100 հազար չեմ տեսել, 20 հազարի վրա նկարիչ Իսահակյանն է, 10-ի վրա՝ Շիրվանզադեն. (տեսանյութ)

2018 թվականի նոյեմբերի 22-ին, երբ կնշվի ՀՀ դրամի ծննդյան 25-ամյակը, Կենտրոնական բանկը շրջանառության մեջ կդնի երրորդ սերնդի թղթադրամները: Երրորդ սերնդի թղթադրամների շրջանառության մեջ դրվելուն զուգահեռ 2-րդ սերնդի թղթադրամները զուգահեռաբար կշարունակեն շրջանառվել մինչեւ շրջանառությունից ինքնըստինքյան դուրս գալը:

Ներկայացված նմուշներից պարզ է դառնում, որ նոր 1 000 դրամ անվանական արժեքով թղթադրաﬕ վրա Պարույր Սեւակի պատկերն է, 2 000-ը Տիգրան Պետրոսյանի պատկերով է, 5 000-ը` Վիլյամ Սարոյանի, 10 000-ը` Կոﬕտասի, 20 000-ը` Հովհաննես Այվազովսկու, 50 000-ը` Սուրբ Գրիգոր Լուսավորչի, իսկ 100 000-ը դուրս է գալիս շրջանառությունից: Թղթադրաﬓերի դիﬔրեսին նրանց դիմապատկերն է, պատկերներ ու խորհրդանիշներ նրանց ստեղծագործություններից, իսկ դարձերեսին` հատված հուշարձանից, նրանց նվիրված թանգարաններից և շենք-շինություններից:

Այսօր «Հայկական ժամանակ»-ը Երեւանի փողոցներում ՀՀ դրամի 3-րդ սերնդի թեմայի շուրջ զրուցել է անցորդների հետ, հետաքրքրվել, թե ինչ կարծիք ունեն փոփոխության մասին:

«Անձամբ ինձ չի հետաքրքրում, թե ով կլինի փողերի վրա: Կոմիտասը կլինի, թե հիմա ով կա, ինձ ի՞նչ: Փող ա, իրանց համար ֆռցնում են, մեզ ինչ: Սաղ թանկացրին, մնացել էր փող փոխելը: Էն որ ասում է՝ սաղ խաղերը խաղացինք, մնաց սարի սմբուլը, հիմա սրանցն է»,- «ՀԺ»-ի հետ զրույցում ասաց տաքսու վարորդներից մեկը:

Երբ նրան տեղեկացրինք, որ 100 հազար դրամը դուրս է գալիս շրջանառությունից, անկեղծորեն նշեց, որ ինքը երբեք 100 հազար թղթադրամը չի տեսել:

«100 հազարանոցը ո՞վ է տեսել որ: Մեզ նման մարդիկ, որ քիչ են աշխատում, 100 հազարանոց որտեղի՞ց պետք է տենան: Նույնիսկ 20 հազարանոց չենք տեսնում, վերջին անգամ հինգ տարի առաջ՝ Նոր տարուն եմ 20 հազարանոց տեսել: Էլ որտեղի՞ց իմանամ, թե 100 հազարանոցի վրա ով է: Էդ նույնն է, որ ակվարիումի մեջ սիրուն ձուկ ես տեսնում, բայց չես կարողանում բռնես, ուտես: Նույնն էլ 100 հազար դրամը»,- մեկնաբանեց նա:

Տեւական ժամանակ է, ինչ 2-րդ սերնդի թղթադրամները շրջանառության մեջ են, բայց մեր հարցումների արդյունքից պարզ դարձավ, որ կան քաղաքացիներ, ովքեր հստակ չգիտեն, թե թղթադրամի վրա ինչ պատկերներ են: Հետաքրքիրն այն է, որ հարցմանը մասնակցած քաղաքացիներից ոչ ոք 100 հազար եւ 50 հազար թղթադրամներ չէր տեսել:

«Հըլը ձեռս 100 հազար չի ընկել, որ իմանամ: Ոչ տեսել եմ, ոչ էլ ծախսել եմ: 50 հազար էլ հըլը չի հանդիպել: 20 հազարի վրա նկարիչ Ավետիք Իսահակյանն է, 10 հազարանոցի վրա Շիրվանզադեն է, 5 հազարանոցի վրա Սայաթ-Նովան է, իսկ 1000-ի վրա սպասի նայեմ, ասեմ, թե ով է՝ Չարենցն է»,- ասաց քաղաքացիներից մեկը՝ գրպանից հանելով 1000 դրամանոցը:

Մաշտոցի պողոտայում լոտո վաճառողներից մեկն էլ 3-րդ սերնդի թղթադրամների կապակցությամբ նշեց, որ կարեւորն այն կլինի, եթե դրամի արժեքը բարձրանա:

«Փողն արժեք պետք է ունենա, որ չունեցավ, ուզում է իմ նկարը լինի, ոչ մի օգուտ չկա: 20 հազարով մտնում ես խանութ, մի փոքր տոպրակ առած դուրս ես գալիս ու վերջ»,- ասաց նա, իսկ հարցին, թե ովքեր են այժմ պատկերված 2-րդ սերնդի թղթադրամների վրա, գրպանից հանեց փողերը եւ հերթով պատասխանեց:

«Տեսե՞լ եմ 50 հազար դրամանոց, որ իմանամ վրան ով է: 20 հազարանոցի վրա Սահյանն է, կարծեմ 5 հազարի վրա էլ Թումանյանն է: 10-ի վրա էլ Ավետիք Իսահակյանն է»,- գումարը կրկին գրպանը տեղադրելով՝ ասաց լոտո վաճառողը:

Երեւանի բնակիչները նշում էին, որ ամենամեծ դրամական միավորը, որ լինում է մարդկանց մոտ, 20 հազարանոցն է:

«Երեւի ամենաշատը 20 հազարանոցն է, որ մարդկանց ձեռքում լինում է, դրանից ավել չեն ունենում: Կարելի է 50 եւ 100 հազարանոցները շրջանառությունից հանել: Իմ կարծիքով՝ փոփոխության անհրաժեշտություն չկա: Ես հիմա էլ եմ 1000 եւ 10 հազար դրամանոցները խառնում»,- ասաց նա:

«Հայկական ժամանակ»-ի հետ զրույցում քաղաքացիները դժգոհեցին՝ Թումանյանի փոխարեն այլ անձի պատկերով թղթադրամներ շրջանառելու համար:

«Թումանյանին հանում են ու այնպիսի մարդու են դնում, որ հայ ժողովուրդը տեղյակ չէ, այդ մարդու մասին չի էլ լսել: Ես ի՞նչ իմանամ, թե ումով են փոխարինում: Երեւի Պուտինով: Հիմա 1000 դրամանոցի վրա Չարենցն է, ամենապոպուլյարն է: Ես 100 հազար չեմ տեսել, իմ թոշակը ստանում եմ՝ Սահյանն ա, Թումանյանն ա, բայց 1000 դրամը շատ է տպավորվել, դա է հիմնականում ծախսվում իմ կողմից, ուրիշ չեմ ունենում: Դա բիզնեսմեններից հարցրու, թե ովքեր են 50 ու 100 հազարների վրա: Մենք հասարակ մարդիկ ենք»,-ասաց մեզ հանդիպած թոշակառուն:

Մանրամասները՝ տեսանյութում:

Տպել
4095 դիտում

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել