«Թող բանակ տանեն ոստիկաններին». ուսանողների դասադուլին միացել են նաեւ դասախոսներ

08/11/2017 schedule11:00

ԵՊՀ-ի դիմաց նոյեմբերի 8-ին շարունակվում է բուհական տարկետման իրավունքը սահմանափակելու դեմ ուսանողների բողոքի ակցիան:

Մի քանի հարյուր ուսանողներ հավաքվել են Երեւանի պետական համալսարանի դիմաց եւ հրաժարվում են մասնակցել դասերին: Նրանք հայտարարում են, որ դեմ են տարկետման իրավունքի սահմանափակմանը եւ վանկարկում են «տարկետում լինելու է» եւ «դա-սա-դուլ» կարգախոսները: Ուսանողներն իրենց հետ բերել են «Տարկետում լինելու ա» գրությամբ պաստառներ:

«Զինվորական ծառայության եւ զինծառայողի կարգավիճակի մասին» նոր օրենքի նախագծի համապատասխան հոդվածում ասվում է՝ տարկետում տրվում է, եթե քաղաքացին Պաշտպանության նախարարության հետ կնքում է քաղաքացիաիրավական բնույթի պայմանագիր։ Այսինքն՝ ըստ այս օրինագծի, ուսման համար տարկետում կտրվի միայն այն դեպքում, եթե քաղաքացին պայմանագիր կնքի Պաշտպանության նախարարության հետ, ընդ որում, այդ դեպքում արդեն ուսումնառությունից հետո քաղաքացին պարտավորվում է բանակում ծառայել ոչ թե 2, այլ արդեն 3 տարի:

Բողոքի ակցիայի կազմակերպիչներից է «Հանուն գիտության զարգացման» նախաձեռնությունը: Այս նախաձեռնության անդամները նշում են, որ շարունակելու են բողոքի ակցիան՝ ընդդեմ տարկետման իրավունքի սահմանափակման:

Դասադուլ հայտարարած ուսանողներին միացել են նաեւ դասախոսներ: Առավել ակտիվ է այս առումով ԵՊՀ Մաթեմատիկայի ֆակուլտետը: Նույն ֆակուլտետի դասախոս Սաղաթելյանը լրագրողների հետ զրույցում հայտարարեց, որ դեմ է տարկետման վերացմանը: «Ուսանողներին բանակ ուղարկելու փոխարեն ավելի լավ կլինի ոստիկաններին ուղարկել: Էսքան ոստիկաններ կան, իրենց ուղարկեն»,- հայտարարեց նա:

Հատկանշական է, որ ինչպես նոյեմբերի 7-ին, այսօր էլ ԵՊՀ ղեկավարության արձագանքն ու ձեռագիրը նույնն է: Համալսարանի մասնաշենքերի դռները տեւական ժամանակ փակ էին, այնտեղ գտնվող ուսանողները չէին կարողանում դուրս գալ եւ միանալ դասադուլ հայտարարած ընկերներին:

Նրանք կարողացան համալսարանից դուրս գալ միայն դասադուլը սկսվելուց մեկ ժամ անց:

Միեւնույն ժամանակ «քնած չէ» նաեւ բուհի ղեկավարությունը: Այն ոչ միայն փակում է դռները դասադուլավոր ուսանողների առջեւ, այլեւ գործադրում ադմինիստրատիվ ռեսուրս ընդդեմ ըմբոստ ուսանողների ու դասախոսների: Մամուլն արդեն տեղեկացրել է, որ ԵՊՀ մաթեմատիկայի եւ մեխանիկայի ֆակուլտետի գիտխորհրդի պահանջով հինգշաբթի օրը՝ նոյեմբերի 9-ին՝ ժամը 11։30-ին, տեղի է ունենալու ԵՊՀ ռեկտորատի խորհրդակցություն՝ նվիրված տարկետման խնդրին:

«Ռեկտորը եւ պրոռեկտորը հանձնարարել են յուրային դեկաններին եւ ուսխորհրդի անդամներին՝ նիստի ընթացքում ամոթանք տալ այն 4 դեկաններին, ովքեր համարձակվել են ստորագրել օրենքը դատապարտող հայտարարության տակ, իսկ մաթֆակի դեկանին՝ գամել անարգանքի սյունին, որը համարձակվել է ֆակուլտետի գիտխորհրդի որոշում ընդունել ընդդեմ նախագծին: Ի դեպ, երեկ դասադուլի ժամանակ ԵՊՀ մասնաշենքերի բոլոր դռները փակ են եղել, ինչը կազմակերպել է պրոռեկտոր Ալիկ Ղարիբյանը՝ ԵՊՀ պահակների միջոցով, իսկ ինքը ծառերի ետեւից հետեւել է ակցիային», - գրել է Հրապարակը:

Դեռ երեկ՝ նոյեմբերի 7-ին կայացած բողոքի ակցիայի ավարտին դասադուլ հայտարարած ուսանողները պահանջներով հատուկ նամակ էին կազմել, որը նախատեսում էին փոխանցել Կրթության եւ գիտության եւ պաշտպանության նախարարություններին: Ի պատասխան պաշտպանության նախարարությունից ուսանողներին առաջարկել էին հանդիպել նախարար Վիգեն Սարգսյանի հետ, սակայն մերժում են ստացել:

Ըստ ՊՆ տարածած մամուլի հաղորդագրության, նույն օրը կայացել է ՀՀ պաշտպանության նախարար Վիգեն Սարգսյանի հանդիպումը ուսանողական, երիտասարդական, հասարակական կառույցների ներկայացուցիչների հետ։

Սարգսյանը շեշտել է, որ թեեւ որոշ կառույցներ եւ ուժեր փորձում են նենգափոխել ու այլ հարթության մեջ ներկայացնել ՀՀ-ի պաշտպանության ու անվտանգության համար չափազանց կարեւոր օրենսդրական նոր նախաձեռնությունների գաղափարն ու բովանդակությունը, իրականում փոփոխությունների հիմնական նպատակը զինվորական ծառայությանն ու կրթությանը նոր որակ հաղորդելն է։

Վիգեն Սարգսյանը եւս մեկ անգամ ընդգծել է, որ բուհական տարկետումների ներկայիս համակարգը թերի է եւ ծնում է անարդարության բազմաթիվ դրսեւորումներ, իսկ նոր օրենքներով առաջին անգամ հավասարության նշան է դրվում պետական եւ մասնավոր բուհերում սովորող ուսանողների միջեւ՝ նրանց առաջարկելով ֆինանսական շոշափելի փոխհատուցման փաթեթով այլընտրանքային զինվորական ծառայության տարբերակներ:

Պաշտպանության նախարարը նկատել է, որ ուսանողների այն մտահոգությունները, թե իբր նոր օրենքներով տարկետում հասկացությունը վերանալու է, բնավ իրականությանը չի համապատասխանում։

«Ուսումնական տարկետումը չի վերացվում, այլ կրթություն ստանալ ցանկացող, դրա անընդհատությունը կարեւորող քաղաքացիներին, ովքեր ուսումն ավարտելուց հետո պետք է բակալավրի աստիճանով զորակոչվեն բանակ, առաջարկվում է բանակ զորակոչվել որպես սպա, դրա դիմաց ստանալ աշխատավարձ, ուսման ծախսերի փոխհատուցում բակալավրիատում, իսկ հետո` նաեւ մագիստրատուրայում»,- ասված է ՊՆ-ի հաղորդագրության մեջ։

Հիշեցնենք` ՀՀ կառավարությունը 2003-2004թթ. ի դեմս այն ժամանակվա Պնախարար Սերժ Սարգսյանի եւս փորձել էր տարկետման սահմանափակման համանման օրենսդրական նախաձեռնությամբ (տարբերությունները, իհարկե շատ են) հանդես գալ ու կրկին արժանացել էր դիմադրության՝ արդյունքում` առժամանակ հրաժարվելով այդ նախագծից:

Տպել
5656 դիտում

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է

Տեղացած ձյունը մի շարք ճանապարհներին դժվարություններ է առաջացրել (լուսանկարներ)

Նոյեմբերի 15-ի դրությամբ համաներմամբ ազատ է արձակվել 484 դատապարտյալ

2 խնդիր, ինչի համար Հովհաննես Մարգարյանը չի մասնակցի ընտրություններին

«Իմ քայլը» դաշինքի նախընտրական ցուցակում ընդգրկված է 8 լրագրող. ովքե՞ր են նրանք

Ըստ դիմումի՝ Հայաստանում ստեղծվել է ֆինանսական բուրգ հանդիսացող կազմակերպություն. հարուցվել է քրգործ

Ստեփանավանի 2 բնակչի մեղադրանքներ են առաջադրվել՝ բնակարաններից գողություններ կատարելու համար

Ձյուդոյի ՀՀ առաջնության որակը լավացել է, խոստումնալից մարզիկներից 1-ը գուցե պատժվի. մարզիչ

Մեկնարկել է «Հայաստանի հմտություններ» ազգային մրցույթի եզրափակիչ փուլը

Անակնկալ ստուգումներ Երեւանի մանկապարտեզներում. հայտնաբերվել են խախտումներ, կլինեն հետեւանքներ (լուսանկարներ)

Վաղվա առաջնորդ կդառնան աշխարհում կատարվող սրընթաց փոփոխությունների կարևորությունը գիտակցողները. նախագահ

Դատարանը որոշեց բեկանել Քոչարյանի վերաբերյալ բողոքը, ուղարկել նոր քննության. Քոչարյանը հրապարակմանը ներկա չէր

Արդեն 25 անձ արյուն է հանձնել վթարի ենթարկված բալետի 23-ամյա արտիստի համար

Դպրոցները կառավարվելու են նոր համակարգով. ԿԳՆ-ում քննարկումներ են

«Իմ քայլը» դաշինքը կարգախոս չունի. ՔՊ խոսնակ