Երեւանի քաղաքապետարանը «բարեփոխումներ» է սկսել. ուսման վարձավճարը կթանկանա

Երեւանի քաղաքապետարանը պատասխանել է մեր հարցմանը՝ հաստատելով, որ երաժշտական դպրոցներում սովորողների ուսման վարձավճարը հունվարի մեկից բարձրանալու է եւ, միաժամանակ, ներկայացնելով որոշակի մանրամասներ:

Տեղեկացրել էինք, որ Երեւանում հաշվառում չունեցող ծնողների երեխաների դեպքում վարձավճարը բարձրանալու է ավելի քան հարյուր տոկոսով: Իսկ քաղաքապետարանից հետաքրքրվել էինք, թե ինչով է հիմնավորվում մայրաքաղաքում հաշվառում ունեցողների եւ չունեցողների այդ տարբերակումը:

Ստացված պատասխանում խնդիրը ներկայացվում է հակառակ կողմից: Այսինքն՝ ոչ թե Երեւանի հաշվառում չունեցողներից է ավելի շատ գումար պահանջվում, այլ հաշվառում ունեցողներին տրվում են որոշակի արտոնություններ:

Քաղաքապետարանի աշխատակազմի մշակույթի վարչությունից, կատարվող փոփոխությունները գնահատելով որպես բարեփոխում՝ նշում են.

Երեւանի քաղաքապետարանի ենթակայության երաժշտական եւ արվեստի դպրոցների մասով քննարկվող բարեփոխումները կգործեն 2018 թվականի հունվարի 1-ից: Հիմք ընդունելով «Տեղական տուրքերի եւ վճարների մասին» ՀՀ օրենքի 10-րդ հոդվածով սահմանված դրույթները՝ Երեւանի քաղաքապետարանի ենթակայության երաժշտական եւ արվեստի դպրոցների (արտադպրոցական դաստիարակության հաստատություններ) ՀՀ կրթության եւ գիտության նախարարի հրամանով հաստատված ուսումնական պլանով նախատեսված ծառայությունից օգտվողների համար սահմանվել է տեղական վճար՝ հետեւյալ դրույքաչափերով՝ մեկ երեխայի հաշվարկով.

խորացված մասնագիտական երգեցողության ուսուցում՝ ամսական 17 500 ՀՀ դրամ,

երգեցողության ուսուցում՝ 15 000 ՀՀ դրամ,

պարարվեստի ուսուցում՝ 13 000 ՀՀ դրամ,

կերպարվեստի ուսուցում ՝ 9 000 ՀՀ դրամ,

թատերարվեստի ուսուցում՝ 8 000 ՀՀ դրամ:

Բարեփոխումների տեսլականով նախատեսվում է տեղական վճարի նկատմամբ կիրառել արտոնություններ, եթե

- երեխայի օրինական ներկայացուցիչներից մեկը մշտապես կամ փաստացի հաշվառված են Երեւան քաղաքում,

- երեխայի ծնողը ազատամարտիկ է եւ (կամ) զոհված ազատամարտիկի ընտանիքի անդամ է,

- երեխայի օրինական ներկայացուցիչների մեկը ՀՀ զինված ուժերում պարտադիր ժամկետային, պայմանագրային եւ այլ զորքերում պայմանագրային զինվորական ծառայություն են իրականացնում Երեւան քաղաքում,

- զոհված զինծառայողի երեխա է,

- երկկողմանի ծնողազուրկ երեխա է,

- սիրիահայի երեխա է:

Արտոնությունների կիրառմամբ վերը թվարկված յուրաքանչյուր տեսակի ուսուցման դիմաց տեղական վճարի դրույքաչափը նախատեսվում է՝ ամսական 8 000 ՀՀ դրամ, նախկինում գործող բազմազան վարձավճարների չափերի դիմաց (3000 ՀՀ դրամից մինչեւ 12 000 ՀՀ դրամ):

Տպել
2446 դիտում

Ընթացիկ եվ ոչ միայն. 2006թ. մտնում ենք առանց իմունիտետի

Պատասխան. այդ տիկին Քոչարյանը ես եմ

Չի տեսնում. ԼՂ հարցի կարգավորումը հեռու է

Կոմիտասի պողոտայի երթեւեկելի մասի վրա լուսացույցներ կդրվեն. ոստիկանություն

Գյումրու քաղաքապետարանի բնակկոմունալ բաժնին կախարդական փայտիկ է պետք

Միհրան Հարությունյանը ժամանակից շուտ հաղթանակ տարավ MMA-ում իր 2-րդ մենամարտում

Ոստիկանության 5 ծառայողի շնորհվել է ոստիկանության լեյտենանտի կոչում (տեսանյութ)

Լարսի ճանապարհը բաց է. ձյուն, բուք, մերկասառույց, մառախուղ, դժվարանցանելի ճանապարհներ՝ ՀՀ-ում

Հայկ Դեմոյանը նշանակվել է «Ավրորա» նախաձեռնության գործառնությունների գծով տնօրեն

Արցախի նախագահն ընդունել է ՀՅԴ Բյուրոյի ներկայացուցիչ Հրանտ Մարգարյանին. ինչ են քննարկել

Վերաքննիչը գտել է, որ Ռոբերտ Քոչարյանն անձեռնմխելի չէ

Քաղաքավարությունը շփոթում են թուլության հետ. Փաշինյանը՝ Գարեգին Բ-ին

Մենք արդեն դադարեցրել ենք կենդանիների սպանդի ամոթալի պրակտիկան. Հայկ Մարության

ԱԺ ընտրություններին 442 ենթադրյալ հանցագործության դեպքերից 6-ով քրգործեր են հարուցվել. դատախազություն

ՃՈ-ն որոշ ցուցանակներ ձմռանը կփակի ծածկոցներով, կդադարեցվեն դրանց ազդեցությունը

Ադրբեջան գալու համար պետք է ճանաչեք մեր տարածքային ամբողջականությունը. Ալիևի դուստրը՝ ռուս կանանց

Երեւանում պատրաստված 368,6 կգ քաշով գաթան պաշտոնապես գրանցվել է Գինեսի գրքում

Հնարավոր է՝ առաջիկայում հայ բժիշկները վերապատրաստվեն Շվեյցարիայում. Աննա Հակոբյանը պայմանավորվածություն է ձեռք բերել

Հայաստանը Լիխտենշտեյն է ուղարկել առաջին դեսպանին

Կանադայի վարչապետ Ջասթին Թրյուդոն շնորհավորել է Նիկոլ Փաշինյանին