Զոհված 4 զինծառայողի ընտանիքի եւ 1 զինհաշմանդամի 10-ական միլիոն դրամ հատուցում է տրվել

Զինծառայողների ապահովագրության հիմնադրամը սեպտեմբերից մինչեւ օրս փոխհատուցում է տվել զոհված 4 զինծառայողի ընտանիքի անդամներին եւ առաջին կարգի հաշմանդամություն ստացած 1 զինծառայողի:

Հիմնադրամի պաշտոնական կայքի փոխանցմամբ՝ Հիմնադրամի ակտիվների և պարտավորությունների կառավարման հանձնաժողովը նոյեմբերի 9-ի որոշում է կայացրել սահմանված կարգով կատարել հատուցում մեկ առաջին խմբի զինհաշմանդամ զինծառայողի:

Նոյեմբերի 10-ին ժամկետային պարտադիր զինծառայող, շարքային Թաթուլ Արամայիսի Հարութունյանի ընտանիքին է փոխանցվել միանվագ 10 միլիոն ՀՀ դրամ և 20 տարվա ընթացքում կտրամադրվի ամսական 200 000 ՀՀ դրամ: Համաձայն «Կոնվերսբանկ» ՓԲԸ-ի հետ կնքված պայմանագրի՝ գումարը կփոխանցվի շահառուի համար բացված հատուկ բանկային հաշվին, որը սպասարկվում է անվճար: 1997թ. ծնված Թաթուլ Արամայիսի Հարությունյանը Արցախի Պաշտպանության բանակի հյուսիսային ուղղությամբ տեղակայված զորամասերից մեկի պահպանության տեղամասում ապրիլի 17-ին՝ ժամը 18:20-ի սահմաններում հակառակորդի կողմից արձակված կրակոցից վիրավորում էր ստացել, որի արդյունքում առաջին կարգի հաշմանդամություն է ձեռք բերել:

Հոկտեմբերի 17-ին էլ պայմանագրային զինծառայող, շարքային Արկադի Լևոնի Ղամբարյանի ընտանիքին  է փոխանցվել միանվագ 10 միլիոն ՀՀ դրամ և 20 տարվա ընթացքում կտրամադրվի ամսական 350 000 ՀՀ դրամ: ՊՆ-ի տարածած հաղորդագրության համաձայն՝ հուլիսի 28-ին` ժամը 16:40-ի սահմաններում, ՀՀ հյուսիսարևելյան ուղղությամբ տեղակայված զորամասերից մեկի պահպանության տեղամասում հայտնաբերվել է պայմանագրային զինծառայող, շարքային Արկադի Լևոնի Ղամբարյանի (ծնված 1984թ., Թումանյանի զ/կ) դին՝ գլխի շրջանում ստացած մահացու վնասվածքով: Ի դեպ, Ղամբարյանի հարազատները լրատվամիջոցների հետ զրույցում պնդել են, որ Արկադի Ղամբարյանը հակառակորդի գնդակից չի զոհվել:

Հիմնադրամի ակտիվների և պարտավորությունների կառավարման հանձնաժողովը հոկտեմբերի 3-ին էլ որոշում էր կայացրել սահմանված կարգով կատարել հատուցում՝ զոհված 3 զինծառայողի ընտանիքների: Նույն օրը ժամկետային պարտադիր զինծառայող, շարքային Արման Սամվելի Մովսիսյանի, ավագ լեյտենանտ Արտակ Աղասու Բիշարյանի և մայոր Ռոբերտ Նովրուզի Գասպարյանի ընտանիքներին է փոխանցվել միանվագ 10-ական միլիոն ՀՀ դրամ և 20 տարվա ընթացքում կտրամադրվի ամսական 200 000 ՀՀ դրամ շարքային Արման Սամվելի Մովսիսյանի ընտանիքին, իսկ ավագ լեյտենանտ Արտակ Աղասու Բիշարյանի և մայոր Ռոբերտ Նովրուզի Գասպարյանի ընտանիքներին՝ ամսական 300 հազարական ՀՀ դրամ:

Արման Մովսիսյանը զոհվել է օգոստոսի 14-ին՝ ՊԲ-ի հյուսիս-արևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից: Արտակ Բիշարյանն օգոստոսի 27-ին՝ ժամը 02:30-ի սահմաններում, Ստեփանակերտի կենտրոնական զինվորական հոսպիտալում է մահացել՝ մինչ այդ հակառակորդի կողմից ծանր վիրավորում ստացած լինելով: Այս տարվա հուլիսի 7-ին էլ ադրբեջանական զինուժի արկակոծության հետեւանքով ծանր վիրավորում էր ստացել ՊԲ զինծառայող Ռոբերտ Գասպարյանը, որը հետագայում հոսպիտալում մահացել է:

Տպել
3157 դիտում

Արարատ Միրզոյանը ՄԱԿ-ի կենտրոնակայանում. Ադրբեջանի ներկայացուցիչը հարցեր է ուղղել

Մ. Արզումանյանն ազատվել է գլխավոր ռազմական տեսուչի տեղակալի պաշտոնից

Արմեն Գրիգորյանը պարզաբանում է ներկայացրել «Կոմերսանտ»-ում իր խոսքերի վերաբերյալ

Նարեկ Ղահրամանյանը նշանակվել է Կապանի համայնքի ղեկավարի պաշտոնակատար

Պետք է գիտությունը վերադարձնենք բուհեր. ԿԳ նախարարը բժշկական համալսարանում է

Այսօր ու վաղը կեսօրից հետո, գիշերը ՀՀ որոշ շրջաններում անձրեւ ու ամպրոպ է սպասվում

Հայաստան-ԵՄ, կրթական համագործակցության նոր հեռանկարներ. Սվիտալսկին ԿԳ նախարարությունում էր

Հայ դատի հանձնախումբը կոչ է արել ուսումնասիրել ԱՄՆ-ում և ՀՀ-ում եկամտահարկի համաձայնագիրը

Գեղարքունիքում մեքենան բախվել է ծառին. կա 1 զոհ, 18, 19, 20-ամյա տղաները հիվանդանոցում են

Թուրքիան և ԱՄՆ-ը բանակցում են «Pariot» ՀՕՊ զենիթահրթիռային համակարգերի շուրջ

Գորիս քաղաքում ամբողջությամբ այրվել, մոխրացել է բնակելի տուն

Աուտիզմով հիվանդ տղայի որոնումներն այսօր վերսկսել են Այնթափում, ավարտել անարդյունք

Եթե Արթուր Վանեցյանը առաջադրվի, ես չեմ առաջադրվի. ըստ Tert.am-ի ասել է Ռուբեն Հայրապետյանը

Նախագահ Արմեն Սարգսյանն ու մի խումբ երեխաներ նախագահականի մոտ ուսումնասիրել են աստղերը

Վրաստան գնալիս մեքենայի սեփականատիրոջ լիազորագրի պահանջը ժամանակավոր հետաձգվում է

Երեք գյուղերը սպասարկող տրանսպորտը չի աշխատում, բայց կաշխատի. պարզաբանում է փոխնախարարը

Բողոքների տեղատարափից հետո «Օդից փող» հաղորդաշարն այլեւս եթերում չի լինի

73-ամյա միայնակ թոշակառուի դեմ հայցը 6 տարի է՝ լուծում չի ստանում. բաց նամակ վարչապետին

Վարչապետի աշխատակազմի գործերի կառավարիչը պաշտոնից ազատման դիմում է գրել

Բազմաթիվ կոնֆլիկտներից հետո, վերջապես տեղի ունեցավ Արամ Մանուկյանի արձանի բացումը