Շիրակում նավթ ու գազ կորոնեն. մասնագետներն անհանգստացած են

05/12/2017 schedule10:08

«Հայկական նավթի և գազի ընկերություն» ՍՊԸ-ն Շիրակի մարզում մագնիսառեզոնանսային ալիքներով նավթ ու գազ կորոնի: Շիրակի մարզպետարանում կայացած նավթի և բնական գազի երկրաբանական ուսումնասիրության նախնական գնահատման հայտի հանրային թեժ քննարկման ժամանակ մարզի 6 համայնք է առանձնացվել որպես բնական պաշարի որոնման գոտի: Ոսկեհասկը, Հայկավանը, Ամասիան,  Կապսը, Առափին ու Մարմաշենն են առաջին հորիզոնականում: 

ՀՀ-ում նավթի եւ գազի երկրաբանական որոնողական աշխատանքների կատարման ծրագրի պատասխանատու Էրիկ Անանյանը վստահեցրել է, որ իրենք բնական պաշարներ հայտնաբերելու համար հորատումներ չեն անի, նավթն ու գազը կփորձեն գտնել ալիքային հետազոտությունների միջոցով: Հենց այս հարցում էլ ծագեց տարակարծություն եւ վիճաբանություն «Հայկական նավթի և գազի ընկերություն» ՍՊԸ-ի ու Երկրաֆիզիկայի և ինժեներային սեյսմաբանության ինստիտուտի մասնագետների, նաեւ բնապահպանների միջեւ: Վերջիններիս պնդմամբ, գործնականում անհնար է կատարել երկրաբանական ուսումնասիրություն առանց հորատման:

«Հնարավոր է»,- հակադարձեց ՀՀ բնապահպանության նախարարության ներկայացուցիչ Զարուհի Զուռնաչյանը: Ըստ նրա, գեոֆոնների միջոցով մագնիսական ալիքները կհասնեն երկրի ընդերք մինչեւ 5000 մետր, եւ կգրանցեն ազատ ջրածինների քանակը: Ցուցանիշներից էլ իրենք կհասկանան, կա արդյո՞ք այդ տարածքում գազ ու նավթ:

Երկրաբանների տարակուսանքը փոխանցվեց բնապահպաններին: Քանի որ աշխատանքներում ներգրավված է նաեւ Աշոցքի  սարահարթը, որտեղ Արփի լիճ ազգային պարկն է գտնվում,  արդյո՞ք այդ մագնիսառեզոնանսային ալիքներից չի տուժի կենդանական եւ բուսական աշխարհը:  «Հայկական նավթի և գազի ընկերություն» ՍՊԸ ներկայացուցիչը պնդեց, որ ալիքները ոչ մի վնաս չեն հասցնի շրջակա միջավայրին, ոչ անմիջապես սարքի տեղադրման վայրում, ոչ 10 կմ, ոչ էլ 200 կմ հեռավորությամբ:

Նավթի ու գազի հայտնաբերման նախնական փուլի անվտանգ լինելը չի նշանակում, որ Շիրակի մարզի այդ համայնքները հետագայում խնդիրների առաջ չեն կանգնի: Ըստ երկրաբան Ռոլան Գասպարյանի, եթե հայտնաբերվի նավթ կամ գազ, արդեն պետք է հորատանցքներ արվեն՝ շահագործման  նպատակով:

«Այնպես որ, նախ հիմնավորեք, հետո Շիրակի մարզում նավթ ման եկեք, պատկերացնու՞մ եք, եթե Մարմաշենում նավթ հայտնաբերվի, դա իրական աղետ կլինի»,- ներկաներին զայրացած դիմեց երկրաբանը:  Անվտանգ  գործողությունների մասին իրենց լսածին չվստահեցին նաեւ հանդիպմանը ներկա գյումրեցի բնապահպանները՝ մատնացույց անելով Հյուսիս-հարավ ճանապարհային միջանցքի հանրային քննարկումներում իրենց կողմից բարձրացված խնդիրների անտեսումը:

Տպել
6720 դիտում

ՀՀ վարչապետը հրաժարական ներկայացրեց

Մեր ձեռքը մեկնած է, օդում է՝ նոր խաղի կանոներով աշխատելու համար. Միրզոյանը՝ Հունան Պողոսյանի մասին

Կարեւոր է, որ «Ելք» խմբակցությունն ակտիվ դերակատարում ունենա առաջիկայում. վարչապետ

Մեր նպատակն իսկապես նույնն է. Ռուստամյանը՝ Փաշինյանի հետ հանդիպման ժամանակ (լուսանկարներ)

Եկանք այն փոխզիջման, որ 4-րդ ուժը կարող է հայտնվել ԱԺ-ում, եթե հավաքել է առնվազն 2% քվե. Միրզոյան-ԲՀԿ հանդիպում

55-ամյա տղամարդը պատահաբար խմել է քացախաթթվային էսենցիա և մահացել

Հովիկ Աբրահամյանին պատկանող գործարանից հայտնաբերված զենք-զինամթերքն անօրինական է, բայց կապ չունի Մարտի 1-ի հետ

Քրեական հեղինակություն Նորատուսցի Արային մեղադրանք է առաջադրվել. խուզարկվել է նրա բնակարանը

Երեւան քաղաքի Հասրաթյան փողոցի հետիոտնային անցումը կվերակառուցվի

Ucom-ի բոլոր հեռուստադիտողները կվայելեն ամենապահանջված հեռուստասերիալների 4 հեռուստաալիքներ

Վանեցյանը Մինասյանին ասել է, որ նա կարող է մնալ հավաքականում, բայց նա հրաժարական է տվել

Արա Բաբլոյանը Ժնեւում մասնակցում է Միջխորհրդարանական միության 139-րդ վեհաժողովի աշխատանքներին

Ֆրանկոֆոնիան անհանգստացրել է Բաքվին. Արցախի հարցում զգուշավոր են

Moody's միջազգային վարկանշային գործակալությունն Ինեկոբանկին շնորհել է B1 վարկանիշ

Ես համաձայն չեմ Վիգեն Սարգսյանի դիտարկման հետ. Արարատ Միրզոյան

Կառավարությունն ԸՕ-ի նախագիծն այնպես է բերում, որ ասի՝ դե ես բերեցի, խորհրդարանը չընդունեց. Վիգեն Սարգսյան

Մայքլ Ջեքսոն՝ Արամ Խաչատրյանում. Հայաստանի պետական սիմֆոնիկ նվագախումբը հանդես կգա նորովի

Շարունակենք միմյանց հետ համագործակցել. Փաշինյանը հանդիպել է ՀՅԴ ներկայացուցիչների հետ

Էդուարդ Մարտիրոսյանը նշանակվել է Ազգային անվտանգության ծառայության տնօրենի տեղակալ

Վարչապետ չընտրվելու կանխավարկածով. Նիկոլ Փաշինյանն ընդունել է ԵԼՔ խմբակցության անդամներին