Գրագիտության պակաս ունեցող դաստիարակը երեխայի մեջ ռազմահայրենասիրություն է սերմանում

Երեւանում մանկապարտեզ հաճախող երեխաներից մեկի ծնողը երեկ գրառում էր արել համացանցում, որից պարզ էր դառնում, որ այդ հաստատություններում երբեմն տարվում են ռազմահայրենասիրական դաստիարակությամբ:

Նա ներկայացրել էր «Կռիվ ենք գնում ախպերս ու ես երգի» տեքստը, որը մանկապարտեզում տվել են՝ 4-5 տարեկան երեխային սովորեցնելու համար: Նրա հորը հետաքրքրում էր, թե հոգեբանի կարծիքով՝ նման երեւույթը որքա՞նով է նորմալ: Ֆեյսբուք սոցիալական ցանցում ծավալած քննարկումներում դրանք համարվում էին անընդունելի ու հակամանկավարժական: Բայց որքան էլ անսպասելի էր, հոգեբանական գիտությունների դոկտոր, պրոֆեսոր Սամվել Խուդոյանը որեւէ խնդիր չի տեսնում, երբ մանկահասակ երեխաներին սովորեցնում են նման բնույթի բանաստեղծություններ կամ երգեր:

Նա չի կարծում, թե այդպիսով մանկապարտեզից սկսած երեխաների մեջ ատելություն է սերմանվում կամ թե` կարող է փոքրիկների համար վտանգավոր լինել նրանց պատերազմի, մահվան, թշնամու վերաբերյալ թեմաներով ծանրաբեռնելը:

«Դա հայրենասիրական դաստիարակություն է, զինվորի դաստիարակություն է: Ռազմահայրենասիրական դաստիարակությունն այլ կերպ չի լինում, թշնամու նկատմամբ սեր կամ հումանիզմ չեն քարոզում»,- պատասխանեց հոգեբանը: Ընդ որում, նա նշում է, որ այդպիսի դաստիարակությունը որքան շուտ լինի, այնքան լավ:

«Եթե Ֆինլանդիայում ապրեինք, կարող էինք մեզ թույլ տալ, որ մեր երեխաները սիրեին թուրքերին ու ցանկացած ազգի, բայց մենք մի երկրում ենք, որը կռվի մեջ է, իսկ թուրքերի նույնիսկ մանկական խաղերում է հայերին սպանելը կարեւորագույն սյուժե»,- նշեց հոգեբանը:

Դիտարկմանը, թե այսինքն՝ հոգեբանության մեջ այդ հարցում ճիշտ ու սխալը սերտորեն կապված է տվյալ երկրում առկա քաղաքական եւ այլ իրավիճակի՞ հետ, Սամվել Խուդոյանը պատասխանեց. «Այո, պիտի դաստիարակվի երկրին պիտանի մարդ: Պատերազմի ժամանակ երեխաների խաղերը, երգերը ֆաշիստներին ոչնչացնելու մասին էին, իսկ մենք հիմա պատերազմի մեջ ենք»:

Հ.Գ. Ծնողի հրապարակած երգի տեքստից պարզ է դառնում նաեւ, որ մանկապարտեզում աշխատում են գրագիտության պակաս ունեցող մարդիկ: Երգը թղթին է փոխադրվել բազմաթիվ ուղղագրական սխալներով: Իսկ կետադրությունն ընդհանրապես բացակայում է՝ թերեւս անհամար սխալներ թույլ տալու մտավախությունից ելնելով:  

Տպել
5485 դիտում

Համայնքային ծառայողներն այսուհետ հանդես կգան միասնական ձայնով. ընդունվեց հայտարարություն

Եթե ձեզ թվում է, որ պետք է մեքենա բերեք ու նվիրատվության անվան տակ ֆռցնեք ավտոները՝ չի լինելու. ՊԵԿ նախագահ

Նազարբաեւը ՀԱՊԿ գլխավոր քարտուղարի պաշտոնում աջակցում է Բելառուսի թեկնածուին

Հայաստանն անվտանգ է. ոստիկանությունը հակադարձում է ԱՄՆ-ի դեսպանատանը

Արցախի նախագահ Բակո Սահակյանը հանդիպել է ՀՀ վարչապետի պաշտոնակատար Նիկոլ Փաշինյանի հետ

Երեւանի ու Բաքվի միջեւ երկխոսություն կա, եւ այն վարվում է. ՌԴ ԱԳՆ

ՀՀ նախկին փոխվարչապետ Արմեն Գեւորգյանի խափանման միջոցի վերաբերյալ հարցի քննությունը վերսկսվեց

Զինկոմիսարիատների օպտիմալացման իմաստն ավելորդ աշխատատեղեր չպահելն է. Արծրուն Հովհաննիսյան

Քարոզչության ժամանակ հիմնականում շահարկվեց եկեղեցու, Արցախի եւ ԼԳԲՏ համայնքի թեմաները. փորձագետ

Լեհաստանից հետ կանչված ՀՀ դեսպանը 7 հողամաս, 2 բնակարան, 1 առանձնատուն ունի

Հնարավոր է. Արայիկ Հարությունյանն՝ ԱԺ-ում «Իմ քայլը» խմբակցությունը ղեկավարելու մասին

Արմեն Գեւորգյանը Ռոբերտ Քոչարյանի հետ շփում չի ունեցել. նա ցուցմունք է տվել. պաշտպան

Թեժ բանավեճ՝ կառավարությունում. Նիկոլ Փաշինյանը գործ չանողներին հատուկ զգուշացում տվեց

Կիմ Երիցյանը Կոմիտասի անվան պանթեոնում թաղված չէ, լրատվամիջոցները դեզինֆորմացիա են տարածել. պարզաբանում

Սպանություն՝ Գյումրիում. «Սասնա ծռերը» հորդորում են գործադրին վերանայել ՌԴ-ի ռազմական ներկայության պայմանները

Ոսկեպարում երեք ամսական երեխային մայրը կալիումի պերմանգանատ է տվել. փոքրիկը երեկ մահացել է

Հունվարին բացառվում է գազի սակագնի բարձրացում. նախարարի պաշտոնակատար

Ջավախքում գնացքի վագոններ են շուռ եկել. Վահագն Չախալյան (տեսանյութ)

Սերգեյ Լավրովը մեկնում է Բաքու

Մարտի 1-ի գործով քննչական խմբի նախկին ղեկավար Վահագն Հարությունյանին կալանավորելու դատարանի որոշումը վերացվել է