Արցախյան շարժման ազատամարտիկ բուժքրոջը զրկել են 30 հազար դրամ թոշակից. լուսանկարներ

Լոռի թիվ 1 բժշկասոցիալական փորձաքննության հանձնաժողովը մերժել է Արցախյան պատերազմի մասնակից, բազմաթիվ մեդալներով ու շքանշաններով պարգևատրված, սահմանին հարյուրավոր կյանքեր փրկած կնոջ՝ հաշմանդամության կարգ տրամադրելու դիմումը:

Աղավնի Փանոյանը մեզ հետ զրույցում պատմեց, որ մասնակցել է 1992-1994թթ պատերազմին, եղել առաջնագծում որպես բուժքույր, այնուհետ զինադադարից հետո մասնակցել է սահմանների պաշտպանությանը մինչև 1996թ-ը: Կինը ունի նաև անցած մարտական ուղին փաստող փաստաթղթեր. «Պատերազմը իր խորը հետքը թողեց վրաս, ողնաշարի խնդիր ունեմ, գլխի հետ կապված խնդիրներ ունեմ, կանտուզիա տարած մարդ եմ, դեպրեսիա  ունեմ…դիակների վրայով եմ ես ման եկել, որ մեջներից սաղ մարդ գտնեմ ու օգնեմ, մինչև էսօր երազներումս էդ տեսարաններն են…»,-արցունքն աչքերին պատմեց նա, հավելելով. «Առողջականս գնալով վատանում էր, բայց ինչ-ինչ պատճառներով չէի դիմում հաշմանդամության կարգ ստանալու համար, 2000թ.-ին վիճակս կտրուկ վատացավ, Երկրապահը Վանաձորի զինկոմի հետ ուղարկեցին  հոսպիտալ բուժզննում ու բուժում անցնելու, էդեղ էլ ասին վիճակդ էնպիսին է, որ քեզ դեղորայքի ու ապրելու գումար է պետք, գնա թոշակավորվի…դրանից հետո հարազատներս իրար հետևից մահացան…ժամանակ չեղավ զբաղվելու թոշակիս հարցերով…5-6 տարի առաջ պոլիկլինիկայի բժշկուհին ստուգեց ու ասաց, որ դիմեմ կարգ ստանալու համար, որ գոնե դեղերի փող ունենամ…հիվանդանոցում պարկեցի, հետազոտվեցի ու հաշմանդամության 3-րդ կարգ ստացա, ես 2-րդ չէի էլ ուզում, որ ոչ ավել փող տային, ոչ էլ ավելի ծանր հիվանդների փողը ինձ տային»:

10 օր առաջ հերթական բժշկասոցիալական  փորձաքննության ժամանակ նյարդաբանը կնոջը ներկայացնում է ԲՍՓ-ի պետին, ով էլ, ըստ կնոջ պատմելու, արհամարական տոնով հայտնում է, որ կնոջ հաշմանդամութուն ճանաչելը մերժվել է.«Բժշկուհին ճնշումս չափեց ու ուղարկեց պետի մոտ, նա էլ ասեց, որ իմ դիմումը մերժվում է …սա իմ վերջին ամիսն էր հաշմանդամության թոշակ ստանալու, դրանից հետո ես անցնելու էի ծերության թոշակի…»,-պատմում է տասնյակ մեդալների ու շքանշանների արժանացած ազատամարտիկ բուժքույրը, հավելելով, որ այսօր արդեն դեղերն առնելու գումար չունի, ինչ մնաց թե ապրելու:

«Հայկական ժամանակ»-ի հետ զրույցում Լոռի 1 ԲՍՓ-ի նյարդաբան-փորձագետ Ժաննա Գասպարյանը հայտնեց, որ կնոջ դիմումը մերժվել է ներկայացրած փաստաթղթերի եւ նյարդաբանական ստատուսից ելնելով: Այն հարցին, թե ստացվում, որ կնոջ վիճակը նախորդ տարվա համեմատ լավացե՞լ է, փորձագետն ասաց.«Ուրեմն կար փոփոխություն, որ եզրակացությունը էդպես ենք տվել…հստակ չեմ կարող ասել, քանի որ նախորդ տարի ես չեմ եղել…ես չեմ ասում առողջ ա, ես ասում եմ չեմ կարող իրեն ճանաչել հաշմանդամ»:

Լոռի1 ԲՍՓ-ի պետ Մարզպետ Մինասյանը նշեց, որ օրենքում չափորոշիչներ են փոխվել, ինչն էլ նման դժգոհությունների առիթ է հանդիսացել:

Հ.Գ. Արցախյան շարժման մասնակից կնոջ խնդրանքը պատկան մարմիններից մեկն է՝ վերանայել կայացրած որոշումն ու չզրկել ապրելու վերջին միջոցից: Հուսանք՝ նախարությունը կարձագանքի հրապարակմանն ու կուսումնասիրի ներկայացված խնդիրը:

Տպել
3124 դիտում

Պետությանը պատճառած ավելի քան 425 մլն դրամի վնասից բյուջե է վերականգնվել 335 մլնը. ՊԵԿ

Մահացել է ՀԽՍՀ մշակույթի վերջին նախարար Յուրի Մելիք-Օհանջանյանը

Աջափնյակ վարչական շրջանում կիրականացվի լայնամասշտաբ շաբաթօրյակ

1 միլիոն դոլար ներդրմամբ Մաթեւոսյան կենտրոնի շինարարությունն անժամկետ դադարեցված է

«Ոսկե ծիրան» կինոփառատոնի ողջ ղեկավար կազմը փոխվեց. կինոյի մասին օրենքը մնում է օդից կախված

Վանաձորը տոնական տեսքի բերելու համար բյուջեից հատկացվել է 4.5 մլն դրամ

Մոուրինյոն հեռացվեց «Մանչեստեր Յունայթեդից»

ՌԴ-ն աշխատում է Երեւանի ու Բաքվի միջեւ ուղիղ երկխոսության հնարավորությունների ստեղծման ուղղությամբ. դեսպան

Համատեղ պայքարել ժամանակակից մարտահրավերների դեմ. Օսիպյանն այցելել է Վրաստան (տեսանյութ, լուսանկարներ)

Արմեն Սարգսյանը շնորհավորական ուղերձ է հղել Քաթարի Հայր Էմիր Շեյխ Համադ Բին Խալիֆա Ալ Թանիին

Ի՞նչն է խանգարում հայ-ադրբեջանական երկխոսությանը

Տարեվերջին գնաճի ավելի ցածր ցուցանիշ կգրանցվի, քան կանխատեսվում էր. ԿԲ խորհրդի անդամ

Պատգամավորները մանդատները կստանան դեկտեմբերին, իսկ ԱԺ առաջին նիստը կկայանա հունվարին

Վերացվել է ուռճացումն ու նկարչությունը. «Իմ քայլը» պատասխանում է «Լույս» դաշինքի բարձրացրած հարցերին

Կրակոց՝ ինքնաձիգից. ավագ լեյտենանտն անզգուշությամբ վնասվածք է հասցրել ծառայակցին

Մանվել Գրիգորյանը հրաժարվում է ՄԻԵԴ դիմել, այլ կերպ է նայում իրավիճակին. պաշտպան

Լաբորատորիաները Հայաստանինն են եւ քաղաքացիական բնույթ են կրում. Նաղդալյանն արձագանքել է Լավրովին

ԱԻԲԱ-ն պահանջում է ՀՀ բռնցքամարտի ֆեդերացիայից նոր ընտրություններ անցկացնել. Ռոստոմյան

Հայտնի են ԱԺ «Իմ քայլը» խմբակցության ղեկավարի ու քարտուղարի անունները

ՀՀ-ին արգելվելո՞ւ է այլ երկրների զինվորականներ տեղակայել իր տարածքում. ՌԴ դեսպանի մեկնաբանությունը