Արոնյանը Գրան պրիում հանդես գալու ընթացքում ոգեւորել է ԱԱ-ին մասնակցող Մանուել Պետրոսյանին

Իսպանիայում կայացած «Գրան պրիի» հերթական փուլին մասնակցելու ընթացքում հայկական շախմատի առաջատար Լեւոն Արոնյանը ժամանակ է գտել ոգեւորելու Մանուել Պետրոսյանին, որը նույն ժամանակահատվածում հանդես էր գալիս աշխարհի 2017 թ. մինչեւ 20 տարեկանների առաջնությունում: Նոյեմբերի 12-26-ն Իտալիայում կայացած մրցաշարում Պետրոսյանը զբաղեցրել է 2-րդ տեղը: Նա 8.5 միավոր է վաստակել, ինչպես չեմպիոն դարձած նորվեգացի Թարի Արյանը եւ 3-րդ տեղը զբաղեցրած հնդիկ Արավինդ Չիտամբարամը: 1-ին տեղը Պետրոսյանը զիջել է լրացուցիչ ցուցանիշներով: Այսօր՝ նոյեմբերի 28-ին, լրագրողների հետ հանդիպման ժամանակ նա ընդգծեց, որ Արոնյանի հետ շփումն իրեն շատ է օգնել:

«Լեւոնի ամեն մի բառը մեզ համար խորհուրդ է, մեզ ոգեշնչում է: Կարող է քեզ մի 2 բառ ասել, ու լրիվ այլ կերպ մոտենաս տվյալ պարտիային, ամեն ինչ միանգամից փոխվում է»,- ասաց նա՝ ավելացնելով, որ իրեն շատ են օգնել նաեւ անձնական մարզիչ Արման Փաշիկյանի ցուցումները:

Շախմատիստն ամփոփեց աշխարհի առաջնությունը: Նա նշեց, որ ընդհանուր առմամբ գոհ է ընթացքից: Սկզբում որոշ խնդիրներ են եղել, սակայն հետագայում դրանք հարթվել են: Կարծում է, որ վատ մեկնարկն է խանգարել չեմպիոն դառնալու հարցում:

«Ընդհանուր առմամբ՝ ինձ համար շատ հաջող ստացվեց մրցաշարը: Ճիշտ է՝ մի քիչ վատ սկսեցի, երեւի, չէի հասցրել հարմարվել պայմաններին, հետագայում հարմարվեցի, գտա իմ խաղը, սկսեցի ավելի վստահ գործել, ավելի արագ կողմնորոշվել ինչ-որ դիրքերում: Ընդհանուր առմամբ կարծում եմ, որ հաջող հանդես եկա: Կարծում եմ՝ վերջում մյուսներից ավելի թարմ տեսք ունեի: Մյուսները հոգնել էին, ինչ-որ տեղ շատ միավորներ էին կորցնում: Ինչ-որ բան չբավականացրեց, որ 1-ին տեղը զբաղեցնեմ, երեւի պատճառը վատ մեկնարկն էր»,- ասաց նա՝ ավելացնելով, որ իրեն ավելի թարմ է զգացել ֆիզիկական լավ պատրաստվածության շնորհիվ:

Այս տարի Մանուել Պետրոսյանն այլեւս մրցաշարեր չունի: 2018-ի սկզբին նախատեսում է մասնակցել Հայաստանի բարձրագույն խմբի առաջնությանը, ապա Մոսկվայում կայանալիք միջազգային մրցաշարի:

Տպել
1124 դիտում

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել

Ժամը 18:00-ի դրությամբ, համաներմամբ ազատ է արձակվել 465 դատապարտյալ