Հատուկ դպրոցները փակվեցին, իսկ հանրակրթականները դեռ պատրաստ չեն ընդունել այդ երեխաներին

Լոռու մարզում այս տարի վերակազմակերպված հատուկ դպրոցների աշակերտները արդեն հաճախում են հանրակրթական դպրոցներ, որոնք սակայն, բազմաթիվ խնդիրներ են ստեղծում ոչ միայն հատուկ կարիքներ ունեցող երեխաների, այլ նաեւ` դպրոցների ու աշակերտների ծնողների համար:

Լոռու մարզպետարանի աշխատակազմի ղեկավար Նարեկ Սարգսյանի խոսքով՝ մարզում այս պահի դրությամբ արդեն իսկ վերակազմակերպվել են Սպիտակի թիվ 1 հատուկ դպրոցը եւ Վանաձորի օժանդակ դպրոցը, դառնալով մանկավարժահոգեբանական գնահատման կենտրոն:

Վանաձորի օժանդակ դպրոց հաճախում էր հատուկ կարիքներ ունեցող 48 երեխա, իսկ Սպիտակի օժանդակ դպրոց 37, նրանք բոլորն այսօր հաճախում են հանրակրթական դպրոցներ, նպատակը` ներառական կրթության անցնելն է, վստահեցնում է աշխատակազմի ղեկավարը:

Երեխաներին հանրակրթական դպրոցներ տեղափոխելը արդարացի բողոքի ալիք բարձրացրեց ծնողների շրջանում, ինչը պայմանավորված էր նախ համապատասխան մանկավարժների պակասով, դպրոցների ու դասասենյակների՝ հատուկ կարիքներ ունեցող երեխաներին անհամապատասխան լինելով: Խնդիրներ կան դպրոցներում տեղաշարժման հետ կապված, զուգարանների ու թեքահարթակների բացակայության հետ կապված:

Աշխատակազմի ղեկավարը չի հերքում` հատուկ դպրոցներից հանրակրթական դպրոցներ անցման պրոցեսը բազմաթիվ դժգոհություններ է առաջացրել.«Միանշանակ, դժգոհությունները նաեւ օբյեկտիվ էին, այդ ծնողները ոչ թե դժգոհում էին, որ երեխաները գիշերը տուն են գնալու, այլ որ դպրոցներում պայմաններ չկան, այսինքն բոլոր այն ծառայություները, որ մատուցվում էին հատուկ դպրոցներում, հանրակրթականներում չկան, սկսած պայմաններից, վերջացրած ուսուցչական կոլեկտիվից…խնդիրներ կան այս երեխաներին ցերեկային խնամք մատուցելու հետ կապված, որովհետեւ դպրոցում միայն կրթական բաղադրիչ տալը բավարար չէ, որքան ցերեկային զբաղվածությունը, միանգամյա սնունդն ու մասնագիտական հատուկ մոտեցումը»:

Խնամքի կենտրոնը, Նարեկ Սարգսյանի վստահեցմամբ՝ կվերածվի Լոռու մարզի երեխաների եւ ընտանիքների աջակցության կենտրոն հիմնադրամի, որը ծառայություն կմատուցի 4-18 տարեկան երեխաներին, այդ թվում՝ հատուկ կարիքներ ունեցողներին.«Թերապիաներ կլինեն, դասերից հետո երեխաները, կախված իրենց կարիքներից, կգնան և մինչև ժամը 6-ը կլինեն այնտեղ»:

Սարգսյանը հերքում է, թե օժանդակ դպրոցներում միանշանակ ավելի լավ է եղել այդ երեխաների համար.«Միայն սնվելը դիտարկելով չի նշանակում, թե այնտեղ ավելի լավ է…այնտեղ ջերմ է եղել, բայց այս դպրոցները սպառել էին իրենց…երեխան ունենալով ընտանիք, 5 օր կտրվում էր ընտանիքից, այնտեղ կրթական բաղադրիչը 0 էր, 6-րդ դասարանի երեխա կա, որ մինչ օրս տառերն անգամ չգիտի»:

Մարզպետարանի աշխատակազմի ղեկավարը վստահեցնում է, չնայած դժգոհություններին ու առկա խնդիրներին, արդյունքները շոշափելի կլինեն:

Ու մինչ պատկան մարմինները վստահեցնում են, որ ամեն ինչ լավ է լինելու, ծնողները շարունակում են դժգոհել ու բողոքել, որ հատուկ դպրոցներից երեխաներին հանրակրթական տեղափոխելուն որևէ մի կառույց դեռեւս պատրաստ չէր:

Տպել
1331 դիտում

Խոշոր հրդեհ ոստիկանության զորամասի հարևանությամբ. դեպքի վայրում է ԱԻՆ 6 մարտական հաշվարկ

Արմեն Գեւորգյանի խափանման միջոցի վերաբերյալ որոշումը կհրապարակվի վաղը. նիստն անցել է լարված մթնոլորտում

Ըստ դատարանի՝ ԵԱՏՄ մարզիկը չպետք է լեգիոներ համարվի, բայց ՌԴ-ում սա հայերի վրա չի տարածվի

Աշխատող մարդը չի բաժանվում կուսակցությունների. քաղաքապետը ներկայացրել է Ավանի նոր ղեկավարին

ՔՊ-ում երեկոները բուռն են, ամեն օր թեժ քննարկումներ են իրականացնում. օրակարգում ԱԺ-ի կազմն է

Խոշոր չափերով թմրամիջոցների ապօրինի շրջանառություն Երեւանում. մեկ անձի մեղադրանք է առաջադրվել

Շուշաննա Թովմասյանը, Լուիզա Ներսիսյանը՝ մանկական ամանորյա հեքիաթ ֆիլմում

Մեկ հարկային տարում երկու ավտոմեքենա նույն անձի կողմից ներկրելը ձեռնարկատիրական գործու­նեութ­յուն է. ՊԵԿ

Շինթույլտվության բարդությունները. քաղաքապետարանում տեղյակ են, բայց միջամտել չեն կարող՝ օրենքին դեմ է

Համայնքային ծառայողներն այսուհետ հանդես կգան միասնական ձայնով. ընդունվեց հայտարարություն

Եթե ձեզ թվում է, որ պետք է մեքենա բերեք ու նվիրատվության անվան տակ ֆռցնեք ավտոները՝ չի լինելու. ՊԵԿ նախագահ

Նազարբաեւը ՀԱՊԿ գլխավոր քարտուղարի պաշտոնում աջակցում է Բելառուսի թեկնածուին

Հայաստանն անվտանգ է. ոստիկանությունը հակադարձում է ԱՄՆ-ի դեսպանատանը

Արցախի նախագահ Բակո Սահակյանը հանդիպել է ՀՀ վարչապետի պաշտոնակատար Նիկոլ Փաշինյանի հետ

Երեւանի ու Բաքվի միջեւ երկխոսություն կա, եւ այն վարվում է. ՌԴ ԱԳՆ

ՀՀ նախկին փոխվարչապետ Արմեն Գեւորգյանի խափանման միջոցի վերաբերյալ հարցի քննությունը վերսկսվեց

Զինկոմիսարիատների օպտիմալացման իմաստն ավելորդ աշխատատեղեր չպահելն է. Արծրուն Հովհաննիսյան

Քարոզչության ժամանակ հիմնականում շահարկվեց եկեղեցու, Արցախի եւ ԼԳԲՏ համայնքի թեմաները. փորձագետ

Լեհաստանից հետ կանչված ՀՀ դեսպանը 7 հողամաս, 2 բնակարան, 1 առանձնատուն ունի

Հնարավոր է. Արայիկ Հարությունյանն՝ ԱԺ-ում «Իմ քայլը» խմբակցությունը ղեկավարելու մասին