Եթե դատարանը չկանխի, ես ամեն վիրավորական արտահայտության արձագանքելու եմ. խմբի պարագլուխ

Զինված խմբի պարագլուխ համարվող Արթուր Վարդանյանին «ականջներդ կկտրեմ» ասելու համար մեղադրող դատախազ Գեւորգ Սարգսյանի նկատմամբ սանկցիա չկիրառվեց: Կենտրոն եւ Նորք-Մարաշ վարչական շրջանների ընդհանուր իրավասության դատարանում սույն գործով նիստը սկսվելուն պես ամբաստանյալ Արթուր Վարդանյանի պաշտպան Լեւոն Բաղդասարյանը միջնորդեց սանկցիա կիրառել մեղադրող դատախազի նկատմամբ: Մասնավորապես՝ պաշտպանը նշեց, որ նախորդ նիստին գործով ապացույցների հետազոտման ժամանակ դատախազը նշել է, որ կա լուսանկար, որում Արթուր Վարդանյանը լուսանկարվել է «Շռամ Վալերիկի» գերեզմանոցի մոտ: «Շռամ Վալերիկը» Արթուր Վարդանյանի հայրն է` արցախյան պատերազմի մասնակից Վալերիկ Վարդանյանը եւ այդ արտահայտությունը դուր չի եկել Արթուր Վարդանյանին, նա ընդհատել է դատախազին, որի ժամանակ էլ Գեւորգ Սարգսյանն արձագանքել է. «Ականջներդ կկտրեմ»:

Մեղադրող դատախազ Սարգսյանը, սակայն առարկեց միջնորդության դեմ՝ նշելով, որ նա չի իմացել, որ «Շռամ Վալերիկ» մականունով ազատամարտիկն Արթուր Վարդանյանի հայրն է եղել եւ նա ընդամենը կարդացել է այն, ինչ գրված է եղել գերեզմանաքարի վրա: Դատարանը հեռացավ խորհրդակցական սենյակ, վերադառնալով՝ որոշեց մերժել պաշտպանի միջնորդությունը: Նշենք, որ նախորդ նիստին Արթուր Վարդանյանը մեկ ժամով հեռացվել էր նիստերի դահլիճից: Այնուհետեւ հայտարարությամբ հանդես եկավ ՀՀ պաշտպանության նախարարի նախկին տեղակալ Վահան Շիրխանյանը: Դիմելով դատավոր Արմեն Բեկթաշյանին ամբաստանյալն ասաց, որ ցավեր ունի եւ երկու ժամից ավելի չի կարող մասնակցել նիստին: «Ես երկու ժամից ավելի չեմ կարող նստել աթոռին, ցավեր ունեմ»,- ասաց Շիրխանյանը: Նիստը նախագահող դատավոր Արմեն Բեկթաշյանը նշեց, որ դատարան համապատասխան փաստաթղթեր չեն ներկայացվել եւ դատարանն այս պահին չի կարող քննարկել այդ հարցը: Դատավորի խոսքով, անհրաժեշտության դեպքում կարող են շտապօգնություն դատարան հրավիրել, ինչպես հաճախ արվել է: Դատարանի այս պատասխանին Վահան Շիրխանյանի պաշտպան Հայկ Ալումյանն արձագանքեց. «Բժշկական փաստաթուղթ այս մասով չէր կարող ներկայացված լինել, քանի որ Վահան Շիրխանյանի ցավեր ունենալու վերաբերյալ նախապես չի իմացել եւ համապատասխան փաստաթուղթ հնարավոր չէր կազմել»:

Մեղադրողները շարունակեցին հրապարակել 35 հատորանոց գործի նյութերը. 35 հատորից դեռ 8 հատոր է հետազոտվել: Մեղադրող դատախազներն այսօր մեկ առ մեկ հրապարակում էին գործի բոլոր նյութերը՝ լինեն դրանք մեղադրանքի հիմքում դրված ապացույցներ, թե՝ ոչ: Անգամ նկարագրվեցին մի շարք լուսանկարներ արված Արթուր Վարդանյանի մեկ անծանոթ աղջկա, մի քանի անծանոթ տղաների հետ: Այդ թվում՝ հետազոտվեցին Եռաբլուրում Վազգեն Սարգսյանի, Մոնթեի գերեզմանների մոտ Արթուր Վարդանյանի եւ նախկին ազատամարտիկ ամբաստանյալների լուսանկարները, տարբեր գյուղերի ազատամարտիկների ցուցակները: Հետազոտումից հետո ՀՀ պաշտպանության նախարարի նախկին տեղակալ Վահան Շիրխանյանը հայտարարեց. «Մեղադրականի մա՞ս է սա, 37 թիվն է: Հետո ինչ, որ մարդիկ լուսանկարվել են Վազգեն Սարգսյանի գերեզմանի մոտ, կամ որ գյուղում ցուցակներ կան ազատամարտիկների, ձեզ ինչ: Իմաստը ուզում եմ հասկանալ»: Մեղադրող դատախազն էլ խորհուրդ տվեց Շիրխանյանի պաշտպան Հայկ Ալումյանին պարզաբանել, թե ինչ փաստաթուղթ է հետազոտվում: Ի պատասխան Հայկ Ալումյանը ասաց, որ իր պաշտպանյալը՝ չլինելով իրավաբան, տրամաբանորեն ճիշտ է կողմնորոշվում ու միանշանակ տեղին ու ճիշտ դիտարկում է անում, պետք է հետազոտվեն մեղադրանքի հիմքում դրված ապացույցները: 

Մեղադրողների կողմից ապացույցի հետ կապ չունեցող փաստաթղթերի հետազոտումը մեկ ծիծաղ էր առաջացնում մեկ զայրույթ:

Պաշտպան Հովիկ Արսենյանն իր հերթին հայտարարեց, թե որպես ինչ է հրապարակվում արձանագրությունն, ըստ որի՝ գործի համար նշանակություն ունեցող որեւէ բան չհայտնաբերվեց, ինչպես նաեւ անձնական ալբոմները, ուղեկցական գրությունները: Ըստ նրա՝ պետք է հրապարակվեն այն փաստաթղթերը, որոնք մեղադրողները հետագայում դնելու են մեղադրական ճառի հիմքում:

Հայտարարությամբ հանդես եկավ նաեւ ամբաստանյալ Խաչիկ Ավետիսյանի պաշտպան Գիվի Հովհաննիսյանը նույնպես նշելով՝ մեղադրողները թող ընթերցեն մեղադրական եզրակացության մեջ ներառված ապացույցները, ոչ թե ամբողջ գործը: Պաշտպանը միջնորդեց նաեւ գործի քննությունը հետաձգել, որպեսզի մեղադրողները ծանոթանան գործին ու հրապարակեն մեղադրանքի ապացույցները: 

Մեղադրող կողմը, սակայն հայտարարեց, որ քրեական գործի բոլոր նյութերը գործի համար նշանակություն ունեն:   

Հայտարարությամբ հանդես եկավ նաեւ դատական նիստից մեկ ժամով հեռացված, ապա դատական նիստերի դահլիճ վերադարձված ամբաստանյալ Արթուր Վարդանյանը: Նա հայտարարեց, որ մեղադրանքի կողմն անձնական ուղղվածություն է տալիս գործի քննությանը, ուզում են վիրավորել մարդկանց եւ նրանք ձայն չհանեն: Ըստ նրա՝ սա մարդկանց կոտրելու ցուցադրական գործունեություն է: Արթուր Վարդանյանի խոսքով՝ դատարանն իր իշխանությունը պետք է օգտագործի, որպեսզի դա թույլ չտա: «Եթե դատարանը չկանխի իմ հասցեին վիրավորական արտահայտություններ անելը, ապա անձամբ պատասխան եմ տալու՝ անկախ նրանից իմ նկատմամբ դրա համար սանկցիա կկիրառվի, թե՝ ոչ»,- դիմելով դատավորին ասաց խմբի պարագլուխ համարվող Արթուր Վարդանյանը:

Դատական նիստը, Վահան Շիրխանյանի ինքնազգացողությունը վատանալու պատճառով, հետաձգվեց: Սույն գործով հաջորդ դատական նիստը տեղի կունենա դեկտեմբերի 1-ին:

Տպել
3910 դիտում

Հայ-թուրքական սահմանին, սահմանապահների «քթի տակից» գյուղացու տրակտորն ու հակի սարքը գողացել են

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ

Մենք լուռումունջ համակերպվողի դերում չենք. Նիկոլ Փաշինյանը՝ Բելառուսի ԱԳՆ-ի վերջին հայտարարության մասին

Արտագնա աշխատանքի մեկնածների եկամուտը հարկելու որեւէ նախագիծ կամ գաղափար չկա. ՊԵԿ նախագահի հավելյալ պարզաբանումը

Կենդանաբանական այգու 213 կենդանատեսակից մնացել է 143-ը. գործառույթները պատկանում են Երեւանի ավագանուն

Փաշինյանն ընդունել է Իլ դը Ֆրանսի շրջանային խորհրդի նախագահ Վալերի Պեկրեսին

Գյումրիում 325 մլն դրամանոց ստրատեգիական նշանակության փողոց է շահագործվել

Խորվաթիայի նորանշանակ դեսպանը հավատարմագրերի պատճենն է հանձնել ԱԳ նախարարի տեղակալին

Հանդիպել են Աննա Հակոբյանը և Գարո Արմենը, քննարկել են համագործակցության հնարավոր ուղիները