Մանկապարտեզում մեծաքանակ խմբերը հարկավոր են որպես եկամտի աղբյուր

Երեւանի քաղաքապետարանն այս ամբողջ ընթացքում կարծես չտեսնելու եւ չլսելու տվեց Երեւանի 32 մանկապարտեզի շուրջ ծագած սկանդալը. քաղաքային իշխանություններն, ըստ էության, անարձագանք թողեցին մի խնդիր, որը մի լրատվամիջոցից մյուսն անցավ, խանգարեց մանկապարտեզահասակ երեխաներ ունեցող ծնողների անդորրը:

Քաղաքապետարանը թեմային անդրադարձավ միայն այն դեպքում, երբ լրագրողներից ստացավ գրավոր հարցումներ, եւ տրամադրեց կցկտուր պարզաբանումներ:

Հիշեցնենք, որ համար 32 մանկապարտեզի սաներից մեկի ծնողն ահազանգել էր, որ երեխան մասնավոր մանկապարտեզից այստեղ տեղափոխվելուց օրեր անց ենթարկվել է հոգեբանական լուրջ սթրեսի եւ հիմա այցելում է հոգեբանի: Ծնողը նշել էր, որ մանկապարտեզում, օրինակ, դանդաղ ուտող երեխաներին վախեցնում են, թե նրանց կսրսկեն, լացողներին սպառնում են, թե ծնողները չեն գա: Պարզվեց նաեւ, որ նախակրթական այս հաստատության խմբերում ընդհուպ մինչեւ 56 երեխա կա:

Մեր գրավոր հարցմանը քաղաքապետարանից մեկ շաբաթ անց տրամադրված պատասխանում ոչինչ չկա այն մասին, թե ինչպես է պատահել, որ հնարավոր է դարձել մի խմբում 56 երեխա ընդգրկել կամ արդյո՞ք այդ մասին քաղաքապետարանում տեղյակ չեն եղել:

Ստորեւ ներկայացնում ենք մեր հարցերը եւ քաղաքապետարանի հանրակրթության վարչությունից փոխանցված պատասխանը:

Հարցում

- Ի՞նչու է մանկապարտեզը գործում անթույլատրելի ծանրաբեռնվածությամբ (մեր հաշվումներով, այստեղ յուրաքանչյուր խմբում սաների միջին թիվը 48 է):

- Մինչեւ խնդրի հանրային հնչեղություն ստանալը քաղաքապետարանում տեղյա՞կ էին առկա իրավիճակի մասին:

- Սաներից մեկի ծնողը բարձրաձայնել էր, որ մանկապարտեզում դանդաղ ուտող երեխաներին սպառնում են սրսկել, լացողներին վախեցնում են, որ հայրն ու մայրը չեն գա նրանց ետեւից: Այս պնդումներից հետո քաղաքապետարանն ուսումնասիրություն անցկացրե՞լ է՝ պարզելու համար, թե նշված մանկապարտեզում ինչ սկզբունքներով ու մոտեցումներով է կազմակերպվում երեխաների հետ աշխատանքը, եւ եթե այո, ապա ինչ եզրակացություն է ստացվել:

- Հոկտեմբերի 1-ի դրությամբ քանի երեխա կար Երեւանի համար 32 մանկապարտեզում եւ նրանցից քանիսի համար էր ծնողը վճարում, այդ թվում՝ երեխային երկար պահելու եւ օտար լեզուների դասընթացներին մասնակցելու նպատակով (այս տվյալները հետաքրքիր էին՝ հասկանալու համար՝ որքանով է հիմնավոր տպավորությունը, որ մեծաքանակ խմբերը ձեւավորվել են՝ քաղաքապետարանի ծախսերը որոշակիորեն փոխհատուցվելու նպատակով: Հայտնի է, որ Երեւանում հաշվառված փոքրիկների համար մանկապարտեզն անվճար է, այսինքն՝ վճարվում է համայնքային բյուջեից, բայց նախակրթարաններում կան նաեւ վճարովի ծառայություններ: Բացի այդ, մարզի հաշվառում ունեցող երեխաների ծնողները նույնպես վճարում են,-խմբ.):

- Մանկապարտեզներում մինչեւ ժամը քանի՞սն են պարտավոր պահել երեխային եւ ի՞նչու են համար 32-ում փոքրիկներին մինչեւ 17:00-ն պահելու համար ծնողներից հավելյալ պահանջում ամսական 6 հազար դրամ:

- Երեւանի ուրիշ ո՞ր մանկապարտեզներում է, որ խմբերում կան թույլատրելիից ավելի քանակով երեխաներ:

- Համար 32 մանկապարտեզում սրանից հետո շարունակելո՞ւ է խմբերում պահպանվել երեխաների՝ հոկտեմբերի 1-ի դրությամբ եղած քանակը:

- Եթե այլ մանկապարտեզներում եւս թույլատրելիից ավելի մեծ թվով երեխաներ կան, ապա որքա՞ն է դա շարունակվելու:

- Ո՞րն է երեխաների առավելագույն թիվը, որն այսօրվա դրությամբ կա Երեւանում գործող մանկապարտեզների մեկ խմբում:

 Հարցման պատասխանը

«Երեւանի h.32 մանկապարտեզ» ՀՈԱԿ-ի եւ Երեւանի ենթակայության  մանկապարտեզների տարիքային  խմբերում երեխաների հաճախելիությունը չի նույնականացվում ցուցակային թվի հետ: Հաստատությունների խմբերի բեռնաթափման գործընթացը կարգավորման փուլում է: Վերոնշյալ մանկապարտեզի նախկին սան Արեն Հարությունյանի ծնողի բարձրաձայնած հարցի առնչությամբ կատարվել է ուսումնասիրություն: Պարզվել է, որ ծնողները եւ աշխատակիցները հանդիպման ժամանակ փաստել են դաստիարակ Նունե Մարգարյանի՝ երեխաների նկատմամբ ունեցած սիրո, հոգատար եւ ջերմ վերաբերմունքի մասին, որը վայելում է ծնողների հարգանքը եւ վստահությունը:

Ինչ վերաբերում է մանկապարտեզում իրականացվող օտար լեզուների կամ այլընտրանքային ծառայությունների կազմակերպմանը, տեղեկացնում եմ, որ դրանք իրականացվում են հաստատության եւ ծնողի միջեւ կնքված պայմանագրի հիման վրա՝ ծնողի ցանկությամբ եւ ընտրությամբ: Դա նշանակում է, որ ծնողը վճարում է ծառայությունների դիմաց այնքան, որքան ամրագրվել է պայմանագրով: 

Միաժամանակ տեղեկացնում ենք, որ մանկապարտեզներում երեխաների պահման տեւողությունը սահմանված է ժ.8:30-ից մինչեւ ժ.17:30-ը: Հ. 32 մանկապարտեզում ժ.17:30-ից  հետո ծնողների խնդրանքով կազմակերպվում է այլընտրանքային ծառայություն՝ երկարօրյա խումբ, որը գործում է մինչեւ ժ.18:30:

Ամփոփելով՝ հասկանալի է դառնում, որ քաղաքապետարանում տեղյակ են եղել, որ համար 32 մանկապարտեզում անխղճորեն շատ երեխաներ կան, եթե անգամ նրանք երբեմն բացակայում են: Գիտեն նաեւ, որ դա այդ առումով եզակի հաստատություն չէ: Այստեղից, ինչպես տեսանք, խուսափում են պատասխանել նաեւ վճարումների մասին հարցին, ինչն, ըստ էության, հիմնավորում է, որ հետապնդվում է հավելյալ գումարներ ստանալու նպատակ:

Տպել
3836 դիտում

Սկսվել է բեռնատարներով փողոցները փակելու գործընթացը, արդեն փակված փողոցներ կան

Մաշտոց-Թումանյան խաչմերուկի անկարգություններով զննվել են տեսագրությունները, անհատականացվել

Տիգրան Մազմանյանին 2 ամսով կալանավորեցին՝ Հանրային ռադիո մտնելու գործով

Լավ, վարչապետը չընտրվեց, ԱԺ-ն ցրվեց, ո՞վ է նորը ձեւավորելու, իրե՞նք՝ 20-30 հոգով. Սարգսյան

Գյումրիում մեքենաներ են այրվել

Մենք թշնամիներ չունենք, անգամ միտինգներ անող մեր գործըները մեր եղբայրն է. Էդ. Շարմազանով

Գյումրի. քայլերթի մասնակցին ոստիկանները ծեծել են, տուժածը «Գյումրի» բկ-ում է

Եթե դժգոհություններ կան, պետք է արտահայտվեին սահմանադրության հանրաքվեից հետո. Ս. Սարգսյան

Սիրուշոն, գրառում է կատարել #ԻմՔայլը ակցիայի մասին

Քաղաքացիական ակտիվությունը ժողովրդավարության կարեւորագույն գրավականն է. ՀՅԴ

Ես կատարեցի իմ քայլը եւ Իսպանիայից եկա Հայաստան. #ԻմՔայլը շարժմանը միացած մասնակից

Պաշտպանել եւ ապահովել երկրում խաղաղ հավաքների ազատության իրավունքը. ԺՀՄԻԳ տնօրեն

Լրագրողի նկատմամբ բռնություն գործադրելու դեպքի առթիվ հարուցվել է քրեական գործ

ՊՆ վարչական համալիրում անցկացվում է եռօրյա ուսումնական հավաք

Երեւանում ավարտվեց սուսերամարտի Եվրոպայի մինչեւ 23 տարեկանների առաջնությունը

Անհամեմատ ավելի վտանգավոր է, երբ իրական որոշում կայացնողը ստվերում է. Վիգեն Սարգսյան

Հայաստանի եւ Չինաստանի միջեւ հարաբերությունները դինամիկ զարգանում են. Արմեն Սարգսյան

Սերժ Սարգսյանը կառավարության նիստի ժամը հարմարեցրել է իրեն, որ հետո էլ ՀՀԿ ԳՄ նիստը անի

Այս անգամ չընկրկեք, պայքարեք մինչեւ վերջ. Արսինե Խանջյան

Վերջին 20 տարում հայը հային այսքան չի սիրել, ինչքան հիմա է սիրում (լուսանկար). թարմացվող