Գիշերը ԵՊՀ անվտանգության աշխատակիցները կհսկեն հացադուլավորներին. Ալիկ Ղարիբյան

Երեւանի պետական համալսարանում շուտով կավարտվեն նաեւ երկրորդ հերթի դասերն ու աշխատանքային օրը, իսկ լսարաններից մեկում, ինչպես հայտնի է, այսօր առավոտյան հացադուլ են սկսել 5 ուսանողներ:

Պարբերաբար հացադուլի վայր այցելող ԵՊՀ աշխատակազմի ղեկավար Ալիկ Ղարիբյանից հետաքրքրվեցինք, թե ինչ են պատրաստվում անել աշխատանքային օրվա ավարտից հետո:

Նա պատասխանեց, որ բուհի անվտանգության աշխատակիցները հերթապահություն կիրականացնեն հացադուլ հայտարարած երիտասարդների մոտ:

«Հերթապահություն կլինի, որ հանկարծ միջադեպեր տեղի չունենան: Իրենք էլի մեր սիրելի ուսանողներն են մնում, անկեղծ ձեզ ասեմ, բայց դե ի՞նչ է, պետության մեջ չկա՞ն չար զավակներ եւ կան խելացի զավակներ: Մի քիչ չարություն են արել, կհանդարտվի, ամեն ինչ իր տեղը կընկնի»,- նկատեց Ալիկ Ղարիբյանը:

Դիտարկմանը, թե բողոքող ուսանողները պակա՞ս խելացի են, նա արձագանքեց.

«Չէ, չարությունը խելացիության հետ կապ չունի: Նկատի ունեմ՝ խելոք, որ ծայրահեղ քայլերի չեն դիմում: Իրենք էլ են խելացի, շատ խելացի են, ուղղակի քայլերի մեջ մարդիկ կարող են շատ զուսպ կամ ծայրահեղ լինել: Ամեն դեպքում ծայրահեղությունը ամեն ինչում շատ վատ է: Համենայնդեպս, նրանք իրենց պահանջները հնչեցնում են: Սխալ ճանապարհով, բայց ամեն դեպքում հնչեցնում են»:

«Հանուն գիտության զարգացման» նախաձեռնության անդամների հայտարարած դասադուլի 6-րդ օրը ուսանողներից հինգը հացադուլ են սկսել: Նրանք պահանջում են ետ կանչել Ազգային ժողովում երկրորդ ընթերցման ներկայացված «Զինապարտության մասին» օրենքի նախագիծը, որով նախատեսվում է սահմանափակել ակադեմիական տարկետման հնարավորությունները:

Հացադուլ անող ուսանողներն են Դավիթը, Յուրին, Հարությունը, Գեղամը եւ Լեւոնը: Նրանք բողոքի այդ ակցիան իրականացնում են ԵՊՀ ֆիզիկայի ֆակուլտետի լսարաններից մեկում՝ դուռն ամուր պողպած: Բոլոր նրանք, ովքեր կարողացել են հաղթահարել ԵՊՀ անվտանգության աշխատակիցների պատնեշը, ուսանողների հետ խոսել են միայն փակ դռան միջոցով:

Հացադուլ անող իրենց ընկերներին դրսում սատարող ուսանողներից տեղեկացանք, որ հնարավոր է այսօր նստացույց սկսեն: Իսկ այս ամենին զուգահեռ Ազգային ժողովում քննարկվում էր խնդրո առարկա օրինագիծը:

Տպել
3136 դիտում

Ազգային ժողովն արձակվելուց հետո պահպանում է իր լիազորություններն ամբողջ ծավալով. Ա. Բաբայան

Բեն Ավետիսյանը՝ Շուշաննա Թովմասյանի հարսանիքին

Աշխարհը չէր հասկանում, թե ինչ է նշանակում պրոֆեսիոնալ նվագախումբ, որը երիտասարդական է, բայց մենք համոզեցինք. Սմբատյան

Խանդոյանի նկարով պաստառը Հայաստան-Մակեդոնիա ֆուտբոլային խաղի ժամանակ

Իմ գերխնդիրը ոչ թե քաղաքապետ դառնալն է, այլ քաղաքը կառուցելը. ես ծառայելու եմ ժողովրդին. Սևակ Միքայելյան

ՀՀ վարչապետը հրաժարական ներկայացրեց

Մեր ձեռքը մեկնած է, օդում է՝ նոր խաղի կանոներով աշխատելու համար. Միրզոյանը՝ Հունան Պողոսյանի մասին

Կարեւոր է, որ «Ելք» խմբակցությունն ակտիվ դերակատարում ունենա առաջիկայում. վարչապետ

Մեր նպատակն իսկապես նույնն է. Ռուստամյանը՝ Փաշինյանի հետ հանդիպման ժամանակ (լուսանկարներ)

Եկանք այն փոխզիջման, որ 4-րդ ուժը կարող է հայտնվել ԱԺ-ում, եթե հավաքել է առնվազն 2% քվե. Միրզոյան-ԲՀԿ հանդիպում

55-ամյա տղամարդը պատահաբար խմել է քացախաթթվային էսենցիա և մահացել

Հովիկ Աբրահամյանին պատկանող գործարանից հայտնաբերված զենք-զինամթերքն անօրինական է, բայց կապ չունի Մարտի 1-ի հետ

Քրեական հեղինակություն Նորատուսցի Արային մեղադրանք է առաջադրվել. խուզարկվել է նրա բնակարանը

Երեւան քաղաքի Հասրաթյան փողոցի հետիոտնային անցումը կվերակառուցվի

Ucom-ի բոլոր հեռուստադիտողները կվայելեն ամենապահանջված հեռուստասերիալների 4 հեռուստաալիքներ

Վանեցյանը Մինասյանին ասել է, որ նա կարող է մնալ հավաքականում, բայց նա հրաժարական է տվել

Արա Բաբլոյանը Ժնեւում մասնակցում է Միջխորհրդարանական միության 139-րդ վեհաժողովի աշխատանքներին

Ֆրանկոֆոնիան անհանգստացրել է Բաքվին. Արցախի հարցում զգուշավոր են

Moody's միջազգային վարկանշային գործակալությունն Ինեկոբանկին շնորհել է B1 վարկանիշ

Ես համաձայն չեմ Վիգեն Սարգսյանի դիտարկման հետ. Արարատ Միրզոյան