հինգ տարի իրար հետ աշխատելու եք, մենք էլ ասում ենք, թե պետք է իմանանք, ինչ պայմաններում ենք աշխատելու:

Եթե այս միջադեպը գնահատական չստացավ, ապա անկախ նրանից, թե հետո ապացույցներ կլինի, թե ոչ, բայց նման դեպքերը միշտ էլ միջանցքներում կրկնվելու են: Սա մեր նախագիծն է, ունե՞ք ուրիշ նախագիծ, բերեք, դրեք շրջանառության մեջ: Ունե՞ք մտահոգություն պատգամավորների գրառումների վերաբերյալ, ուրեմն ստեղծեք ժամանակավոր հանձնաժողով ԱԺ պատգամավոր Նիկոլ Փաշինյան կոշիկները Արտաշես Գեղամյանով մաքրելու համար: Ստեղծեք, բերեք, ես էլ կողմ կքվեարկեմ:

Հրայր Թովմասյանն ասում է, թե մեկ հոգին ավեի է: Իբր հանրապետականների կարծիքները տարբեր են, այդ հանձնաժողովում էլ պետք է համակարծիք չլինեն, ուզում են ստեղծվելիք հանձնաժողովի 10 անդամը դարձնել 9-ը:  Ուզում է 71 հոգի լինեք, ուզում եք 171 հոգի եղեք, մեկ է ձեռքերներդ մեկ հոգու նման վերեւ եք հանում: Սա մեր առաջարկած նախագիծն է, ուզում եք ընդունել, ուզում եք մի ընդունել»,- իր ելույթում ասաց Փաշինյանը:

Տպել
2564 դիտում

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին