Ինչ ահազանգեր ու ինչ խախտումներ գրանցվեցին ընտրական օրվա ընթացքում. ԶԼՄ հրապարակումները

Հայաստանի ողջ տարածքում ավարտվեցին ՏԻՄ ընտրությունները: Արդեն փակ են բոլոր 69 համայնքների ընտրատեղամասերն ու հաշվարկվում, ամփոփվում են ընտրությունների արդյունքները:

Հիշեցնենք, որ 69 համայնքներից 34-ը խոշորացված համայնքներ էին` մի քանի միավորված համայնքների միատեղում, որոնց համար այսօր ընտրվեցին ղեկավարներ:

Ընտրությունները ՀՀ տարածքում, ընդհանուր առմամբ հանգիստ ու խաղաղ մթնոլորտում անցան, եղան ընդամենը մի քանի ահազանգեր` կուտակումների, բնակիչների ուղղորդման, վիճաբանության մասին: Արտակարգ պատահարներ չգրանցվեցին:

ՀՀ լրատվամիջողցներն օրվա ընթացքում տարատեսակ հրապարակումներ արեցին` օրվա թեմային համահունչ: Հրապարակումներից մեկի համաձայն, Ճամբարակի 20/29 ընտրատեղամասում մատնահետքի ճանաչման խնդիր էր առաջացել, ինչին ի պատասխան` ԿԸՀ-ն հայտնել էր, որ տվյալ անձն հանդիսացել է Ուկրաինայի քաղաքացի ու հանդիսանալով օտարերկրյա քաղաքացի, ներկայացել էր վավերականության ժամկետը լրացած ճամփորդական վկայականով: Վերոգրյալի մասին նրան իրազեկելուց հետո ընտրողը ներկայացրել է անձը հաստատող այլ վավեր փաստաթուղթ, տեխնիկական սարքավորումը սպասարկող մասնագետը տվյալները ներմուծել է տեխնիկական սարքավորման մեջ, և ընտրողը մասնակցել է քվեարկությանը: Ճամբարակում տեղի ունեցած վեճի մասին եւս հրապարակումներ կային:

Մեկ այլ հրապարակման համաձայն, ընտրատեղամասում չէին եղել տեսախցիկներ, ինչը ԿԸՀ-ն պարզաբանել էր` հայտնելով, որ տեղական ինքնակառավարման ընտրությունների ժամանակ ՀՀ կենտրոնական ընտրական հանձնաժողովի կողմից ընտրական տեղամասերից քվեարկության ընթացքի և քվեարկության արդյունքների ամփոփման գործընթացի տեսանկարահանման և միաժամանակյա համացանցային հեռարձակման կազմակերպում Ընտրական օրենսգրքով չի նախատեսվում:

ԶԼՄ-ներից մեկի հոդվածն էլ այն մասին, որ Գողթանիկ համայնքում ծեծի սպառնալիքներ ու ահաբեկումներ են եղել բնակիչներից մեկի նկատմամբ, ԿԸՀ-ն հերքեց` պարզաբանելով, որ Վայոց ձորի մարզի Գողթանիկ համայնքի թիվ 36/15 տեղամասային ընտրական հանձնաժողովի նախագահ Պետիկ Սմբատյանի և հանձնաժողովի մյուս անդամների հավաստմամբ՝ թիվ 36/15 ընտրական տեղամասում որևէ միջադեպ չի գրանցվել: Թիվ 36 տարածքային հանձնաժողովի նախագահ Ա. Հարությունյանը նույնպես հաստատեց, որ միջադեպ չի եղել, և ինքը անձամբ է ներկայացել նշված տեղամաս և ճշտել:

Փոխարենը` առանց պարզաբանումների մնաց մի քանի լրատվամիջոցների, այդ թվում մեր հրապարակումներն այն մասին, որ Արագածոտնի նախկին մարզպետ Սարգիս Սահակյանը ահաբեկում, վախեցնում է Ծաղկահվիտի բնակիչներին` սպառնալով նախագահի հրամանով ազատել աշխատանքից, եթե չընտրեն իր սատարած թեկնածուին: Թե որքանով էր գործող գյուղապետի այս պնդումը հավաստի, ԿԸՀ-ն որեւէ հերքում կամ պարզաբանում չի ներկայացրել:

Լրատվամիջոցներից մեկը ահազանգել էր նաեւ Ախուրյան համայնքում ընտրակաշառքի բաժանման ահազանգեր ստանալու մասին: Թեպետ լրատվամիջոցն ինքը չէր ֆիքսել այդ ամենը, սակայն բարձրաձայնել էր մարդկային կուտակումների եւ ընտրատեղամաս խմբակային այցելության մասին, որն առավել հավաստի էր դարձնում ընտրակաշառքի ահազանգը: Ախուրյանում կուտակումների մասին այլ հրապարակումներ եւս կային:

Մարդկային ու մեքենաների կուտակումների մասին ահազանգեր եղան նաեւ Լոռու, Գեղարքունիքի մարզերից, որոնց եւս ԿԸՀ-ն դեռեւս չի արձագանքել:

Ընդհանուր առմամբ, ընտրությունները բավական հանգիստ ընթացք ունեցան, բացի այդ, քաղաքացիների հետաքրքրվածությունն այս ընտրություններին այդքան էլ մեծ չէր:

Տպել
4302 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ