Տարօրինակ հանդիպում՝ Ստամբուլի նահանգապետարանում. Թուրքիայի հայ համայնքը պառակտված է

26/10/2017 schedule14:32

Պոլսո հայոց պատրիարքի ընտրության գործընթացով զբաղվող 4 հոգանոց խումբը, տեղապահ սրբազանի բացակայությամբ, այցելել է Ստամբուլի նահանգապետ Վասիբ Շահինին, գրում է Ակոսը: 

Նահանգապետի ընդունած խմբում եղել են Պոլսո Հայոց պատրիարքարանի Եկեղեցական խորհրդի նախագահ Սահակ Մաշալյանը, Ստամբուլի հայկական Սուրբ Փրկիչ հիվանդանոցի ղեկավար Պետրոս Շիրինօղլուն, Պոլսո Հայոց պատրիարքի ընտրության կազմակերպմամբ զբաղվող նախաձեռնող խմբի նախագահ Սարգիս Քյուլեգեչը եւ Պոլսո պատրիարքի նախկին փոխանորդ Արամ Աթեշյանը: 

Հայտնի է, որ տեղապահը ինչ-որ հարցով մեկնել է Գերմանիա, որտեղից Ստամբուլ կվերադառնա հոկտեմբերի 30-ին: Մեկնումից առաջ նա մամուլի ասուլիսի ժամանակ հայտարարել էր, որ պե­տական պաշ­տոն­յաների հետ հան­դի­պելու հա­մար Պետ­րոս Շի­րինօղ­լուն եր­կու ան­գամ խնդրել է պայմանավորվել, սակայն այդ խնդրան­քին պա­տաս­խան չէր ստա­ցել: Այժմ բավական նշանակալից է Ստամբուլի նահանգապետարանում այս հանդիպումը՝ Բեքչյան սրբազանի բացակայությամբ, հատկապես երբ հայտնի են խոսակցություններ նրա դեմ եղած դժկամությունների մասին:

Հայտնի է, որ Թուրքիայի իշխանությունները հակված են Պոլսո պատրիարքարանում Բեքչյանի փոխարեն տեսնել Թուրքիայի քաղաքացի երկու այլ եպիսկոպոսների՝ նախկին փոխանորդ Արամ արքեպիսկոպոս Աթեշյանին եւ Սահակ Մաշալյանին: Ստամբուլի նահանգապետարանը չի ճանաչում տեղապահ Բեքչյանի, եւ նրա գլխավորությամբ պատրիարքի ընտրություն կազմակերպող խորհրդի գործունեությունը: Ակոսը տեղեկություն ունի, որ հայ եկեղեցականները Ստամբուլի նահանգապետից պահանջել են գրավոր ձեւակերպել իր առարկությունները, ինչին Վասիբ Շահինը համաձայնել է: 

Եթե այս տեղեկությունը հաստատվի, ապա սա նշանակում է բացահայտ ապացույց ունենալ, որ պետությունը միջամտում է Պոլսո հայոց պատրիարքի ընտրությանը: Ի՞նչ իմաստ ու­նի Աթե­շյան եւ Մա­շալյան սրբա­զան­ների Թուրքիայի քաղաքացի լինելը շեշտելը: Հայտնի է, որ պատ­րիար­քա­կան ընտրու­թյանը մաս­նակցե­լու իրա­վունք ու­նեն, բո­լոր նրանք, որ ծնվել են Թուրքիայում, կամ որոնց ծնողներն են ծնվել Թուրքիայում: Եթե այստեղ արքեպիսկոպոս Բեքչյանի հարցն է, ապա այդ դիտողությունը դարձյալ անտեղի է, քանի որ նա եւս Թուրքիայում է ծնվել եւ Պոլսի պատրիարքական աթոռին ենթակա եպիսկոպոս է: 

Ափ­սոս որ պատրիարքի ընտրության գոր­ծընթա­ցը, թե պե­տու­թյան այս տե­սակ տա­րօրի­նակ մի­ջամ­տություննե­րով, եւ թե որոշ հայ գործիչների՝ նման միջամտությունների համար հող պատրաստելու քաղաքականությամբ ձախողվում է:  

Պոլ­սա­հայու­թյունն ար­ժա­նի չէ նման տա­րօրի­նակ խա­ղերի։ Այս հա­մայնքն ինը տա­րի է արժանի պատրիարք ընտրելու համար հնարավոր բոլոր քայլերին է դիմել: Բեքչյան սրբազանն ուրիշ աշխարհից չի եկել Ստամբուլ: Նա տեղապահ է ընտրվել հոգեւոր խորհրդի որոշումով: Պատրիարքը ժողովրդի ձայներով պիտի որոշվի, հետեւաբար տեղապահի բացակայությամբ նման հանդիպումներն ավելի են բարդացնում հարցը եւ այլ արդյունք չեն կարող տալ: Հայ համայնքի որոշ անդամներ տարիներ շարունակ իրենց շուրջ բո­լորը «լո­լոզե­ցին պե­տու­թիւնը այսպէս կ՚ու­զէ կամ այնպէս կ՚ու­զէ» ասե­լով։ Ափ­սոս, որ այդ սո­վորու­թյունը վեր­ջին տա­րինե­րին էլ ավե­լի տե­սանե­լի է դառնում: Պե­տու­թյունը թող հրա­պարա­կի Բեքչյան սրբա­զանի կամ Նա­խաձեռ­նարկ Մարմնի ան­դամնե­րի դեմ իր դժկա­մու­թյան պատ­ճառնե­րը։ Նույ­նը պար­տավոր են անել պատ­րիար­քա­կան ընտրու­թյան գոր­ծընթա­ցի բո­լոր դե­րակա­տար­նե­րը։ Հակառակ դեպքում ամ­բողջ հա­մայնքը կմատ­նվի ծա­ծուկ սպառ­նա­լիք­նե­րով ուղղու­թյուն տրված հա­վաքա­կանու­թյան դիրքին, որին արժանի չէ: 

Տպել
22789 դիտում

Կա՛մ լավը, կա՛մ ոչինչ. աբսուրդային իրավիճակ

Բանջարաբոստանային. ժողովրդին չդնել կաղամբի տեղ 

Առիթ լինի. հաղթիլ տեն, համա ուշացնում են

Երեւան-Բաթումի և Բաթումի-Երեւան գնացքները վրացական կողմի մեղքով 2 ժամից ավելի ուշացել են

Փոքր երկիր ենք, բայց մեծ հաջողության հասանք. խորվաթները ԱԱ եզրափակչից հետո տոնում էին

Ռեադմիսիայի դեպքում որոշակի մեխանիզմներ ու ընթացակարգեր ներդնելու կարիք կա. Ղազարյան

Հայաստանն աջակցելու է Արցախին մրցունակ ծրագրեր մշակելու հարցում. Ավինյան

Ռազմաբազայի զինվորականները Փանիկում զորավարժանքի հրահանգ չեն ունեցել. Շիրակի մարզպետ

Ոստիկանի վրա պատահական կրակել է ոչ թե Բիլյանը, այլ՝ Գրիգորյանը. Պավել Մանուկյան

«Մարտի 1»-ի գործով քննչական խմբի ղեկավարն ազատվել է ՔԿ-ի փոխնախագահի պաշտոնից

Վրաստանի իշխանությունները ընդառաջում են հայ վարորդներին եւ լիազորագիր չեն պահանջի

Կեսօրից հետո սպասվում է անձրեւ եւ ամպրոպ. եղանակը ՀՀ-ում

ՌԴ 102-րդ ռազմաբազայի պատասխանատու Ալեքսեյ Պոլյուխովիչը ներողություն է խնդրել

ՊԲ-ում որեւէ արտառոց պատահար տեղի չի ունեցել. Արցախը հակադարձում է armiya.az-ին

Անհիմն հաշվարկներ եւ փաստարկներ. գազալցակայանները բարձրաձայնում են ՊԵԿ-ի քրգործերի դեմ

Շոտլանդացի լրագրողները չեն գնացել «Ալաշկերտի» ասուլիսին

Հովհաննես Սահակյանը սեքս-սկանդալից տարիներ անց առաջին անգամ խոսեց

Վատնել է համայնքի սոցօգնության գումարները. մեղադրանք է առաջադրվել գյուղապետին

Արարատ Միրզոյանը ՄԱԿ-ի կենտրոնակայանում. Ադրբեջանի ներկայացուցիչը հարցեր է ուղղել

Մ. Արզումանյանն ազատվել է գլխավոր ռազմական տեսուչի տեղակալի պաշտոնից