Մարկովը թափթփուկ է, ՌԴ մեդիայի ազատությունը՝ ծիծաղելի. Զոհրաբյանը զանգել է Պետդումա

Հայաստան-ԵՄ համապարփակ եւ ընդլայնված համաձայնագրի ստորագրումից առաջ եւ հետո ռուսական մեդիայում առաջացած հիստերիայի շուրջ «Հայկական Ժամանակ»-ը զրուցել է ԱԺ Եվրոպական ինտեգրման մշտական հանձնաժողովի նախագահ, «Ծառուկյան» խմբակցության պատգամավոր Նաիրա Զոհրաբյանի հետ:

Տիկին Զոհրաբյան, նոյեմբերի 24-ից առաջ եւ հետո հանրային կարծիք ձեւավորող ռուսական լրատվամիջոցներն ակտիվորեն քննարկում են Հայաստան-ԵՄ համապարփակ եւ ընդլայնված համաձայնագրի ստորագրումը: Մասնավորապես` նոյեմբերի 28-ին НТВ ռուսական առաջատար հեռուստաալիքով եթեր հեռարձակված «Հանդիպման վայրը» քաղաքական շոուի ժամանակ հնչում է կարծիք, որ Հայաստանի ԵՄ մտնելը նման է այն բանի, որ սիրուհին դավաճանում է իրեն կերակրող ձեռքին՝ Մոսկվային: Որպես Հայաստանի Ազգային ժողովի Եվրոպական ինտեգրման մշտական հանձնաժողովի նախագահ ի՞նչ գնահատական եք տալիս այս երեւույթին: Նկատի ունենանք նաեւ, որ սա առաջին դեպքը չէ. ոչ վաղ անցյալում էլ ՌԴ ՊՆ-ին պատկանող «Զվեզդա» հ/ը-ն ՀՀԿ-ի եւ ֆաշիզմի միջեւ ընդհանրություններ էր գտել:

- Ես ուզում եմ բոլորին, այդ թվում՝ ՌԴ-ի մեր գործընկերներին եւս մեկ անգամ հիշեցնել, որ Հայաստանը ինքնիշխան պետություն է, եւ Հայաստանը ինքն է որոշում իր փոխգործակցության ձեւաչափը ԵՄ-ի, ՌԴ-ի եւ այլ երկրների ու կառույցների հետ: Այո, մենք Ռուսաստանի հետ ունենք ամուր ռազմադաշնակցային գործակցություն, բայց դա չի նշանակում, որ կլինի փորձագետ, կլինի Սերգեյ Մարկովի նման թափթփուկ, ով իրենք իրավունք պետք է վերապահի նման տգեղ, անպարկեշտ եւ հեգնական տոնով խոսել Հայաստանի մասին:

Քիչ առաջ ես խոսեցի Պետդումայի մեր որոշ ռուս գործընկերներ պատգամավորների հետ, ովքեր նշեցին, թե դա այս կամ այն փորձագետի կարծիք է եւ երբեք ոչ՝ Ռուսաստանի պաշտոնական տեսակետը, բայց այդ ու հանդերձ, եթե Ռուսաստանը բավականին հեղինակավոր հեռուստաընկերություններով համաձայնագրի ստորագրումից առաջ եւ ստորագրումից հետո նման հեգնական, իռոնիկ եւ ոչ կոռեկտ ձեւակերպումներ են հնչում, ինձ համար առնվազն հասկանալի չէ, թե ինչու՞ մեր արտաքին գերատեսչությունից որեւէ արձագանք չկա՝ այսօրինակ պահվածքին:

Մեր ռուս գործընկերներն ասում են, որ սա ազատ փորձագետի կարծիք է, բայց ես չեմ կարծում, որ դա ազատ հիմնավորում է: Յուրաքանչյուր երկիր պետք է հարգի իր գործընկերոջ ինքնիշխանությունը:

- Ռուս գործընկերներ ասելով՝ Պետդումայի ընդդիմադի՞ր, թե՞ իշխանական թեւի ներկայացուցիչներին նկատի ունեք: Ովքե՞ր էին արդարացնում НТВ-ի եթերը:

- Խոսել եմ «Единая Россия»-ի («Միասնական Ռուսաստան» ՌԴ-ի իշխող քաղաքական ուժը) մի քանի գործընկեր պատգամավորների հետ, ովքեր ընդգրկված են ԵԽԽՎ-ում: Ինչպես ասացի՝ նրանք նշեցին, որ դա չի կարող լինել երկրի պաշտոնական դիրքորոշումը:

- Տիկին Զոհրաբյան, Ձեր խոսքում նշեցիք, որ արտաքին գերատեսչության կողմից որեւէ արձագանք չեք տեսնում: Ի՞նչ քայլեր պետք է ձեռնարկեն ՀՀ ԱԳՆ-ը եւ ՌԴ-ում ՀՀ դեսպանությունը:

- Ինչ-որ ասում է Սերգեյ Մարկովի նման թափթփուկը, ով ֆինանսավորվում է Ալիեւի վարչակարգից, մոտեցում կա, որ չարժի այդ կարգի գործիչներին պատասխանել: Ես հակված կլինեի սա անարձագանք թողնել, եթե նման հաղորդումները եւ գնահատականները չհնչեին միլիոնանոց լսարան ունեցող հեռուստաալիքներով, ուստի ես կարծում եմ, որ ԱԳՆ-ից որոշակի ներքին մեսիջների փոխանակում կլինեն կամ արդեն եղել են: Հույս ունեմ, որ դեսպանի կողմից եւս մտահոգություններ հայտնված կլինի:

- Դուք հավատու՞մ եք ռուս Ձեր գործընկերների ասածներին, որ ռուսական մեդիայի հնչած կարծիքներն ազատ փորձագետների կարծիքներ են այն դեպքում, երբ, եթե ոչ բացահայտ, ապա այլ ուղիներով НТВ-ն ֆինանսավորվում է իշխանական ճամբարից:

Մենք այդ բոլորը շատ լավ հասկանում ենք, բայց երբ խոսում ենք իրենց հետ, իրենք ասում են, որ ինչպես Հայաստանում, այնպես էլ Ռուսաստանում հեռուստաընկերություններն ունեն խմբագրական ազատություն: Ինձ համար ծիծաղելի  պատճառաբանություն է, որ Ռուսաստանի հեռուստաընկերություններն ունեն ազատություն, որովհետեւ առնվազն Ռուսաստանի դեպքում ես մի քիչ վերապահում ունեմ, որ նման կարծիք կարող է հնչել, միայն այն բանի համար, որ դա փորձագետի կարծիք է:

Տպել
5970 դիտում

84-ամյա քաղաքացին նետվել է կամրջից, ողջ է մնացել, վիճակը կայուն ծանր է

Փանիկում այսօր հանդիպել են ՀՀ ՊՆ Դավիթ Տոնոյանն ու 102–րդ ռազմաբազայի հրամանատար Ելկանովը

Թալանել են «Երևան Սիթի» սուպերմարկետի տարադրամի փոխանակման կետը, մի քանի մլն դրամ տարել

Նախագահն այցելել է նկարիչ Ռոբերտ Էլիբեկյանի արվեստանոց

Որոշվել է ձերբակալել սոցծառայության Ստեփանավանի գործակալության պետ Ալբերտ Ղարաքեշիշյանին

Նախագահն այցելել է նկարիչ Հովհաննես Զարդարյանի արվեստանոց

ՀՀ պաշտպանության նախարարն այցելել է հարավարևմտյան սահմանագոտի

Գյումրու «Վանատուր» ռեստորանային համալիրում հրդեհ է բռնկվել

Չընտրված քաղաքապետ. քանի՞ ձայն ունի Զախարյանը

Արդեն. «Արդարությունը» գնում է փլուզման   

Չի կարող պատահել. շնորհակալության փոխարեն ծեծ

Եվ այդ մեկ մարդը... դու չես. Լիլիթ Ավագյանի հոդվածը

Արա Մինասյանը նոր սկանդալի կենտրոնու՞մ. որ ԲԿ-ն է 280 միլիոն դրամի բանկում ավանդ ներդրել

Գյումրիում բացվել է Հայաստանում առաջին «Երիտասարդների տուն»-ը

Էրդողանը աշխարհի ամենավտանգավոր մարդկանցից է. Թրամփի նախկին խորհրդական

Շիրակի թեմի առաջնորդն առողջական խնդիրներ ունի. նա «Իզմիրլյան» ԲԿ-ում է, վիրահատվելու է

Երեւանում եւ մարզերում սպասվում է անձրեւ եւ ամպրոպ, ամպրոպի ժամանակ` քամու ուժգնացում

Ալիևը Փարիզում է. Ֆրանսիայի նախագահի հետ հանդիպել, խոսել են ղարաբաղյան խնդրի կարգավորումից

Աջափնյակ մետրոյի կայարանի կառուցման պետբյուջեից ծախսեր չպահանջվող տարբերակ. բաց նամակ

ՀՀ ԱԳՆ ղեկավարը շնորհավորել է Արցախի Հանրապետության ԱԳՆ 25-ամյակի կապակցությամբ