Աշխարհի չեմպիոն Բուֆոնի էմոցիոնալ հրաժեշտն ազգային հավաքականին

Իտալիայի ֆուտբոլի ազգային հավաքականի լեգենդար դարպասապահ Ջանլուիջի Բուֆոնը չի մասնակցի աշխարհի իր 6-րդ առաջնությանը: Երեկ՝ նոյեմբերի 13-ին, այն բանից հետո, ինչ Իտալիան աշխարհի 2018 թ. առաջնության ընտրական փուլի անցումային պատասխան խաղում ճանապարհը զիջել է Շվեդիային, 39-ամյա ֆուտբոլիստն արցունքն աչքերին հրաժեշտ է տվել միջազգային կարիերային: Հանդիպումից հետո հարցազրույցի ժամանակ թիմի ավագը չի կարողացել զսպել արցունքները:

«Ես ինձ համար չէ, որ ցավում եմ, այլ իտալական ֆուտբոլային շարժման համար: Մենք չկարողացանք իրականացնել մեր նպատակը, որը սոցիալական առումով նույնպես շատ կարեւոր կլիներ: Սա միակ բանն է, որի համար ցավում եմ, թեեւ իմ վերջին խաղը համընկել է աշխարհի առաջնությանը չորակավորվելու օրվա հետ: Մենք համառ ենք, դժվար ժամանակներից հետո կվերադառնանք: Հավաքականը թողնում եմ լավ տղաների՝ դարպասապահ Ջանլուիջի Դոնարումային, Մատիա Պերինին... նրանք չեն թողնի, որ ափսոսամ»,- Բուֆունի խոսքերն են մեջբերում արտասահմանյան մարզական լրատվամիջոցները:

Միջազգային կարիերան ավարտում է այնպես, ինչպես սկսել է՝ անցումային խաղում: Հավաքականի կազմում Բուֆոնը նորամուտը նշել է 1997 թ. հոկտեմբերի 29-ին աշխարհի 1998 թ. առաջնության ընտրական փուլի Ռուսաստանի դեմ անցումային խաղում: 1-ին խաղում դրսում «սկուադրա աձուրան» 1:1 է խաղացել Ռուսաստանի հետ. Իտալիայի կազմում սեփական դարպասը գրավել է թիմի պաշտպան Ֆաբիո Կանավարոն: 2-րդ խաղում Իտալիան հաղթել է 1:0, եւ ընդհանուր 2:1 հաշվով հաղթելով՝ աշխարհի առաջնության ուղեգիր է նվաճել:

1998 թվականից սկսած Բուֆոնը մասնակցել է աշխարհի բոլոր առաջնություններին: 2006 թ. աշխարհի առաջնությունում իր սեյվերով մեծապես օգնել է Իտալլիային իր պատմության մեջ 4-րդ անգամ չեմպիոն դառնալու: Աշխարհի 2018 թ. առաջնությունը նրա համար 6-րդն էր լինելու կարիերայում:

Բուֆոնի նորամուտը հավաքականի կազմում Ռուսաստանի դեմ կայացած անցումային խաղում

Ընտրական այս ցիկլում Իտալիայի հավաքականն ընդգրկված էր G խմբում: 10 խաղում տարավ 7 հաղթանակ, պարտվեց 1 խաղում եւ 2 հանդիպում ավարտեց ոչ-ոքի: 2-րդ տեղը գրավեց՝ 1-ինը զրջելով Իսպանիային: Անցումային խաղերում թիմը ֆավորիտ էր Շվեդիայի հետ դիմակայությունում, սակայն նոյեմբերի 10-ին շվեդները կարողացան հաղթել 1-ին խաղում (1:0) եւ երեկ պատասխան խաղում (0:0) պահպանել առավելությունը:

1958 թվականից ի վեր սա 1-ին դեպքն էր, որ Իտալիայի հավաքականը չի որակավորվում աշխարհի առաջնությանը:

Տպել
826 դիտում

Ադրբեջանի ԱԳՆ-ն կոչ է անում ՅՈՒՆԵՍԿՕ-ին միանալ Ղարաբաղում անցկացվելիք մոնիթորինգին

Ֆրանկոֆոնիայի Բուխարեստի գրասենյակում քննարկվել է ՀՀ-ում անցկացվելիք գագաթնաժողովի ընթացքը

ՀՀ-ն ընգրկվել Է ՄԱԿ-ի Պատվո ցանկում՝ մոտ 146 000 դոլար անդամավճարը պարտաճանաչ տալու համար

Մոսկվայի քաղաքապետը պարգեւատրել է լրագրողներին, պարգեւ է ստացել նաեւ Արթուր Գասպարյանը

Երեւանցի 19-ամյա աղջիկն արդեն 21 օր է՝ համարվում է անհետ կորած

Ծնվել է Քարդաշյան-Ուեսթ զույգի երրորդ երեխան

Հայաստանի մի մասում ձյուն է տեղում, որոշ ճանապարհների առկա է մառախուղ ու մերկասառույց

Ապագա նախագահը քաղաքականության մեջ երբեւէ չեղած անկուսակցական պետք է լինի. Սերժ Սարգսյան

Ավտովթար Լոռիում. վիրավորներից 2-ը երեխաներ են (լուսանկարներ)

Անհատ ձեռներեցները տաքսու լիցենզիա այլեւս չեն ստանա. նոր նախագիծ է մշակվում

Փաստաբանի ահազանգից հետո Հովհաննես Հարությունյանը ենթարկվել է վնասվածքաբանի հետազոտության

Վրաստանում հարձակման ենթարկված հայաստանցի գործարարը դուրս է գրվել, գտնվում է տանը

Սերժ Սարգսյանը Հովհաննես Չեքիջյանին հանձնել է Հայրենիքի շքանշանը (լուսանկարներ)

Հարկերի հավաքագրումը հնարավոր է նաեւ առանց հարկային բեռի մեծացման

Սերժ Սարգսյանին զեկուցելուց հետո դատախազությունը զեկուցում է հասարակությանը

Շամիրամ գյուղի սգո սրահում անցյալ տարվա օգոստոսին կատարված սպանդի քննությունն ավարտվել է

Այս գիշեր Արցախում մահացած զինծառայողը ընտանեկան խնդիրների պատճառո՞վ է ինքնասպան եղել

Վստա՞հ եք, որ ինքն է գրել, ես Վիգեն Սարգսյանի ձեռագիրը լավ գիտեմ. Շ. Պետրոսյան (տեսանյութ)

Սրտանոթային հիվանդները լավ կանեն պաշտպանվեն սուր շնչառական վարակներից. ՀՀ գլխավոր սրտաբան

Թանկացումներ Հայաստանում. օլիգարխիան կարող է ընդվզել իշխանության դեմ