Եռօրյա սեմինարը՝ Արցախի թոթի օղին, նուռն ու ժինգյալով հացը

25/11/2017 schedule20:31

Լուսանկարը՝ Արցախպրես-ի

«Ճամփորդ» հասարակական հիմնադրամի եւ ՀՀ պաշտպանության նախարարության հետ համատեղ նոյեմբերի 17-19-ը Արցախում անցկացվեց «Լրագրողը՝ որպես օբյեկտիվ հենասյուն օնլայն եւ օֆլայն պատերազմական իրավիճակում» թեմայով դասընթաց: Ծրագրի շրջանակներում լրագրողներին իրենց փորձը ներկայացրեցին ռազմական լրագրության ոլորտում փորձառություն ունեցող ինչպես հայ, այնպես էլ միջազգային լրագրողներ:

Նման սեմինար կազմակերպելու գաղափարը առաջացել է ապրիլյան պատերազմից հետո: Քառօրյա պատերազմի ընթացքում լրագրողները չունենալով պատերազմական ակտիվ իրավիճակներում աշխատելու կենսափորձ՝ մեկնեցին Արցախ հենց «դեպքի վայրից» լուսաբանելու կատարվող իրադարձությունները: 

Սեմինարի առաջին դասախոսը ֆրանսիացի փորձագետ Մայքլ Լամբերն էր, ով հետապրիլյան առաջին ամիսների ընթացքում եղել է Արցախում`փորձելով լրացնել այն տեղեկատվական պակասը, որ ուներ վերլուծություններ կատարելիս: Վերջինս խոսեց պատերազմական իրավիճակում լրագրողների կատարած աշխատանքի մասին, ընդգծելով լրագրողների ծավալած գործունեության կարեւորությունը՝ նման իրավիճակում հասարակությանը խուճապի չմատնելու, միեւնույն ժամանակ ճշգրիտ տեղեկատվություն տարածելու ուղղությամբ: Ի դեպ նշենք, որ Լամբերը Արցախ այցելելուց հետո հայտնվել է Ադրբեջանի «սեւ ցուցակում»: Արցախում փորձագետի «սիրտը շահեցին» թոթի օղիով եւ ժինգյալով հացով:

Ապրիլյան քառօրյա պատերազմի ժամանակ խնդիր էր նաեւ լրագրողների համար որոշակի տեխնիկական պայմաններ ապահովելը: Սեմինարի մյուս բանախոս Արցախի նախագահի խորհրդական Տիգրան Աբրահամյանը, խոսելով 2017թ. ապրիլին Արցախում ԶԼՄ-ների աշխատանքը կազմակերպելու ընթացքում առաջ քաշված հարցերի մասին, հայտնեց, որ այս ընթացքում համապատասխան պայմաններ են ստեղծվել լրագրողների համար որոշակի տեխնիկական պայմաններ ապահովելու նպատակով: Մասնավորապես Պաշտպանության բանակը տեղեկատվական կենտրոն է հիմնել, որը հնարավորություն է տալիս ապահովելու աշխատանքի պայմաններ ճգնաժամային իրավիճակներում հայաստանյան և արտասահմանյան ԶԼՄ-ների համար:

Սեմինարի ընթացքում ՊՆ ներկայացուցիչների հետ լրագրողները հնարավորթյուն ունենցան նաեւ քննարկելՊՆ-ի կողմից ներկայացված՝ հասարակության շրջանում բուռն քննարկման առարկա դարձած «Ազգ-բանակ» հայցեակարգը, դրանց հիմնական բաղադրիչը կազմող «Ես եմ» եւ «Պատիվ ունեմ» ծրագրերը: Մասնավորապես ՊՆ իրավաբանական վարչության պետ Սասուն Սիմոնյանը տեղեկացրեց, որ արդեն 2018-ից Գեւորգյան հոգեւոր ճեմարան ընդունվածներն այլեւս տարկետման իրավունք չեն ստանա, 18 տարին լրանալուն պես կզորակոչվեն բանակ։

Հետաքրքիր զրույց-քննարկում ծավալվեց «Մեդիամաքս»-ի գլխավոր խմբագիր Դավիթ Ալավերդյանի հետ: Նա լրագրողներին ներկայացրեց անվտանգության տարրական կանոնների պահպանումը: Ալավերդյանի խոսքով՝ ցանկալի է, որպեսզի լրագրողն իր հետ դաշտային պայմաններում աշխատելու համար նախատեսված անհրաժեշտ իրեր ունենա, նախքան պատերազմական գոտի մեկնելը տեղեկություններ ունենա տվյալ բնակավայրի մասին, հուսալի եւ հնարավորինս անվտանգ վայրում գտնվող կացարան գտնի: Ըստ Ալավերդյանի`լրագրողը պատերազմական գոտում պետք է կրի տարբերակիչ հագուստ, որպեսզի չնույնացվի զինվորականների հետ: Իր դասախոսությունը Ալավերդյանը եզրափակեց հետեւյալով «Ավելի լավ է դառնաք լավ լրագրող, քան վատ զինվոր: Լավ լրագրողը ողջ լրագրողն է»:

Սեիմնարի ընթացքին «հետեւեց» եւ բանախոսեց նաեւ Արցախի ՄԻՊ Ռուբեն Մելիքյանը՝ խոսելով պատերազմական իրավիճակներում լրագրողների իրավունքներին եւ աշխատելոճի նրբություններին վերաբերող կետերի մասին:

Երկրորդ օրը լրագրողները մեկնեցին Արցախի ՊԲ կենտրոնական զորամասերից մեկը: Զորոմաս մտնելիս լրագրողների աչքից չվիրպեց արցախյան ազատամարտի հերոսների լուսանկարների կողքին ավելացված մերօրյա հերոս, ապրիլյան պատերազմին զոհված Ռոբերտ Աբաջյանի լուսանկարը: Այցի պահին նորակոչիկները շարային, ֆիզիկական պատրաստության պարապմունքներ էին անցկացնում, իսկ արդեն նախավարժանքի ավարտին պատրաստակամություն հայտնեցին զրուցել լրագրողների հետ:

Եռօրյա սեմինարի ավարտից հետո լրագրողները հնարավորություն ունեցան այցելել նաեւ Ստեփանակերտի շուկա. օտարերկյա փորձագետներին թերեւս հետաքրքրողը «թոթի» օղին, ժինգյալով հացն ու Արցախի նուռն էր:

Տպել
1491 դիտում

Պուտինը հայտնել է Ասադին С-300 համակարգերի մատակարարման մասին

Արցախն անկախության նույնքան իրավունք ունի, որքան ՀՀ-ն, Բելառուսը եւ Ադրբեջանը. Շարմազանով

Տոնոյանը Մուրացանի հոսպիտալում այցելել է վիրավորված զինծառայող Արթուր Գեւորգյանին

«Մանկական եվրատեսիլում» ՀՀ-ն կներկայացնի 12-ամյա L.E.V.O.N-ը

Իգոր Դոդոնը ժամանակավորապես հեռացվել է նախագահի պաշտոնից

Հարվածել են լրագրողի ձեռքին, օպերատորի ուսից քաշել․ Երեւանի ընտրություններում խախտվել են լրագրողների իրավունքները

Երթեւեկության փոփոխություն Կիեւյան և Սեբաստիայի փողոցների չկարգավորվող հետիոտնային անցումներ հատվածներում

Երեւանի ընտրություններին ցածր մասնակցության մասին փաստարկները, մեղծ ասած, ծիծաղելի են. վարչապետ (տեսանյութ)

ՕԵԿ-ը շնորհավորել է «Իմ քայլը» դաշինքին Երեւանի ընտրություններում հաղթանակի կապակցությամբ

Երեւանի ավագանու արտահերթ ընտրություններն ընդհանուր առմամբ անցել են լավ կազմակերպված. Բաբլոյան

Մենք հիմքեր չենք տեսնում նոր խորհրդարանական ընտրությունների. ՀՀԿ խմբակցության ղեկավար

Ի՞նչ հանդիպումներ ու քննարկումներ է ունեցել սփյուռքի նախարարը Լիբանանում․ այցն ավարտվեց

Քննարկում սկսելու որեւիցե խնդիր չունենք. Էնֆիաջյանը` Փաշինյանի հայտարարության մասին

Երեւանի ավագանու ընտրությունները տեղի են ունեցել ազատ ու արդար պայմաններում. ՀՅԴ ԳՄ

Երիտասարդ ազատոճայիններն աշխարհի առաջնությունից վերադառնում են 2 բրոնզով

Լոռու մարզի 3 համայնքում համայնքի ղեկավար կընտրեն

Վարչապետի խորհրդականը նշանակվել է «Հայաստան» համահայկական հիմնադրամի տնօրեն

Երեւանի ավագանու 65 մանդատից 57-ը կստանա «Իմ քայլը», 5-ը՝ ԲՀԿ-ն, 3-ը՝ «Լույս»-ը. նախնական

Ավազակային հարձակում «Առինջ մոլ»-ում. կասկածյալը հայտնաբերվեց

ԿԸՀ-ն կհրապարակի Երեւանի ավագանու ընտրություններին մասնակցած ընտրողների ստորագրված ցուցակները