Ինչպես ազատվել պատուհասից. Մերուժանի հոդվածը

27/10/2017 schedule19:37

Ռուսաստանը բոլոր ժամանակներում համարվել եւ ներկայումս համարվում է բռնակալ, ավարառու եւ պատերազմի հրձիգ պետություն, որի ճիրաններում անագորույն չարչարանքներ են կրել եւ կրում են նրա հարեւանությամբ ու նրանից հեռու ապրող ժողովուրդները: Եվ ահա այս պետությունն այսօր հանդիսանում է Հայաստանի Հանրապետության խաղաղության երաշխավորը, այն դեպքում, երբ պարտքի դիմաց առգրավում է մեր երկրի գույքային ունեցվածքը, մեզ վարկ է տրամադրում ամենաբարձր տոկոսներով, իսկ մեր թշնամի պետությանը վաճառում գերժամանակակից զենքեր, որպիսիք օգտագործվում են հայ ժողովրդի բնաջնջման նպատակով:

Ռուսաստանն իր վասալ երկրներին նյութական պահանջ է ներկայացնում, որպեսզի նրանցից կեղեքված հարստությամբ ապահովի իր ժողովրդի բարեկեցությունը, ինչի համար ամրացնում է իր հեգեմոնիան իրեն հպատակ երկրներում: Այս մասին է վկայում Վ.Պուտինի վերջին հրամայականը. «Մենք այստեղից չենք հեռանա»: Այս հայտարարությունը նա արեց Գյումրիում`առանց հաշվի առնելու, թե ինչպիսի գնահատականի կարող էր արժանանալ իր խոսքը:

Ռուսաստանը Հայաստանի հետ իր առնչություններում անկախ ու կամայական է, մինչդեռ Ադրբեջանի հետ ունի ընդհանուր շահերի հավասարազոր գործընկերոջ ու բարեկամի դիրքորոշում: Գործում են ռուս-ադրբեջանական համատեղ արտադրական հիմնարկներ`Մոսկվայում եւ Բաքվում: Կասպից ծովի ջրերում խաչվում են ռուսական եւ ադրբեջանական ռազմանավերն ու առեւտրային նավերը, այսինքն`հարաբերվում են ցամաքային եւ ծովային հարեւանությամբ: Ադրբեջանն ունի Հայաստանից հինգ անգամ ավելի եւ բազմազգ բնակչություն եւ շրջապատված է իրեն աջակցող մուսուլման եւ քրիստոնյա դրացիներով: Չմոռանանք նաեւ խոստովանել ըստ էության, որ այդ երիցս նզովյալ երկրի նախագահը իր բարձր ինտելեկտի եւ, իհարկե, հայրական կապերի շնորհիվ վայելում է թրքախոս պետությունների եւ մեծ տերությունների համակրանքը: Այստեղ մեզ թույլ տանք լրացման կարգով հիշել Անտուան դը սենտ Էկզյուպերիից խորհրդավոր մի ասույթ. «Ճշմարտությունն այն չէ, ինչը պետք է ապացուցել, այլ այն է, ինչից հնարավոր չի խուսափել»: Մեկնաբանությունը թողնենք ընթերցողին:

Այժմ անցնենք Ռուսաստան-Հայաստան միջպետական իրավահարաբերություններին, տնտեսական ու առեւտրային փոխհարաբերություններին, որոնց քննարկումը մեզ կհանգնեցի այն պարզ համոզման, որ Հայաստանը Ռուսաստանի երկրորդական կարգի բարեկամն է, որին վերջինս նախեւառաջ դիտում է որպես իր ռազմական բազաների տեղակայման համար անհրաժեշտ հողակտոր քան որպես իրեն իրավահավասար ռազմավարական, գործընկեր պետություն: Այսպիսին է այն պետությունների ճակատագիրը, որոնք չունեն հարուստ ընդերք, բերրի հող, ծովային տարածք, եւ ամենակարեւորը`քաղաքական ու բարոյական բարձր վարկանիշ ունեցող առաջնորդ: Ցավոք սրտի, պետք է ասել, որ այսօրվա Հայաստանի նախագահ համարվողը մեկն է, ում քաղաքացիական գիտակցությունը ձեւավորվել է Ադրբեջանի կոմկուսի շնչի ներքո: Եթե սրա նախորդը ենթական է եղել Ադրբեջանի դրածո Կեւորկովի, ապա այս նախագահը ուղղակի ենթական է եղել Կեւորկովի հաջորդ տխրահռչակ  Պողոսովի: Այս երկու հայադավ կերպարների քաղաքական դպրոցն են անցել Հայաստանի երկու նախագահները: Հավանաբար, այսպիսի երերուն վիճակից դրդված լինելով էր, որ Սերժիկ Սարգսյանն իր նախագահ դառնալու ճիշտ հաջորդ օրը հեռուստացույցի միջոցով հայտարարեց. «Գիտեք թե մոռացե՞լ ենք, որ մեզ ասում էիք շուռ տված»: Լսելով այս հայտարարությունը՝ ակամա մնում ես շվարած ու չես գուշակում, թե ով է այս խոսքի հեղինակը: Այսպես կարող էր արտահայտվել միայն մեկ ուրիշ երկրից Հայաստան գործուղված դրածոն, այն քաղաքական երկկենցաղը, ումից կարելի էր սպասել ցանկացած դավադրություն իր իսկ ղեկավարած երկրի դեմ: Եվ հենց այսպիսի ղեկավարին է ձեռնատու երկիրը պատերազմի սարսափի մեջ պահելը: Եվ միգուցե այս մտավախությունն էր պաշարել Ղարաբաղի հերոս Զորի Բալայանին, ով քստմնելիորեն դիմել էր Ռուսաստանի առաջնորդին`թախանձելով Ղարաբաղն ընդգրկել ՌԴ կազմի մեջ` այդպիսով հեռացնել Հայաստանից: Այսինքն`Հայաստանը թողնել մենակ, թշնամու կրակահերթի տակ:Երբեւէ մտածե՞լ է այս ծերուկը, որ Հայաստանի ժողովուրդը մատաղացու գառ չէ`ղարաբաղյան պատերազմի զոհասեղանին դրված:

Պարադոքսալն այն է, որ նույնիսկ հարաբերական անդորրի պայմաներում օրեցօր ավելանում է սահմանային զոհերի թիվը, իսկ այստեղ Սերժիկ Սարգսյանն իր իշխանությունը պահպանելու համար ավելացնում է հրացանավորների թիվը: Ուրեմն, ինչո՞ւ զարմանալ, որ Հայաստանում բնակչության թվի համեմատ այսքան մեծաքանակ է ագային անվտանգության ծառայողների ու նրանց գործակալների թիվը: Ավելին, ունենք քսան հազար գլխաքանակ ոստիկան, մի թվաքանակ, որի չափը կարող է զարմանք պատճառել ինդոնեզական արխիպելագից մինչեւ Կուրիլյան կղզիներ եւ Ջիբլարթարից մինչեւ Լամանշ տարածվող պետությունների առաջնորդներին: Ումի՞ց է վախենում այս Սերժիկ Սարգսյանը: Մի՞թե դաժանություն չէ այսքան հետախույզ ու ոստիկան պահելը, այն էլ աղքատ ու պատերազմի բովանցքում ապրող ժողովրդի արյան ու քրտինքի հաշվին: Այս առիթով արժե մեկ օրինակ բերել պատմությունից: Մարկոս Ավրելիոսը դիմելով իր զորքին`ասում էր. «Զինվորներ, ես ձեզ պահում եմ, որպեսզի դուք ժողովրդին պաշտպանեք ինձնից, այլ ոչ թե ինձ ժողովրդից»: Այսպես խոսելու իրավունք ուներ նա`իր ժողովրդին բարօրություն շնորհող հանճարը: Նման մեծություն ունենալու արժանի են իրենց կամքով առաջնորդ ընտրելու ընդունակ ազգերը:

Այսքանից հետո մնում է խորհել, թե ինչպես ազատվել Սերժիկ Սարգսյան կոչեցյալ պատուհասից: Նրանից ազատվելու հետեւանքով միայն մեր հայրենիքը իր հարեւանների հետ կապրի խաղաղությամբ`իբրեւ արժանապատիվ երկիր ու  պետություն:

Մերուժան

Տպել
16988 դիտում

Երկու տղամարդ գնում են ԶԱԳՍ ու ասում են՝ ուզում ենք ամուսնանալ, կա՞ օրենք, որ նրանց ամուսնությունը կգրանցվի. վարչապետ

ՀՀ-ում լայն կիրառում է ունեցել «հեռախոսային արդարադատությունը». Զեյնալյանը՝ ՄԱԿ-ի հատուկ զեկուցողին

Քրեակատարողական հիմնարկները կվերանորոգվեն. կառավարությունը 270 մլն հատկացրեց

Մայրապետյանին թույլ կտան տեսակցել ընտանիքի անդամներին եւ ֆինանսավորել «Հ2»-ը. դատախազության պարզաբանումը

Կառավարության նիստերն այսուհետ դռնբաց կլինեն՝ անկախ վարչապետի ցանկությունից

Նոյեմբերի 21-ին կհրավիրվի Ազգային ժողովի արտահերթ նիստ

Ընտանեկան բռնություն. ինչո՞ւ կնոջը ծեծելու համար կասկածվող ամուսինը չի ձերբակալվել դեպքի օրը. պարզաբանում

Պատրաստ ենք հաջորդ հաջողությունները կրկնապատկել. Ամերիկայի հայկական համագումարն ամփոփեց տարին

Ընտրություններին «ասողների» ինստիտուտը չի լինելու. Նիկոլ Փաշինյան

Դիլիջանի ոլորանները դժվարանցանելի են, մի շարք ճանապարհներին ձյուն է տեղում, Գորիսում, Սիսիանում եւ Բերդում մառախուղ է

Ցուցակում ընդգրկվածների հետ հարցազրույց ենք անցկացրել. Ալեն Սիմոնյան

Երթեւեկության կազմակերպման փոփոխություն Երեւանի Սասունցի Դավիթի եւ Բելինսկու փողոցների խաչմերուկում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում