ԼՂ շրջակա 5 շրջանն ազատելու համար ՌԴ-ն Ադրբեջանի առաջ 3 պայման է դրել. Շահինօղլու

Ադրբեջանցի քաղաքագետ Էլհան Շահինօղլուն ֆեյսբուքի իր էջում գրառում է թողել, նշելով, թե իր ունեցած տեղեկություններով, Ռուսաստանի նախագահ Վլադիմիր Պուտինը Թուրքիայի նախագահ Ռեջեփ Էրդողանի հետ հանդիպման նախաշեմին, առանց նախապայմանների ԼՂ-ի շրջակա 5 շրջան ազատելու համար Ադրբեջանի առաջ երեք պայման է դրել, գրում են ադրբեջանական լրատվամիջոցները: 

«Առաջին պայմանն Ադրբեջանի անդամակցությունն է ԵԱՏՄ-ին: Երկրորդը` Ադրբեջանի անդամակցությունը ՀԱՊԿ-ին: Երրորդը` ԼՂ-ում պիտի տեղակայվեն Ռուսաստանի խաղաղապահ ուժերը: Սրանք շատ բարդ պայմաններ են: Առաջինը կարող ենք կատարել որոշ բացառություններով, սակայն մյուս երկուսը հակասում են Ադրբեջանի ազգային անվտանգությանը»,- նշել է Շահինօղլուն: 

Քաղաքական գիտությունների միջազգային ասոցիացիայի նախագահ Թուրան Իլթերը, սակայն հայտարարել է. «Հազիվ թե Էրդողանը եւ Պուտինը քննարկեն պրոռուսական միությանն Ադրբեջանի միանալու հարցը: Ադրբեջանն անկախ երկիր է, եւ չեմ կարծում, թե մեր երկրի ղեկավարությունը կհամաձայներ ինչ-որ կուլիսային բանակցությունների: Էրդողանը կարող է միայն խնդրել Պուտինին ուժեղացնել ազդեցությունը տարածաշրջանում այդ հակամարտության կարգավորման համար: Հատկապես, որ Ռուսաստանը, Թուրքիան եւ Իրանը արդեն փորձ ունեն, մասնավորապես, Սիրիական ճգնաժամի մասով»: 

Թուրք քաղաքագետ Հուսեին Բաքջին նշել է, որ ինքը միայն ողջունում է ԼՂ հակամարտության կարգավորմանն ուղղված ցանկացած ակտիվ ջանք, չի բացառում կարգավորումը ՌԴ ուղղակի միջնորդությամբ, ոչ թե ԵԱՀԿ ՄԽ շրջանակներում: 

«Եվ Ադրբեջանը, եւ Հայաստանը ԼՂ հակամարտության կարգավորման հարցում առվել դրական են դիտարկում Մոսկվայի դերը, ոչ թե Մինսկի խմբի, եւ այդ պատճառով կարող են արեւմտյան պլատֆորմի փոխարեն նախընտրել մոսկովյանը: Բաքուն ցանկանում էր նաեւ Թուրքիային միացնել այս ֆորմատին, եւ, կարծես թե, Էրդողանը Պուտինին այս հակամարտության համատեղ ֆորմատ է առաջարկելու: Հետագայում այդ ձեւաչափին հնարավոր է նաեւ Իրանի միանալը: 

Թուրքիան ի սկզբանե հաշվարկել էր, որ Հայաստանի հետ հարաբերությունների կարգավորման շնորհիվ հնարավոր կլինի կարգավորել ԼՂ հակամարտությունը, սակայն հետո համոզվեց, որ դա անհնար է: Հայկական կողմը բացահայտ հասկացնում է, որ ԼՂ հարցում զիջումների չի գնա: Հենց այդ պատճառով նոր ձեւաչափեր են պետք»,- ասել է Բաքջին: 

Ավելի վաղ ռուս քաղաքագետ Դմիտրի Վերխոտուրովը նշել էր, որ ռուս-թուրքական գործակցությունը հիմնականում ծավալվում է տնտեսության ոլորտում, գազատարների նախագծերով, եւ ոչ քաղաքական հարթակում: Իսկ ինչ վերաբերում է ԼՂ հակամարտությանը, քաղաքագետը հավելել է` Մոսկվան կընդունի Անկարայի առաջարկները, եթե Թուրքիան փոխի իր քաղաքական կուրսը: 

Տպել
5782 դիտում

Մանվել Գրիգորյանի որդին հրաժարական տվեց Էջմիածնի քաղաքապետի պաշտոնից

ԱԱ 2018-ի ֆավորիտներից Բրազիլիայի ֆուտբոլի հավաքականն էլ չհաղթեց

Քրիստոսն իրավունք ուներ խմելու, ես՝ չէ՞.վիճաբանել են Շիրակի թեմի քահանաներն ու ժողովուրդը

ԱԱԾ-ն հրապարակել է սենսացիոն կադրեր՝ Էջմիածնի աղմկոտ խուզարկություններից (տեսանյութ)

ԱԺ նախագահ Արա Բաբլոյանը տեսակցել է գեներալ Մանվել Գրիգորյանին

Աշխարհի գործող չեմպիոն Գերմանիան պարտվեց ֆուտբոլի ԱԱ 2018-ի իր 1-ին խաղում

Դատարանը որոշեց փաստաբանների բողոքը մերժել. Մանվել Գրիգորյանը մնալու է անազատության մեջ

Որևէ տնօրեն պարտավորություն չունի դպրոցում ունենալ ՀՀ ղեկավարի նկարը. ԿԳ նախարար

Հայաստանում կոռուպցիա չկա, կան մնացորդային դրսեւորումներ, որի դեմ պայքարում են. վարչապետ

Սեփական ընկալումները պետությունից վեր դասելը ոչ մի լավ տեղ չի տանում. Աշոտյանը՝ վարչապետին

Արարատում 27-ամյա քաղաքացին տրակտորի կցորդի վրայից ընկել է, հիվանդանոցում մահացել

Իգոր Մուրադյանի հուղարկավորության համար ստեղծվելու է կառավարական հանձնաժողով. Ա. Միրզոյան

Կասեցվել է «Շիրակ» ՖԱ-ի անդամությունը ՀՀ ֆուտբոլի ֆեդերացիային. վարկաբեկում են ՀՖՖ-ն

Յուրացնելով դպրոցականների ուղարկած սնունդը, Մ. Գրիգորյանը կերակրել է իր արջերին. վարչապետ

Նախորդ շաբաթ անընդհատ սահմանին հակառակորդի կենդանի ուժի ու զինտեխնիկայի շարժ է եղել

ԱԻՆ-ը շարունակում է 14-ամյա կորած տղայի որոնողական աշխատանքները, դեռ նոր տեղեկություն չկա

Անտառահատումներ Եղեգնուտի անտառտնտեսությունում. կառուցել են ապօրինի ճանապարհ ու տեղափոխել

Նիկոլ Փաշինյանի և Բակո Սահակյանի գլխավորությամբ ՊԲ շտաբում տեղի է ունեցել խորհրդակցություն

Կես ժամից Մանվել Գրիգորյանի խափանման միջոցի հարցով դատական նիստն է. նրան կկալանավորե՞ն

Նիկոլ Փաշինյանն ու Բակո Սահակյանն այցելել են Ճարտարի նորակառույց Սուրբ Վարդանանք եկեղեցի