Վիգեն Սարգսյանը թանկ վճարեց ԱԺ-ում իր ելույթի համար. խմբագրական

Անցյալ շաբաթվա խորհրդարանական ելույթով պաշտպանության նախարար Վիգեն Սարգսյանը հաճելիորեն զարմացրեց բոլորին: Նա խոսեց բանակին վերաբերող նոր օրինագծի շուրջ ընդդիմության, կամ, ավելի ճիշտ՝ «Ելք» խմբակցության քննադատությունների մասին, եւ որպեսզի ջախջախի այդ քննադատությունը, անուն առ անուն անդրադարձավ խմբակցության ներկայացուցիչներին: Հարց բարձրացրեց, թե ինչպե՞ս է Էդմոն Մարուքյանը ծառայությանը զուգահեռ սովորել, ինչո՞ւ է Արարատ Միրզոյանը ՊՆ-ից պատվոգիր վերցրել՝ առանց բանակում մեկ օր անգամ ծառայելու, Մանե Թանդիլյանի անունը տվեց, Նիկոլ Փաշինյանի: Բնականաբար, Վիգեն Սարգսյանի բարձրացրած հարցադրումների եւ մեղադրանքների պատասխանները շատ չուշացան, որովհետեւ նշված անձինք տարբեր հարթակներով սպառիչ մեկնաբանություններ տվեցին Վիգեն Սարգսյանի հարվածների կապակցությամբ:

Այս ամբողջ պրոցեսն ահագին հետաքրքիր էր, որովհետեւ Հայաստանում սովորաբար ընդդիմությունն է արխիվներից իշխանության ներկայացուցիչների վրա տարբեր կոմպրոմատներ պարունակող դոսյեներ հանում, իշխանությունը նախընտրում է իր ձեռքի տակ եղած կոմպրոմատները տակից խաղացնել, որ բանը հրապարակային ելույթների չհասնի:

Վիգեն Սարգսյանի ելույթի ամբողջ հմայքն այն էր, որ մի պահ տպավորություն ստեղծվեց, որ Հայաստանում էլ կարող են քաղաքական հրապարակային թեժ բանավեճեր ծավալվել, եւ դա լինի ոչ թե ընդդիմության մենախոսություն, այլ երկկողմանի պրոցես: Բայց սա, թերեւս, կլինի որեւէ իշխանավորի վերջին նման փորձը, իսկ կոնկրետ Վիգեն Սարգսյանը դեռ երկար կհիշի ԱԺ-ում իր փայլուն-տապալված ելույթը, որովհետեւ պարզվեց, որ Պաշտպանության նորաթուխ նախարարը ամենավերջին մարդն է Հայաստանում, որ կարող է որեւէ մեկին մեղադրել բանակում չծառայելու համար:

Սեյրան Օհանյանի կինը՝ Ռուզաննա Խաչատրյանը, շաբաթ օրն անդրադարձավ ԱԺ քննարկումներին. «Աչքիս զարնում է մի բարձրաստիճան պաշտոնյա, որ ինքնագոհ, մատը թափ տալով, ճառում է զինվորական ծառայության, զորակոչի հավասարության և պետության համար կարևորագույն այլ հարցերի մասին: Ակամա հիշողություններս ինձ մոտ 18 տարի հետ են տանում. ես աշխատում էի Էրեբունի բժշկական կենտրոնի ֆրանսիական ատամնաբուժարանում և բժշկել եմ այդ մարդուն, անձամբ ճանաչում եմ մոտ 25 տարի: Հիշում եմ՝ ինչպես էր այն ժամանակ խուսափում բանակից, հիշում եմ՝ ինչպես էր ռազմական ոստիկանությունը փնտրում իրեն. հայրը դիմել էր նրա ընկերուհուն, որը զինվորական բարձրաստիճան պաշտոնյայի խորհրդական էր, որպեսզի վերջինս ոստիկանական հետապնդումից ազատի որդուն: Այդ ժամանակ ես բուժում էի նաև այդ աղջկա ատամները և հիշում եմ՝ ինչպես հոգատար ընկերուհին, եթե չեմ սխալվում, այն ժամանակ պաշտպանության փոխնախարար Շիրխանյանի օգնությամբ փրկեց նրան պատժից»: Ռուզաննա Խաչատրյանը Վիգեն Սարգսյանի անունը չի գրել, բայց պետք էլ չէր, որ գրեր, որպեսզի պարզ դառնար, որ խոսքը Պաշտպանության նախարարի մասին է:

Եվ սա խայտառակություն է: Ցանկացած այլ երկրում նման հրապարակումից հետո ի վիճակի չլինելով 18 տարեկանում բանակ չգնալու օրինականությունն ապացուցել՝ նախարարը հրաժարական կտար: Հայաստանում նման դեպքերում գործում է ջայլամի սինդրոմը, Վիգեն Սարգսյանն այժմ գլուխը կմտցնի ավազի մեջ, մի որոշ ժամանակ անտակտ լրագրողներից հեռու կմա, որպեսզի ոչ ոք իրեն Ռուզաննա Խաչատրյանի գրառման վերաբերյալ անտակտ հարց չուղղի, համբերատար կսպասի, մինչեւ ամեն ինչ մոռացվի եւ նորից կանցնի «Ես եմ» եւ «Պատիվ ունեմ» ծրագրերի իրականացմանը:

Ուղղակի հաջորդ անգամ ԱԺ-ում պաշտպանության նախարարը ավելի զգույշ կլինի եւ որեւէ մեկի դոսյեն հանելուց առաջ կմտածի՝ իսկ արժե արդյո՞ք:

ՊՆ-ն երեկ ստիպված եղավ արձագանքել Ռուզաննա Խաչատրյանի գրառմանը եւ հայտարարեց, որ խոսքը չէր կարող լինել Վիգեն Սարգսյանի մասին, որովհետեւ նա երբեք հետախուզման մեջ չի եղել, «կատարել է հայրենիքի պաշտպանության իր սահմանադրական պարտքը` ծառայելով ՀՀ Զինված ուժերում որպես սպա»:

ՊՆ-ն վերջին նախադասությամբ նկատի ունի, որ Վիգեն Սարգսյանը ժամկետային զինծառայությունն անցել է ՊՆ-ում, Պաշտպանության նախարար Սերժ Սարգսյանի ռեֆերենտը լինելով: «Ելք» խմբակցության ղեկավար Նիկոլ Փաշինյանը երեկ ԱԺ-ում այս փաստը հիշատակելով՝ պնդեց, որ զորամասում ոչ մի օր չծառայած, բայց նախորդ գարնանը որպես կամավոր առաջնագիծ մեկնած պատգամավոր Արարատ Միրզոյանը Վիգեն Սարգսյանից քառակի ավելի է մարտական ծառայություն անցել։ «Եվ ուրեմն, եթե ՊՆ Վիգեն Սարգսյանը ծառայել է ՀՀ Զինված ուժերում, ուրեմն Սերժ Սարգսյանի երկարամյա քարտուղարուհին՝ Սաթիկը (ազգանունը ցավոք չգիտեմ, անունը քանիցս շոշափվել է մամուլում) Հայրենական Մեծ պատերազմի վետերան է»,- ավելի ուշ ՖԲ-ում գրեց Նիկոլ Փաշինյանը: 

Իսկ ֆեյսբուքյան մի օգտատեր գրել էր․ «Ես աշխարհում միայն մի երկիր գիտեմ, որտեղ Պաշտպանության նախարարի թարգմանիչը վերջում դառնում է Պաշտպանության նախարար»: 

Վիգեն Սարգսյանի ելույթն իսկապես թանկ նստեց նրա վրա: Եվ ափսոս, որ Հայաստանում դեռ երկար իշխանություն-ընդդիմություն հավասարը հավասարի՝ սուր բանավեճի ականտես չենք լինի:

Տպել
13445 դիտում

Մարգարիտա Սիմոնյանը պատմել է, թե ինչու է Պուտինն իրեն վստահում

ՀՀ ՊՆ-ն ժամանակ է խնդրել. Հացպանյանին կհուղարկավորե՞ն Եռաբլուրում

ՀՀԿ-ն չի մասնակցի Մարտի 1-ի 10-րդ տարելիցի երթին, փոխարենը՝ ուշադիր կհետեւի

Եվրատեսիլյան Wiwibloggs կայքում «Դեպի եվրատեսիլ»-ի առաջատարը Թամար Կապրելյանն է

ՀՀ վարչական վերաքննիչ դատարանում դատավորների նոր կազմ է նշանակվել

ԿԲ-ն հուշագիր է ստորագրել Արժեթղթերի հանձնաժողովների միջազգային կազմակերպության հետ

25-ամյա Կամոյի եւ 20-ամյա Հռիփսիմեի ընտանիքում եռյակ է ծնվել՝ Գոհարը, Աշոտը եւ Ալենը

Facebook-ը ԵՄ-ի երկրներում 3 կենտրոն կբացի ու արհեստական ինտելեկտի մշակումներով կզբաղվի

Արմեն Սարգսյան մարդը, դիվանագետը բարձր տպավորություն է թողել մեզ վրա. Դավիթ Բաբայան

Կարտոֆիլը կառավարությունը չի թանկացրել, գյուղացին է թանկացրել. Աղվան Վարդանյան

ԵԼՔ-ը կհանդիպի ՀՀԿ-ի նախագահի թեկնածու Արմեն Սարգսյանի հետ. Արարատ Միրզոյան

Մենք քեզ երբեք չենք մոռանա. ՄՅՈՒ-ի երկրպագուները շնորհավորել են Մխիթարյանի ծննդյան օրը

Քաղաքացուն «բոշա» ասելու համար Վիգեն Սարգսյանի դեմ բողոք կուղարկվի Էթիկայի հանձնաժողով

ՍԱՊԾ-ն թույլատրել է Շիրակում եւ Սյունիքում երկու արտադրամասի վերսկսել աշխատանքը

Չգիտեմ՝ առավելությու՞ն է, թե՞ թերություն, Արմեն Սարգսյանի Հայաստանում չապրելը. Վարդանյան

Ամուլսարի ոդիսականը. ովքե՞ր են Լիդիանի «անկախ» փորձագետները․ ՀԲՃ

Մխիթարյանն իր ծննդյան օրը եղել է Լոնդոնում. բարձր տրամադրություն է ունեցել. թարմացվող

Ինչպե՞ս կպատասխանի ՌԴ-ն ԱՄՆ-ի նոր պատժամիջոցներին. խոսել է Լավրովը

Իրանն ու Ադրբեջանը 500-ական միլիոն դոլար կներդնեն երկաթուղու կառուցման համար

Մխիթարյանն իր ծննդյան օրը եղել է Լոնդոնում. բարձր տրամադրություն է ունեցել (լուսանկարներ)