Հայաստան-Չինաստան բարեկամական խմբի անդամները հանդիպել են ՀՀ-ում Չինաստանի դեսպանի հետ

ՀՀ ԱԺ Հայաստան-Չինաստան բարեկամական խմբի անդամները նոյեմբերի 6-ին հանդիպել են Հայաստանում Չինաստանի Ժողովրդական Հանրապետության արտակարգ եւ լիազոր դեսպան Թիան Էրլունի հետ: Բարեկամական խմբի ղեկավար Հերմինե Նաղդալյանը ողջունել է դեսպանին եւ ներկայացրել նորընտիր խորհրդարանում ձեւավորված բարեկամական խմբի անդամներին: Տիկին Նաղդալյանի խոսքով՝ նախորդ տարիներին խորհրդարանում ձեւավորված բարեկամական ավանդույթները կշարունակվեն՝ նպաստելով երկու երկրների եւ ժողովուրդների բարեկամության խորացմանը: Հերմինե Նաղդալյանը կարեւորել է ՀՀ ԱԺ բարեկամական խմբի եւ դեսպանության համատեղ աշխատանքը՝ փոխայցերի, երկկողմ հարաբերությունների եւ համագործակցության զարգացման գործում:

Բարեկամական խմբի ղեկավարը նշել է, որ Հայաստանի եւ Չինաստանի միջեւ միջխորհրդարանական հարաբերությունները կայացել են, սակայն շատ են անելիքները: Տիկին Նաղդալյանը հանգամանալից անդրադարձել է Հայաստանի քաղաքական օրակարգի առաջնահերթություններին եւ ընդգծել մեր երկրի համար կարեւոր հարցերում Չինաստանի հավասարակշռված դիրքորոշման կարեւորությունը: Հերմինե Նաղդալյանը բարձր է գնահատել դեսպանի գործունեությունը երկկողմ հարաբերությունների զարգացման եւ համագործակցության ամրապնդման գործում՝ նշելով, որ բարեկամական խումբը պատրաստ է աջակցել դեսպանության նախաձեռնություններին, իրականացվելիք ծրագրերին:

Տիկին Նաղդալյանը ՉԺՀ խորհրդարանի Չինաստան-Հայաստան բարեկամական խմբի անդամներին հրավիրել է Հայաստան:

ՀՀ-ում Չինաստանի Ժողովրդական Հանրապետության դեսպան Թիան Էրլունը նշել է, որ հայ-չինական բարեկամությունը խոր արմատներ ունի, եւ Չինաստանը մեծապես կարեւորում է Հայաստանի հետ գործընկերային, բարեկամական հարաբերությունների խորացումը: Դեսպանը կարեւորել է ՀՀ ԱԺ բարեկամական խմբում տարբեր քաղաքական կուսակցությունների ներկայացուցիչների ընդգրկվածությունը եւ պատրաստակամություն հայտնել համագործակցել բարեկամական խմբի անդամների հետ:

Դեսպանի խոսքով՝ Չինաստանը պատրաստ է ընդլայնել հարաբերությունները տարբեր երկրների խորհրդարանների բարեկամական խմբերի հետ՝ խթանելով համագործակցությունը փոխադարձ հետաքրքրություն ներկայացնող ոլորտներում: Թիան Էրլունը փաստել է, որ անփոփոխ է Չինաստանի իշխանությունների մոտեցումը՝ սերտացնել հարաբերությունները Հայաստանի հետ. վերջերս հուշագիր է ստորագրվել Երեւանի եւ չինական Ցինդաո քաղաքի միջեւ՝ նոր հարթակ ստեղծելով քաղաքների միջեւ փոխշահավետ համագործակցության համար:

Թիան Էրլունը նշել է, որ Չինաստանն աշխարհի տարբեր երկրների, այդ թվում՝ Հայաստանի հետ ձգտում է հաստատել փոխադարձ հարգանքի, արդարության, ներդաշնակության եւ հավասարության վրա հիմնված հարաբերություններ:

Հանդիպման ավարտին զրուցակիցներն անդրադարձել են երկկողմ հետաքրքրություն ներկայացնող մի շարք խնդիրների, դեսպանը պատասխանել է բարեկամական խմբի անդամների հարցերին: 

Տպել
1619 դիտում

Ֆրանսիայի եւ Ադրբեջանի ԱԳ նախարարները քննարկել են ԼՂ հակամարտությունը

Հայաստանի Հանրապետության նախագահները. ինչպես ընտրվեցին եւ ինչպես հեռացան

ԱԺ-ում անելիքները շատ են. Աշոտյանն ԱԳՆ տեղափոխվելու ցանկություն չունի

ԼՂ հակամարտության կարգավորումը ՄԱԿ-ի 2018 թվականի առաջնահերթություններից է. Գուտերեշ

Ադրբեջանը գնալու է կոնտակտային եւ ոչ կոնտակտային դիվերսիոն պատերազմի. հայացք Ստեփանակերտից

Օրվա կադրը. մոր եւ որդու գրկախառնությունը՝ սրտաճմլիկ տեսարան ձմեռային զորակոչից

Նախարարի մեկնաբանությունը կոշտ էր, պետք է պահել քաղաքավարությունը. Նահապետյան (տեսանյութ)

Թուրքիան ու ՌԴ-ն չեն ընդունում ԱՄՆ-ի կողմից Սիրիայում սահմանապահ զորքերի ստեղծման ծրագիրը

Հանրապետության որոշ ավտոճանապարհներին մերկասառույց է. Լարսը բաց է

Սերժ Սարգսյանի «գործիքներն» ու նրա «մտերիմների» անձեռնմխելիությունը. խմբագրական

Նսեմացնում է թուրքերին. Էրդողանը՝ ընդդիմադիր քեմալականների անդամի Եղեռնի մասին գրառմանը

Արագածոտնի մարզում ձյուն է տեղում, այլ մարզերում կան դժվարանցանելի ավտոճանապարհներ

Չարենցավանում վրաերթի հետեւանքով 13-ամյա երեխա է մահացել. դեպքը եղել է քրոջ աչքի առաջ

Իր հակապատկերը. Սերժ Սարգսյանի բնութագրած ՀՀ հաջորդ նախագահը շատ հեռու է իրենից

«Ընթացակարգեր կան». Սեյրան Օհանյանը` «գեներալական սխոդկայի» լուրերի մասին. Ժողովուրդ

ԱԳՆ-ում հայտնվելու ամենահավանական թեկնածուն համարվում է Արմեն Աշոտյանը. Հրապարակ

ԱԱԾ պաշտոնյան հանցագործ է. ներգրավված են նրա մայրն ու քույրը. Ժամանակ

Արգելափակված մեքենա ու ձորն ընկնելու վտանգ. տեղացած ձյունը՝ արտակարգ իրավիճակների պատճառ

3 օր տեղումներ կլինեն, այնուհետ ջերմաստիճանը կտրուկ կբարձրանա մինչեւ 13 աստիճան

Ադրբեջանի ԱԳՆ-ն կոչ է անում ՅՈՒՆԵՍԿՕ-ին միանալ Ղարաբաղում անցկացվելիք մոնիթորինգին