Արտաշատի ՀՀԿ-ական քաղաքապետի առաջին գործը բյուջեն շոշափելն է եղել

04/12/2017 schedule16:28

Արտաշատի նորընտիր քաղաքապետ Կարեն Բենիամինյանը սկսել է կառուցվածքային փոփոխություններ իրականացնել քաղաքապետարանում, ՀՈԱԿ-ի տնօրեն նշանակել եւ ազատել, իսկ ավագանին փոփոխել է 2017 թվականի ծրագրերի համար հատկացվող գումարների բաշխվածությունը: Armtimes.com-ը համայնքի ղեկավարի որոշումներից տեղեկանում է, որ Արտաշատ քաղաքի «Ռազմիկ Գոլեցյանի անվան օլիմպիական հերթափոխի ըմբշամարտի մանկապատանեկան մարզադպրոց» ՀՈԱԿ-ի տնօրեն Գրիգոր Սիմոնյանին քաղաքապետ Կարեն Բենիամինյան նոյեմբերի 28-ին ազատել է զբաղեցրած պաշտոնից: ՀՈԱԿ-ի նոր տնօրեն է նշանակել Ռաֆիկ Գոլեցյանին, որը Ռազմիկ Գոլեցյանի որդին է:

Նոյեմբերի 29-ին էլ Արտաշատի ավագանին աշխատանքից ազատել էր «Արտաշատ համայնքի բնակարանային տնտեսություն» ՍՊԸ-ի տնօրեն Վազգեն Հովհաննիսյանին, որի փոխարեն այդ պաշտոնում նույն օրը նշանակվել է Մկրտիչ Ղազարյանը: Ավագանու բոլոր անդամները միաձայն կողմ են քվեարկել որոշման նախագծին: Աշխատանքից ազատվածն Արտաշատի նախկին քաղաքապետ Արգամ Աբրահամյանի մտերիմն է, իսկ նորանշանակ պաշտոնյան Կարեն Բենյամինյանի մտերիմների շրջանակից է:

Բացի աշխատանքից ազատելու եւ նշանակելու որոշումից, ավագանին քվեարկել է նաեւ Արտաշատ համայնքի 2017 թվականի բյուջեի ծախսային մասում փոփոխություններ կատարելու նախագծին եւ քաղաքապետարանի կառուցվածքում փոփոխություն կատարելու նախագծին:

Այսպես, համայնքի ղեկավարի խորհրդականի հաստիքը փոփոխել են՝ դարձնելով համայնքի ղեկավարի գլխավոր խորհրդական, որը զբաղեցնող պաշտոնյան հիմնականում պետք է իրականացնի համայնքի տնտեսական զարգացման հարցերով պատասխանատուի գործառույթները: Նույն որոշմամբ կրճատվել է համայնքի ղեկավարի օգնականի մեկ հաստիք: Քարտուղարության, իրավաբանական և տեղեկատվական տեխնոլոգիաների բաժնի առկա հաստիքային միավորները լրացնել գլխավոր մասնագետի ևս մեկ հաստիքով, որը զբաղեցնող համայնքային ծառայողը հիմնականում պետք է իրականացնի իրավաբանի գործառույթներ:

Արտաշատ քաղաքի բյուջեի ծախսային մասում կատարված փոփոխություններով՝ ֆոնդային բյուջեի պահուստային ֆոնդը կրճատվել է 785 հազար դրամով, ծածկի վերակառուցում հոդվածով նախատեսված ծախսերը կրճատվել են 415 հազար դրամով, աղբահանում եւ սանմաքրում հոդվածով ծախսերն ավելացվել են 800 հազար դրամով, կանաչ տարածքների հիմնում և պահպանում հոդվածով ծախսերն ավելացվել են 300 հազար դրամով: Սպասարկում և պահպանում հոդվածով նախատեսված ավելացել է շուրջ 1 միլիոն դրամով, կառավարման մարմնի պահպանում հոդվածով նախատեսված ծախսերը կրճատվել են 1 միլիոն դրամով, իսկ մշակութային միջոցառումների իրականացում հոդվածով ավելացվել է շուրջ 1 միլիոն դրամ գումար: Վերջին փոփոխությամբ նախատեսված ֆինանսական միջոցների ավելացումը ամանորյա միջոցառման կազմակերպման նպատակով՝ անհրաժեշտ նվերների ձեռքբերման համար է:

Տպել
3224 դիտում

Մանվել Գրիգորյանի որդին հրաժարական տվեց Էջմիածնի քաղաքապետի պաշտոնից

ԱԱ 2018-ի ֆավորիտներից Բրազիլիայի ֆուտբոլի հավաքականն էլ չհաղթեց

Քրիստոսն իրավունք ուներ խմելու, ես՝ չէ՞.վիճաբանել են Շիրակի թեմի քահանաներն ու ժողովուրդը

ԱԱԾ-ն հրապարակել է սենսացիոն կադրեր՝ Էջմիածնի աղմկոտ խուզարկություններից (տեսանյութ)

ԱԺ նախագահ Արա Բաբլոյանը տեսակցել է գեներալ Մանվել Գրիգորյանին

Աշխարհի գործող չեմպիոն Գերմանիան պարտվեց ֆուտբոլի ԱԱ 2018-ի իր 1-ին խաղում

Դատարանը որոշեց փաստաբանների բողոքը մերժել. Մանվել Գրիգորյանը մնալու է անազատության մեջ

Որևէ տնօրեն պարտավորություն չունի դպրոցում ունենալ ՀՀ ղեկավարի նկարը. ԿԳ նախարար

Հայաստանում կոռուպցիա չկա, կան մնացորդային դրսեւորումներ, որի դեմ պայքարում են. վարչապետ

Սեփական ընկալումները պետությունից վեր դասելը ոչ մի լավ տեղ չի տանում. Աշոտյանը՝ վարչապետին

Արարատում 27-ամյա քաղաքացին տրակտորի կցորդի վրայից ընկել է, հիվանդանոցում մահացել

Իգոր Մուրադյանի հուղարկավորության համար ստեղծվելու է կառավարական հանձնաժողով. Ա. Միրզոյան

Կասեցվել է «Շիրակ» ՖԱ-ի անդամությունը ՀՀ ֆուտբոլի ֆեդերացիային. վարկաբեկում են ՀՖՖ-ն

Յուրացնելով դպրոցականների ուղարկած սնունդը, Մ. Գրիգորյանը կերակրել է իր արջերին. վարչապետ

Նախորդ շաբաթ անընդհատ սահմանին հակառակորդի կենդանի ուժի ու զինտեխնիկայի շարժ է եղել

ԱԻՆ-ը շարունակում է 14-ամյա կորած տղայի որոնողական աշխատանքները, դեռ նոր տեղեկություն չկա

Անտառահատումներ Եղեգնուտի անտառտնտեսությունում. կառուցել են ապօրինի ճանապարհ ու տեղափոխել

Նիկոլ Փաշինյանի և Բակո Սահակյանի գլխավորությամբ ՊԲ շտաբում տեղի է ունեցել խորհրդակցություն

Կես ժամից Մանվել Գրիգորյանի խափանման միջոցի հարցով դատական նիստն է. նրան կկալանավորե՞ն

Նիկոլ Փաշինյանն ու Բակո Սահակյանն այցելել են Ճարտարի նորակառույց Սուրբ Վարդանանք եկեղեցի