Թուրքիայում ալեւիների եւ հայերի դեմ հարձակումները պատահական չեն. ալեւի գործիչ

29/11/2017 schedule11:02

Թուրքիայում ալեւիների Փիրսուլթան Աբդալ մշակութային միության (PSAKD) Ադըյամանի մասնաճյուղի ղեկավար Մահմութ Յափըջըն գնահատականներ է տվել Մալաթիայում ալեւիների տների դռների վրա արված նշաններից հետո հայկական Փրկության եկեղեցիների միության վրա քարերով հարձակմանը, գրում է akunq.net-ը: 

«Մալաթիայում ինչ-որ բան է կատարվում, որոշ մարդիկ ինչ-որ բան են փորձում անել: Ալեւի քաղաքացիների դռների վրա նշաններ անելուց հետո հայկական Փրկության եկեղեցիների միության վրա քարերով հարձակումը պատահականություն չէր: Նշանակում է, որ այս իրադարձությունները միայն ալեւիների դեմ չեն, այլ երկրում բնակվող բոլոր այլազգիների դեմ են: Այս երկրում ապրող ալեւիները, սունիները, հայերը, ասորիները, քրդերն ու թուրքերը  պետք է միավորվեն ու պայքարեն սրա դեմ»,- ասել է Յափըջըն: 

Ալեւիների տների դռների վրա արված նշաններին հետեւած արձագանքները շարունակվում էին, երբ դրանից անմիջապես հետո հայկական Փրկություն եկեղեցական միության վրա քարերով հարձակումը տեղի ունեցավ: Այն կրկին զայրացրել է թուրք հասարակության բազմաթիվ ներկայացուցիչների, հատկապես ալեւիներին:

Ալեւիների միությունների ու ջեմէվիների կողմից կազմակերպված մամլո ասուլիսներում ու հայտարարությունների մեջ այս հարձակումները դատապարտվել են, իսկ Փիրսուլթան Աբդալ մշակութային միության (PSAKD) Ադըյամանի մասնաճյուղի ղեկավար Մահմութ Յափըջըն տեղի ունեցած դեպքերի մասին «PİRHA» լրատվական գործակալության թղթակցին ասել է. «Դատապարտում ենք Մալաթիայում մեր ալեւի հայրենակիցների դռների վրա նշաններ անելը: Ուզում ենք տեղեկացնել, որ մենք նրանց կողքին ենք»: 

Ալեւի գործիչն ապա շեշտել է. «Այս իրադարձությունները նոր չեն Հանրապետության ողջ պատմության ընթացքում: Ալեւիների հետ բազմիցս տեղի են ունեցել նման դեպքեր. Քերբելայի ջարդերից սկսած մինչեւ այսօրվա Մալաթիայում ալեւիների տների դռների վրա արված նշանները: Ալեւիների հետ սա պատահել է Դերսիմում, Մարաշում, Սիվասում, Գեզիում: Սա սունիներին հարիր չէ: Ակնհայտ է, որ  համակարգը ալեւիներին ու սունիներին իրար դեմ հանելու համար մի պայմանավորվածություն է գործի դրել: Սակայն սա մենք երբեք թույլ չենք տա: Մի քանի տարի առաջ էլ նույն բանը տեղի ունեցավ: Ադըյամանում գտնվող բոլոր խմբերը միավորվեցին ու այս երեւույթի դեմ դուրս եկան: Այսօր Մալաթիայում էլ նույն ձեւով են արձագանքել. «Մալաթիայում դռներին նշաններ անելու մտածելակերպի դեմ պայքարելու ենք: Թույլ չենք տալու, որ հասնեն իրենց նպատակներին: Թույլ չենք տա, որ ալեւիների ու սունիների միջեւ բախումների համար հող նախապատրաստվի»:

Թուրքիայում՝ Մալաթիայի Յեշիլյուրթ փողոցում, նոյեմբերի 25-ի երեկոյան ժամերին անհայտ անձը քարով հարձակվել էր «Փրկության եկեղեցիների միությանը» պատկանող գրախանութի վրա: Գրախանութը եւ միությունը հայ համայնքինն են:

Անվտանգության տեսախցիկները ֆիքսել են քարով միության շենքի պատուհանը կոտրած անձի փախուստի պահը: Դեպքի վայր մեկնած ոստիկանները հարցաքննել են ականատեսներին եւ վերցրել տեսախցիկների տեսագրությունները։

Ավելի վաղ նույն քաղաքում նշաններ էին արվել մի քանի ալեւիների դռների վրա: Ալեւի համայնքը բողոքի է դուրս եկել եւ հայտարարել է, որ իրենց դռներին նման նշաններ էին արվել նաեւ Մարաշի ջարդերից առաջ: 

Տպել
16577 դիտում

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել