Դուք ավելի դաժան եք քան ժանտախտը. ոստիկանները փորձեցին Դեդից վերցնել խոսափողը

Շենգավիթ վարչական շրջանի ընդհանուր իրավասության դատարանում դատավոր Արթուր Օհանյանի նախագահությամբ այսօր շարունակվում է «Սասնա ծռեր» խմբի գործով արտագնա դատական նիստը:

Նշենք, որ այս մասով անցնում է 11 մեղադրյալ, մասնավորապես քննվում են Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Արայիկ Հակոբյանի, Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գեւորգ Իրիցյանի եւ Թորոս Թորոսյանի մասով գործերը:

Նիստը սկսվելուն պես «Սասնա ծռեր» խմբի անդամ Թորոս Թորոսյանի պաշտպան Լիպարիտ Սիմոնյանը միջնորդություն ներկայացրեց իր պաշտպանյալին անահապաղ ազատ արձակելու վերաբերյալ: Միջնորդությանը միացան նաեւ մյուս պաշտպանները՝ նշելով, որ նմանատիպ միջնորդություն իրենք եւս պետք է ներկայացնեն: Միջնորդության դեմ առարկեցին սակայն մեղադրող դատախազները, ինչից հետո դատավորն առանց ամբաստանյալների կարծիքը լսելու շտապում էր հեռանալ խորհրդակցական սենյակ: «Սասնա ծռեր» խմբի անդամ Մարտիրոս Հակոբյանի պաշտպան Լուսինե Սահակյանը դատավորին ասաց, որ իր պաշտպանյալը հայտարարություն  ունի անելու:

«Արդարատությունը սուրբ գործ է մաքուր տաճար, այստեղ պետք է մտնել մաքուր խղճով եւ արդար հոգով: Եվ այս զարհուրելի եռյակը մեկը մյուսին լրացնելով մի պահ չորս կողմը նայեցին կարծես մարդ էին փնտրում , սակայն դահլիճում քար լռություն էր տիրում, բոլոր լուռ էին, բայց զրպարտիչները հասկացան, որ այդ լռությունը զսպված ատելություն էր եւ կարող էր անսպասելի պոռթկալ: Եվ արդարությունը ահավոր զրպարտությունից ապշեց քիչ էր մնում պայթի, քանի որ այդ դահճիները որոշել են սեփական ժողովրդին այնպես դատել, ինչպես դատեցին Արթուր Սարգսյանին:

Արդարությունը զայրույթից պոռթկաց: Դուք թշվառական նողկալի հաճոյակատար, դուք ստրուկ կամակատար, չարժե անգամ հիշել ձեր անունները....իմացեք մենք հին ազգ ենք պատմության ընդերքից եկող: Ես եկել եմ դարերից ու գնում եմ դեպի դարերը, ինչպես քայլող պատմություն... ով, ողորմելիներ, այսօր զրպարտությունը ձեզ համար կապիտալ է կուտակում, իսկ վաղը լուսառատ արշալույսին, որի գալստյանը ես երբեք չեմ կասկածում, ձեր զրպարտությունները սեւ օձ կդառնան եւ կփաթաթվեն ձեր վզին, իսկ ես կլինեմ սարի գագաթին, ամենքին ի տես իսկ ձեզ այդ սեւ օձը թոկ դարձած կքաշի կմխրճի պատմության անտակ ճահիճը...

Եվ այսպես փորձում են շղթայված պահել արդարությունը ու ամենազարհուրելին այն է, որ դու լիարժեք արդար ես քո ժողովրդի, քո նոր հայրենիքի առջեւ, խղճի առջեւ, բայց չես կարող համոզել, լսող չկա: Ով զրպարտիչներ, ստոր տականքներ դուք ավելի լեղի եք, քան օձի թույնը: Դուք ավելի դաժան եք քան ժանտախտը, դուք նողկալի եք ինչպես Հուդան ու Յագոն....»- մասնավորապես հայտարարեց Մարտիրոս Հակոբյանը: Նրա հայտարարությունը, սակայն փորձեց ընդհատել նախագահող դատավոր Արթուր Օհանյանը. նա ոտքի էր կանգնել եւ հայտարարության մի մասը լսեց հոտնկայս:

Ապա տեսնելով, որ չի հաջողվում ընդհատել ամբաստանյալին, նա ուղեկցող ոստիկաններին հրամայեց, որպեսզի վերցնեն Դեդի խոսափողը, սակայն ապարդյուն. այնուամենայնիվ նա մինչեւ վերջ ընթերցեց իր հայտարարությունը, ինչից հետո դատավորը շտապեց հեռանալ խորհրդակցական սենյակ: Կես ժամ անց խորհրդակցական սնեյակից վերադառնալուց հետո դատարանը մերժեց Թորոս Թորոսյանին անհապաղ ազատ արձակելու վերաբերյալ միջնորդությունը:

Իր պաշտպանյալներին ազատ արձակելու միջնորդություն ներկայացրեց նաեւ Մարտիրոս Հակոբյանի եւ Արայիկ Հակոբյանի պաշտպան Լուսինե Սահակյանը: Նա նշեց, որ իր պաշտպանյալները 2017 թվականին հուլիսի 30-ից ապօրինի են գտնվում կալանաքի տակ։ Նրանց կալանքի տակ պահելու ժամկետը երկարացված չէ։ Գործով մյուս ամբաստանյալների պաշտպանները միացան միջնորդությանը: Մասնավորապես պաշտպան Հարություն Բաղդասարյանը միացավ միջնորդությանը եւ հայտարարեց. «Այսօրվա դրությամբ պաշտպանական կողմը հիմքեր է ստեղծում եվրոպական դատարան դիմելու համար, մի ստեղծեք այդ հիմքրեը»։

Մարտիրոս Հակոբյանը՝ Դեդը հայտարարեց. «Արդարադատություն չկա…համոզված եմ, որ իրանք վախեցած են, թե չէ ոչ մեկը իր հայրենակցի նկատմամբ սխալ քայլ չի անի»։ Դիմելով մեղադողներին Դեդը հայտարարեց.«Դուք ոչ միայն վախեցած եք, այլեւ կտրված եք ձեր ազգային արմատներից»։ Մեղադրող դատախազներից մեկը սակայն հայտարարեց, որ իրենք ոչ մեկից վախեցած չեն:

Դատարանը հեռացավ խորհրդակցական սենյակ Լուսինե Սահակյանի միջնորդությունը քննելու։ Խորհրդակցական սենյակից վերադառնալով դատարան այս միջնորդությունը եւս մերժեց: 

Տպել
14446 դիտում

Արմեն Փամբուխչյանը նշանակվել է ՏԿՏՏ նախարարի առաջին տեղակալ

Բուլղարիան չի մասնակցելու այս տարվա Եվրատեսիլին, իսկ համաշխարհային աստղերը բոյկոտում են մրցույթը

Արցախի ԱԳՆ ղեկավարն ընդունել է Ֆրանկոֆոն մամուլի միջազգային միության վարչության մի խումբ անդամների

Հորդորում եմ պահպանել կոռեկտություն, Խանդոյանը կասեր՝ մենք նույն Հայրենիքի զավակներն ենք. Վ. Ավետիսյան

Մահացել է Microsoft-ի համահիմնադիր Փոլ Ալենը՝ ամենահարուստ մարդկանցից մեկն աշխարհում

Ողբերգական ավտովթար Կոտայքի մարզում. բախվել են Nissan-ն ու 07-ը. կա 1 զոհ, 2 վիրավոր

1 շաբաթում 153 հրդեհ է գրանցվել, թունավորման 9 դեպք, որից տուժել է 11 քաղաքացի

Հիացած եմ Հայաստանի գեղատեսիլ վայրերով և հայերի հյուրասիրությամբ. Ուկրաինայի ԱԳ պետքարտուղար

Արարատ Միրզոյանը ՌԴ դեսպանի հետ քննարկել է ՀՀ–ում ներքաղաքական զարգացումները

Թրանսփարենսի Ինթերնեշնլ-ը դիմել է ԵԽԽՎ՝ Հայաստանի՝ փողերի լվացման սխեմաներում ընդգրկված լինելու քննության համար

ՀՀԿ-ի՝ Բրյուսովի համալսարանի չհրկիզվող պահարանից գտնված 56 անդամատոմսերից 5-ը կապ չունեն բուհի հետ

Հայտնի են Արմավիրի, Արագածոտնի, Սյունիքի նոր մարզպետների անունները

Նիկոլ Փաշինյանը լուսանկար է հրապարակել Յուրի Բաշմետի հետ

Հունան Պողոսյանը նշանակվելու է Սյունիքի մարզպետ

ՀՀ ֆուտբոլի հավաքականի անդամները հանդիպել են երկրպագուների հետ

Կոտայքում բախվել են Ոստիկանության և ՊՆ ծառայողների մեքենաները. 4 ամսական երեխան հիվանդանոցում է

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը