Մակրոտնտեսական ցուցանիշները գնալով վատանում են. ի՞նչ պատահեց

Մեր տնտեսության վիճակը նկարագրող պաշտոնական վիճակագրությունը արդեն երկու ամիս անընդմեջ տխուր թվեր է հրապարակում:

Երեկ հրապարակվեց այս տարվա առաջին 9 ամիսներին արձանագրված օպերատիվ տվյալները: Ըստ այդմ, սեպտեմբերին տնտեսական ակտիվության ցուցանիշը (ՏԱՑ) անցած տարվա նույն ամսվա համեմատ աճել է ընդամենը 2.5 տոկոսով: Օգոստոսին էլ այդ ցուցանիշը 2.4 տոկոս էր:

Սա ուշագրավ է նրանով, որ օրինակ տարվա առաջին 7 ամիսներին ՏԱՑ-ի աճը անցած տարվա նույն ժամանակահատվածի համեմատ կազմել է 6.2 տոկոս: Այլ կերպ ասած, արդեն երկրորդ ամիսը շարունակ ՏԱՑ-ի աճի տեմպը 2.5 անգամ նվազել է տարվա առաջին 7 ամիսների համեմատ: 

Ինչ եղավ մեր տնտեսության հետ, այնքան էլ հասկանալի չէ: Ու ընդհանրապես, Կարեն Կարապետյանի վարչապետության օրոք մեր տնտեսական ցուցանիշները, մասնավորապես ՏԱՑ-ը տարօրինակ վայրիվերումներ է ունենում: Օրինակ, առաջին գծապատկերում ներկայացված է անցած տարվա առաջին 9 ամիսների ՏԱՑ-ի փոփոխությունը: Ինչպես տեսնում ենք, կորը հարթ է եւ շատ հանդարտ գնում է անկման: Իսկ ահա այս տարվա առաջին 9 ամիսներին ՏԱՑ-ի փոփոխությունը այնպիսի զիգզագներ ունի, որ մարդու գլուխ է պտտվում:

Մակրոտնտեսական ցուցանիշերը սովորաբար չպետք է այսպիսի վայրիվերումներ ունենան, եթե այդ ընթացքում տեղի չեն ունեցել, ասենք, բնական աղետներ, պատերազմներ, իշխանության արմատական փոփոխություններ: Դրանցից ոչ մեկը այս տարվա ընթացքում չի եղել:

Ամենամեծ անկումը կրկին գրանցվել է գյուղատնտեսությունում: Անցած տարվա սեպտեմբերի համեմատ անկումը կազմել է 11.6 տոկոս: Մյուս ոլորտներում անկումներ չկան, սակայն աճի տեմպերը զգալի նվազել են:

Գործող կառավարության «հաղթաթուղթը», իհարկե, արդյունաբերությունն է: Սեպտեմբերին այստեղ 8 տոկոսից քիչ ավելի աճ է եղել: Եվ դա այն դեպքում, երբ ասենք, մայիսին, կամ փետրվարին աճը 20 տոկոս էր: Մյուս հաղթաթուղթը արտահանման ծավալների աճն է, բայց այս առումով էլ ցուցանիշները լավ չեն: Սեպտեմբերին անցած տարվա սեպտեմբերի համեմատ արտահանումը աճել է 11.7 տոկոսով: Բայց եղել են ամիսներ, երբ աճը եղել է 25 տոկոս, 32 տոկոս, 39 տոկոս...:   

Իսկ ամենաուշագրավն այն է, որ տարվա վերջին ամիսներին սպասվում էր ավելի բարձր աճ, եւ դա պարզ թվաբանություն է: Խնդիրն այն է, որ անցած տարվա վերջին ամիսներին ցուցանիշները կտրուկ նվազեցին, ինչը երեում է առաջին գծապատկերից: Իսկ դա նշանակում է, որ համեմատության բազան ցածր է: Այսինքն, եթե ունեք մեկ խնձոր, ու դրան ավելացնում եք եւս մեկը, ապա աճը 100 տոկոս է: Բայց եթե ունենում եք 10 խնձոր եւ ավելացնում եւս մեկը՝ աճը 10 տոկոս է: Անցած տարվա հուլիսից սկսած, պատկերավոր ասած՝ մեկ խնձոր կար, եւ եթե այս տարի էլ մեկ խնձոր ավելացվեր դրան, ապա կունենայինք բարձր աճի ցուցանիշներ: Բայց ստացվել է այնպես, որ անցած տարվա մեկ խնձորին ավելացվել է խնձորի մի փոքր կտոր ընդամենը:  

Առաջին 9 ամիսների կտրվածքով տնտեսական ակտիվության ցուցանիշը կազմել է 5.1 տոկոս: Ներկայիս պաշտոնական կանխատեսումներով տարին կփակվի 4-4.5 տոկոս աճով: Այլ կերպ ասած, կառավարությունն էլ գիտի, որ առաջիկա 3 ամիսներին էլի վատ ցուցանիշներ ենք ունենալու: Հետաքրքիր է՝ որտեղի՞ց գիտի:

Տպել
6352 դիտում

Մեծ վտանգ կա ապագա խորհրդարանը վերածելու յուրայինների ակումբի. Վիգեն Սարգսյան

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան