ԱԺ-ի լսումներն ավարտվեցին. Մարուքյանը հիշեցրեց, որ թանկացումների մեղավորը ՀՀԿ-ն է

«ՀՀ մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագծի վերաբերյալ այսօր կազմակերպված խորհրդարանական լսումներն ավարտվեցին:

Ամփոփիչ ելույթներով հանդես եկան հայտարարության նախագծի հեղինակ հանդիսացող «Ելք» խմբակցության պատգամավոր Էդմոն Մարուքյանն ու այդ հարցով հարակից զեկուցող, ՀՀԿ-ական Արմեն Աշոտյանը:

Վերջինս, նախ ցանկացավ ընդգծել, որ իշխանությունը հաջողեց ԵՄ-ի հետ համաձայնագիր ստորագրելու հարցում: «Շատ կարեւոր հանգամանք է ընդունել դիմացինի հաղթանակը կամ հաջողությունը, դու ուժեղանում ես դրանով, որովհետեւ, եթե դու ընդունում ես ակնհայտ ճշմարտություն, հետո քո փաստարկը դառնում է ավելի ազդեցիկ: Այ տնաշեններ, ընդունեք, որ Եվրոպական միության հետ ստորագրված փաստաթուղթը Հայաստանի քաղաքական հաղթանակն էր, հաջողության պատմությունը: Հակառակ դեպքում, ձեզանից շատերն այս օրը ֆեյսբուքում, այսպես ասած, հրճված տրամադրությամբ չէին լինի»,- ասաց Արմեն Աշոտյանը՝ նշելով, որ իշխանությունները գիտեն, որ ստացվել է իրենց մոտ ԵՄ-ի հետ համաձայնագիր ստորագրելը:

Արմեն Աշոտյանը հայտարարեց, որ «Ելք» դաշինքի հետ ՀՀԿ-ի աշխատանքը ստացվում է եւ առաջարկեց ընդունել այն հանգամանքը, որ «Ելք»-ի հրավիրած խորհրդարանական լսումները կայացան: «Բայց մի սպասեք մեզանից թակարդի մեջ ընկնելու միամտությունը: Բացի պարոն Մարուքյանի կողմից հայտարարության մեջ թվարկված մի քանի հիմնավորումների, ուրիշ որեւէ հիմնավորում ձեր մտքի կողմնակիցներն այստեղ չբերեցին: Դուք պետք է ապացուցեք, որ պետք է դուրս գալ ԵԱՏՄ-ից, ոչ թե մենք պետք է ապացուցենք, որ ԵԱՏՄ-ում պետք է մնալ, խնդրում եմ ֆիքսենք այս»,- նկատեց Արմեն Աշոտյանը:

Էդմոն Մարուքյանն էլ իր հերթին հայտարարեց, որ ԱԺ-ում ամենահակառուսական ելույթներն ունենում են ՀՀԿ-ական պատգամավորները, ամենահակառուսական կուսակցությունը ՀՀԿ-ն է: «Պատասխանատու ասում եմ, այդ մարդիկ են, որ Ռուսաստանին, մեր ռազմավարական դաշնակցին, մեր դարավոր բարեկամին ներկայացնում են բոբո: Մենք բան ե՞նք ասել, դուք եք դա անընդհատ ասում, լավ ինչի՞ եք ձեր ռազմավարական դաշնակցին այդքան վատ ներկայացնում այստեղ»,- հայացքն ուղղելով Արմեն Աշոտյանին՝ ասաց Էդմոն Մարուքյանը:

Ամփոփելով իր ելույթը «Ելք» խմբակցության պատգամավորն ասաց, որ լսումները տեղին էին եւ դրանց անցկացման ժամանակը կապ չի ունեցել ԵՄ-Հայաստան համաձայնագրի ստորագրման օրվա հետ: «Մենք համոզված ենք մեր տեսլականի մեջ: Մենք նաեւ գտնում ենք, որ ժամանակը կգա եւ դրանում բոլորը կհամոզվեն՝ մենք ունենք մի իրավիճակ, որ մեր քաղաքացիները շատ քիչ տեղեկություններ ունեն, թե ի՞նչ են կորցնում կամ ի՞նչ չգտան եւ այս լսումներն այդ քայլերից մեկն էր, որ մարդիկ իմանան, թե ի՞նչ հնարավորություններ կային, որոնք որ մենք չստացանք եւ ի՞նչ սպառնալիքներ կան, որ հունվարի 1-ից, 2019 թվականի հունվարի 1-ից, 2020 թվականի հունվարի 1-ից լինելու են: Այդ թանկացումները, որ լինեն, սիրելի հայրենակիցներ, սիրելի քաղաքացիներ, իմացեք, որ ՀՀԿ-ն է, որ ձեզ տարել է այդ ճանապարհով ու դա մի զարգացող ճանապարհ է ու ամեն ինչ այսքան վատ է»,- ասաց Էդմոն Մարուքյանը՝ նշելով, որ հաջորդ հանդիպումն այս թեմայով կլինի ԱԺ արտաքին հարաբերությունների մշտական հանձնաժողովում, որտեղ ԵԱՏՄ-ից դուրս գալու ԱԺ հայտարարության նախագիծը կքննարկվի վերջին անգամ մերժվելուց առաջ:

Տպել
2909 դիտում

Կոմիտասի պողոտայի երթեւեկելի մասի վրա լուսացույցներ կդրվեն. ոստիկանություն

Գյումրու քաղաքապետարանի բնակկոմունալ բաժնին կախարդական փայտիկ է պետք

Միհրան Հարությունյանը ժամանակից շուտ հաղթանակ տարավ MMA-ում իր 2-րդ մենամարտում

Ոստիկանության 5 ծառայողի շնորհվել է ոստիկանության լեյտենանտի կոչում (տեսանյութ)

Լարսի ճանապարհը բաց է. ձյուն, բուք, մերկասառույց, մառախուղ, դժվարանցանելի ճանապարհներ՝ ՀՀ-ում

Հայկ Դեմոյանը նշանակվել է «Ավրորա» նախաձեռնության գործառնությունների գծով տնօրեն

Արցախի նախագահն ընդունել է ՀՅԴ Բյուրոյի ներկայացուցիչ Հրանտ Մարգարյանին. ինչ են քննարկել

Վերաքննիչը գտել է, որ Ռոբերտ Քոչարյանն անձեռնմխելի չէ

Քաղաքավարությունը շփոթում են թուլության հետ. Փաշինյանը՝ Գարեգին Բ-ին

Մենք արդեն դադարեցրել ենք կենդանիների սպանդի ամոթալի պրակտիկան. Հայկ Մարության

ԱԺ ընտրություններին 442 ենթադրյալ հանցագործության դեպքերից 6-ով քրգործեր են հարուցվել. դատախազություն

ՃՈ-ն որոշ ցուցանակներ ձմռանը կփակի ծածկոցներով, կդադարեցվեն դրանց ազդեցությունը

Ադրբեջան գալու համար պետք է ճանաչեք մեր տարածքային ամբողջականությունը. Ալիևի դուստրը՝ ռուս կանանց

Երեւանում պատրաստված 368,6 կգ քաշով գաթան պաշտոնապես գրանցվել է Գինեսի գրքում

Հնարավոր է՝ առաջիկայում հայ բժիշկները վերապատրաստվեն Շվեյցարիայում. Աննա Հակոբյանը պայմանավորվածություն է ձեռք բերել

Հայաստանը Լիխտենշտեյն է ուղարկել առաջին դեսպանին

Կանադայի վարչապետ Ջասթին Թրյուդոն շնորհավորել է Նիկոլ Փաշինյանին

Թուրքիան կշարունակի աջակցել Ադրբեջանին. Ալիեւն ու Չավուշօղլուն քննարկել են արցախյան խնդիրը

Էդմոն Մարուքյանի կամանդի ոսկե հովանավորը. Ուրիխանյանը ուշագրավ մանրամասներ է հայտնելու

ՎՏԲ-Հայաստան Բանկը մեկնարկել է Կուտակային հաշիվ մինչև 9.5% տոկոսադրույքով