Հայաստանի բնակչության 29.4 տոկոսն աղքատ է. նախորդ տարվա համեմատ ցուցանիշը գրեթե չի փոխվել

ՀՀ ազգային վիճակագրական ծառայությունը երեկ հրապարակեց «Հայաստանի սոցիալական պատկերը եւ աղքատությունը, 2017» զեկույցը: Չափազանցրած չենք լինի, եթե պնդենք, որ սա ԱՎԾ-ի ամենակարեւոր աշխատատար զեկույցն է, որում, կարելի է ասել, ամփոփվում է Հայաստանին վերաբերող գրեթե ողջ պաշտոնական վիճակագրությունը:

Զեկույցը վերաբերում է անցած տարվա տվյալներին: Ըստ այդմ, 2016 թվականին ՀՀ բնակչության 29.4 տոկոսը եղել է աղքատ: Խոսքը մոտ 900 հազար մարդու մասին է: Դրան նախորդած 2015 թվականի համեմատ աղքատ բնակչության մասնաբաժինը նվազել է ընդամենը 0.4 տոկոսով:  Հենց ԱՎԾ-ն արձանագրում է, որ մեկ տարվա ընթացքում աղքատությունը վիճակագրորեն չի փոխվել: Ընդ որում, բնակչության աղքատ հատվածի մասնաբաժինը հաշվարկվում է մշտական բնակչության թվաքանակից: Եթե դա հաշվարկվի առկա բնակչության թվաքանակից, ապա նշված տոկոսը շատ ավելի բարձր կլիներ:

Ըստ նույն զեկույցի, անցած տարի մեր բնակչության 1.8 տոկոսը, կամ մոտ 54 հազար մարդ եղել է ծայրահեղ աղքատ, 8 տոկոսը կամ մոտ 300 հազար մարդ եղել է շատ աղքատ: Հայաստանի ամենաաղքատ բնակչությունը ապրում է Շիրակի մարզում:  Այստեղ բնակչության 45.5 տոկոսն է աղքատ: Երկրորդ հորիզոնականում Լոռու մարզն է: Այստեղ աղքատ է բնակչության 35.8 տոկոսը, երրորդը՝ Կոտայքն է՝ 35.4 տոկոս ցուցանիշով: Ամենա- «հարուստ» մարզը Արագածոտնն է, որտեղ բնակչության միայն 15.7 տոկոսն է աղքատ (նկարում):

ԱՎԾ-ի զեկույցում համեմատականներ են տարված 2008 թվականի հետ եւ արձանագրվել է, որ աղքատության ներկայիս բարձր մակարդակը պայմանավորված է հիմնականում 2009 թվականի տնտեսական խոր ճգնաժամով: Ծավալուն այդ զեկույցը լի է տարատեսակ ցուցանիշներով, որոնք արձանագրում են Հայաստանում առկա չափազանց խորը համակարգային խնդիրները: Դրանց, իհարկե, կանդրադառնանք առաջիկայում:  Իսկ առայժմ մի քանի մեջբերումներ ԱՎԾ-ի զեկույցից:

«2008-2016թթ. սպառման աճ նկատվել է բոլոր դեցիլներում, սակայն ամենաաղքատ՝ առաջինից երրորդ դեցիլների բնակչության մոտ աճն աննշան էր: Նշված ժամանակահատվածում երկնիշ աճ է նկատվել մնացած բոլոր դեցիլային խմբերում, իսկ ամենաբարձր տեմպը գրանցվել է տասներորդ դեցիլի բնակչության մոտ (32.5%)»:

«Ճգնաժամից ամենից շատ տուժել է բնակչության ամենաաղքատ առաջին դեցիլային խումբը...: Միաժամանակ, ամենահարուստ 10-րդ դեցիլային խումբը ճգնաժամից ամենաշատն է շահել...»:

«Հայաստանում մինչեւ 6 տարեկան երեք եւ ավելի երեխաներ ունեցող տնային տնտեսություններն ունեն աղքատության 1.7 անգամ ավելի բարձր ռիսկ (50.1%)` հանրապետական միջին մակարդակի համեմատ (29.4%), ինչպես նաեւ ավելի բարձր ռիսկ այն տնային տնտեսությունների համեմատ, որտեղ առկա են թվով ավելի քիչ երեխաներ, օրինակ` 1 երեխա կամ երկու երեխա ունեցող տնային տնտեսությունների համեմատ` ավելի քան 1.5 անգամ»:

Նշենք նաեւ, որ ըստ ԱՎԾ հաշվարկների՝ Հայաստանում աղքատությունը վերացնելու համար անհրաժեշտ է մոտ 60 միլիարդ դրամ, պայմանով, որ այդ գումարը ուղիղ, առանց «ճանապարհին կորչելու» հասնի աղքատներին:

Տպել
7247 դիտում

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել

Ժամը 18:00-ի դրությամբ, համաներմամբ ազատ է արձակվել 465 դատապարտյալ

Քիչ առաջ ձերբակալվել է 20-ամյա կնոջը դաժան ծեծի ենթարկած 30-ամյա ամուսինը

Մայրապետյանն ազատության մեջ կդրսեւորի պատշաճ վարքագիծ. լրատվամիջոցների ղեկավարները հավաստիացնում են Փաշինյանին

«Ժառանգություն»-ը որոշել է չմասնակցել խորհրդարանական արտահերթ ընտրություններին

«Լույս» հիմնադրամը վերադառնում է, բայց կրթաթոշակ չի տալու. նոր նպատակները քաղաքակա՞ն են

Վարչապետի առաջարկով եւ նախագահի հրամանագրով Լեհաստանում ՀՀ նոր դեսպան է նշանակվել

Պետությանը հասցվել է 96 մլն դրամի վնաս, հարուցվել է 19 քրեական գործ. ուսումնասիրություններ՝ զինուժում

ՀՀ կարեւորում է ԱՄԷ-ի իրավապահ մարմինների միջեւ սերտ եւ օպերատիվ համագործակցությունը

Լիբանանում ՀՀ դեսպանը հետ է կանչվել, նոր դեսպան է նշանակվել Վահագն Աթաբեկյանը

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

ՆԱՏՕ-ի տասնմեկ երկրներ ռազմական ծախսերն ավելացրել են մինչեւ ՀՆԱ-ի երկու տոկոսը

Բարեգործական համերգ Աննա Հակոբյանի բարձր հովանու ներքո. հասույթը կտրամադրվի քաղցկեղով հիվանդ երեխաների բուժմանը

Տիգրան Ուրիխանյանը փոշմանել է

Նիկոլ Փաշինյանը ներկա է գտնվել Յուրի Վարդանյանի քաղաքացիական հրաժեշտի արարողությանը