Օրենքը թեւեր է փռում «պճեղի մենինգիտով» բանակից խուսափողների վրա․ԵԼՔ-ի պատասխանը նախարարին

Հոկտեմբերի 27-ին, ի թիվս տարբեր նախագծերի, քվեարկության դրվեց նաեւ «Զինվորական ծառայության եւ զինծառայողների կարգավիճակի մասին» օրենքի նախագիծը։ Մինչ քվեարկությունը, վարման կարգով հանդես եկավ ԱԺ «Ելք» խմբակցության պատգամավոր Էդմոն Մարուքյանը, ով պատասխանեց պաշտպանության նախարար Վիգեն Սարգսյանի կողմից երեկ իրեն ուղղված հռետորական հարցադրմանը։

«Երեկ պաշտպանության նախարարն իր ելույթում ինձ հարց է ուղղել, հարցին պետք է պատասխանեմ։ Այո՛, ծառայության ժամանակ ես օրենքով նախատեսված կարգով արձակուրդներ եմ ստացել  եւ հանձնել եմ քննությունները, իսկ մնացած քննություններն ու պրակտիկան հանձնել եւ ստացել եմ ծառայությունից հետո։ Իսկ վերին արտի ցորենի հետ կապված, եթե վերին արտի ցորեն լինեի Սոյուղում, Հաջիբաջիում, Գեղիգյարդում եւ Ծիրանի ձորում չէի ծառայի․ հուսով եմ՝ տեղերը գիտեք»,- հայտարարեց Էդմոն Մարուքյանը։

Այնուհետեւ վարման կարգով խոսք ուզեց «Ելք» խմբակցության պատգամավոր Մանե Թանդիլյանն ու նույնպես անդրադարձավ Վիգեն Սարգսյանի երեկվա հայտարարություններին։ Մանե Թանդիլյանն էլ հայտարարեց՝ «Երեկ Վիգեն Սարգսյանը նենգափոխել է իմ հնչեցրած միտքը եւ անձնական դաշտ տարել հնչեցրած առողջ քննադատությունը, ինչին էլ պատասխանել է պաշտպանության նախարարին անհարիր էմոցիոնալ տոնով։ Մենք գտնում ենք, որ տարկետումը չպետք է վերացվի եւ օրենքի լավագույն դրույթները կարող են համատեղվել տարկետման իրավունքի հետ»։

Վարման կարգով հանդես եկավ նաեւ «Ելք» խմբակցության ղեկավար Նիկոլ Փաշինյանը։

«Ի հեճուկս պաշտպանության նախարարի ներկայացման, մենք ասել ենք եւ ասում ենք, որ ներկայացված օրենքը զինվորական ծառայության մասին իր թեւերն է փռում պճեղի մենինգիտով բանակից ազատվողների վրա, եւ այս օրենքը այդ պրոբլեմատիկան չի կարգավորում, եւ փաստն այն է, որ այս պրոբլեմատիկան առաջիկայում ավելի է խորանալու, եւ մենք այդ հիմնավորմամբ դեմ ենք այս օրենքին»,- հայտարարեց Փաշինյանը։

Վարման կարգով ելույթի իր իրավունքից օգտվեց նաեւ «Ելք» խմբակցության պատգամավոր Արարատ Միրզոյանը, ով պարզաբանեց, թե իր արած այդ որ մի գործի համար է ՊՆ-ի կողմից պատվոգիր ստացել։

«Ստիպված եմ ասել, որ ես, ի թիվս Քաղաքացիական պայմանագիր կուսակցության այլ անդամների, ՊՆ-ից պատվոգիր եմ ստացել, որովհետեւ որպես կամավոր ապրիլի 2-ից հետո մեկնել եմ առաջնագիծ եւ կատարել եմ իմ առջեւ դրված մարտական հանձնարարությունը, որը տվյալ դեպքում եղել է ինժեներական աշխատանքների տեսքով։ Եվ ես ցավում եմ, որ պաշտպանության նախարարը շեղեց հարցը մեր ներկայացրած լուրջ հիմնավորումներից, դեպի անձնական խնդիրներ»,- հայտարարեց Արարատ Միրզոյանը։

Այս ելույթներից հետո տեղի ունեցավ օրենքի նախագծի քվեարկությունը, որի արդյունքում, ձայների 89 կողմ, 9 դեմ եւ 0 ձեռնպահ հարաբերակցությամբ, այս օրինագիծն առաջին ընթերցմամբ ընդունվեց։

Տպել
2566 դիտում

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն

Արտահերթ ընտրությունները սահմանադրական ճգնաժամի հաղթահարման միակ ճանապարհն է, խախտված է ԱԺ մեծամասնությունը. ԲԴԽ նախագահ

«Քվազի-համամասնական» ցուցակներն ապացուցեցին իրենց մանիպուլյատիվ բնույթը. Արարատ Միրզոյանը՝ Վենետիկի հանձնաժողովում

Դուք պետք է տեսնեք, որ դուք հաղթեցիք, ոչ թե փողը կամ լավ ախպերությունը. Ն. Փաշինյանը՝ Կապանում

«Քոնթուր Գլոբալ Հիդրո Կասկադ» ՓԲԸ-ի կողմից կազմակերպված աճուրդի մասին հրապարակային ծանուցում

Ի հիշատակ Արա Գյուլերի թուրք վիրտուոզ ջութակահարը նվագել է Կոմիտասի «Կռունկ»-ը

Նա պետք է ծառայի ժողովրդին, այլ կերպ լինել պարզապես չի կարող. Ն. Փաշինյանը՝ Հունան Պողոսյանի նշանակման մասին

Հունան Պողոսյանը հորս չի հարվածել. Շահեն Հարությունյան

Եւս մի նոր կուսակցություն է ստեղծվում, որը կմասնակցի առաջիկա խորհրդարանական արտահերթ ընտրություններին

Երեխաների իրավունքների երաշխավորումը պահանջում է սրտացավ աշխատանք. ՄԻՊ-ը՝ «Մխիթար Սեբաստացի» կրթահամալիրում

Առաջարկեց «լավով» հեռանալ աշխատանքից. այս մասին պետք է տեղյակ լինի վարչապետը. Գոհար Փանաջյան