Ով է կրակում եւ ով՝ պարզապես բռնում փամփշտակալը. խմբագրական

Երեկ Վիգեն Սարգսյանը հաստատեց, որ ՀՀ ՊՆ գլխավոր շտաբի պետի տեղակալ Հայկազ Բաղմանյանն ազատվում է աշխատանքից: Պաշտպանության նախարարն ասաց, որ Բաղմանյանը աշխատանքից ազատման մասին զեկուցագիր է գրել՝ իր հորդորով: Որպեսզի գեներալ Բաղմանյանի աշխատանքային լիազորությունները դադարեցվեն, անհրաժեշտ էր Սերժ Սարգսյանի հրամանագիրը, որն էլ երկար չսպասեցրեց: Երեկ օրվա վերջում հրապարակվեց նաեւ հրամանագիրը: Հայկազ Բաղմանյանի ազատման մասին լուրերն անցյալ շաբաթվանից էին շրջանառվում, սակայն պաշտոնապես չէին հաստատվում: Ոչ ՊՆ մամուլի խոսնակ Արծրուն Հովհաննիսյանը, ոչ առաջին փոխնախարար Արտակ Զաքարյանը այդպես էլ լրագրողների հարցերին հստակ պատասխան չտվեցին՝ չհերքելով, բայց եւ չհաստատելով Բաղմանյանի հնարավոր պաշտոնանկության մասին լուրը:

Պարզում է, այդ հանդիսավոր պահը Վիգեն Սարգսյանը իր համար էր պահպանում: Երեկ Մարշալ Բաղրամյանին նվիրված միջոցառումից հետո Սարգսյանը չարհամարհեց լրագրողերին եւ սիրահոժար պատասխանեց հարցերին: Բնականաբար, առաջին եւ միակ հարցը պետք է վերաբերեր Բաղմանյանի եւ մյուս բարձրաստիճան զինվորականների պաշտոնանկությանը: Եվ ահա այստեղ Պաշտպանության նախարարը սենսացիոն հայտարարություն արեց: Նա ասաց, որ Բաղմանյանն իր հորդորով աշխատանքից ազատվելու զեկուցագիր է գրել, հարցին էլ, թե որն է այդ հորդորի պատճառը, պատասխանեց. «Աշխատանքային պայմանավորվածությունների չկատարում, որն անհամատեղելի էր հետագա համատեղ ծառայության համար»:

Հայկազ Բաղմանյանը ՀՀ զինված ուժերի, մեղմ ասած, ամենավարկաբեկված կադրերից է, նրա անունը մշտապես շոշափվել է ինչ-որ սկանդալների, չարաշահումների համատեքստում: Բաղմանյանին աշխատանքից ազատելու պատճառներ վերջին տարիներին, թերեւս շատ են եղել, բայց որեւէ մեկը մոտ էլ չի գնացել այդ թեմային: Եվ հիմա Վիգեն Սարգսյանը հայտարարում է, որ Բաղմանյանը լավ չի աշխատել, իր հանձնարարությունները չի կատարել, ինչի արդյունքում իրենց համատեղ ծառայությունն անհնար է դարձել:

Վերլուծաբանները երեկ արդեն այս իրադարձությունը գնահատում էին որպես Վիգեն Սարգսյանի դիրքերն ուժեղացնող կարեւոր հանգամանք: Նույնիսկ շատ հեռու էին գնում վերլուծություններում, նշելով, որ այս քայլով  նախարարը դառնում է  2018-ից հետո ռեալ վարչապետացու:

Վիգեն Սարգսյանը, սակայն, նոր չէ, որ վարչապետի հնարավոր թեկնածուների շարքում պատվավոր տեղ է զբաղեցնում: Երեւի արդեն մի քանի տարի նրա անունը չի իջնում այս ցանկից: Վիգեն Սարգսյանը վարչապետ, Սերժ Սարգսյանը՝ Պաշտպանության նախարար կոմբինացիայի մասին էլ գրվել է դեռ ամիսներ առաջ: Երկրի առաջին դեմք դառնալու համար, սակայն պետական կառավարման ոլորտում կուտակած փորձն ու առավել եւս առաջին դեմքերի օգնականը լինելը բավարար չէին կարող լինել: Անհրաժեշտ է լուրջ մկրտություն, որը Հայաստանի պարագայում առաջին հերթին հնարավոր էր ստանալ Պաշտպանության նախարարությունը ղեկավարելով:

Վիգեն Սարգսյանի՝ այս ընթացքում արած քայլերը՝ սկսած 1000 դրամների նախագծից մինչեւ ազգ-բանակ գաղափարի ներդրում եւ տարկետման իրավունքի սահմանափակում, կարող են հենց այդպիսի իմաստ ստանալ. մեր հասարակության եւ միջազգային հանրության աչքում նրան ազդեցիկ ֆիգուրի կերպար հաղորդելու համար: Հայկազ Բաղմանյանին, թերեւս, կհաջորդի ՀՀ ԶՈՒ գլխավոր շտաբի պետ Մովսես Հակոբյանի պաշտոնանկությունը: Ի դեպ, երեկ լրագրողները հնչեցնում են նաեւ Հակոբյանի անունը՝ հնարավոր պաշտոնանկությունների մասին հարցում, սակայն Վիգեն Սարգսյանը չլսելու էր տալիս այն: Անհրաժեշտ էֆեկտին հասնելու համար պետք է, որ ժամանակ անցնի, հանրությունը մարսի Բաղմանյանին հեռացնելու մասին լուրը, մտմտա՝ իսկ կարող է իսկապես Վիգեն Սարգսյանն ուժեղ տղա է, փորձի նրան պատկերացնել ղեկավարի դերում: Հունվարից հետո կհնչի հաջորդ կրակոցը՝ կհայտարարվի Մովսես Հակոբյանի ազատման մասին, ու գուցե դեռ կան այլ ավելի ուժեղ կրակոցներ:

Սերժ Սարգսյանի տեսանկյունից, թերեւս Վիգեն Սարգսյանը վարչապետի, ինքը՝ Պաշտպանության նախարարի պաշտոնում ամենալավ տարբերակն է: Ինքը չի մնա երրորդ ժամկետ եւ չի խայտառակի ռեսպուբլիկան, երկրի ղեկը կհանձնի իր ամենավստահելի կադրին, ինքն էլ երկրի անվտանգության երաշխավորը կլինի, ինչը բխում է բոլոր ՀՀԿ-ականների սրտերից:

Փայլուն մտահղացում է, ի սկզբանե հիանալի մշակված, որի իրականացման համար առաջին իսկ օրերից ՊՆ-ից հեռացվեց ՀՀ ԶՈՒ այն ժամանակ գլխավոր շտաբի պետ Յուրի Խաչատուրովը: Վերջինի ներկայության պարագայում Վիգեն Սարգսյանն, իհարկե, մինչեւ այսօրվա օրը չէր հասնի: Միակ հանգամանքը, որ կարող է տապալել այս ամբողջ մտահղացումը, Վիգեն Սարգսյանի իրական կերպարն է, որը վերը նկարագրված բոլոր թիրախային կրակոցների արդյունքում անգամ ոչ մի կերպ չի ընկալվում որպես մարդ, որն իր ձեռքում է պահում կրակող զենքը: Միեւնույն է, հանրության համար կրակողը Սերժ Սարգսյանն է, իսկ Վիգեն Սարգսյանն ընդամենը փամփշտակալ բռնողն է: Վիգեն Սարգսյանը դեռ 4 ամիս ունի զենքն իր ձեռքը վերցնելու համար, ով գիտե, գուցե դեռ ստացվի, թեեւ ավելի հավանական է, որ առաջին իսկ փորձից կգցի ոտքին:

Տպել
5028 դիտում

Վանաձորում բազմահազարանոց հանրահավաք է (լուսանկարներ, տեսանյութեր)

Արցախի ՊԲ-ում հակառակորդի կրակոցից զինծառայող է թեթեւ վիրավորում ստացել

Շիրակի մարզպետ Արթուր Խաչատրյանը հրաժարական է տվել զբաղեցրած պաշտոնից

Սերժ Սարգսյանն ուղերձ է հղել ՀՀ ԱԺ Հանրապետական խմբակցության պատգամավորներին

Կարեն Կարապետյանը փոխնախարարների է ազատել աշխատանքից

Մեկնարկել է հերթական հանրահավաքը. Հանրապետության հրապարակը լեփ-լեցուն է. թարմացվող

Կարեն Կարապետյանը հայտարարություններ է վերագրում ՀՀ-ում ԱՄՆ դեսպանին (լուսանկար)

Բանակցել կարող է ժողովրդի լիազորած ներկայացուցիչը. «Ժառանգության» պատասխանը՝ Ա. Սարգսյանին

Ոստիկանության կապիտանը աշխատանքից ազատվելու դիմում է գրել եւ միացել շարժմանը

Նիկոլ Փաշինյանի թեկնածությունը վարչապետի պաշտոնում առաջադրելու ԵԼՔ դաշինքի նախագիծը

Այսպես երկար չի կարող շարունակվել. ՀՅԴ-ն դուրս է գալիս կոալիցիայից

Ես նման բան չեմ ասել, որ Սերժ Սարգսյանն անփոխարինելի է. ՀՀԿ-ական Գագիկ Մինասյան

ԵՄ-ը դեսպանը հավանել է ներքին վիճակի՝ իշխանությունների առաջարկած լուծմումը. Կարապետյան

Պահանջում ենք քաղաքապետ Տարոն Մարգարյանի հրաժարականը. Երեւանի ավանագու ԵԼՔ խմբակցություն

Վ. Մանուկյանը ներքաղաքական իրավիճակում լուծումների իր ճանապարհային քարտեզն է ներկայացնում

«Անտանելի էր հեռվից հետեւել». Իվետա Մուկուչյանը վերադարձել է ՀՀ՝ միացել ցուցարարներին

Մենք պահանջում ենք ՀՀԿ-ի անվերապահ, առանց նախապայմանների կապիտուլյացիան. Փաշինյան

Վանաձորի «Գլորիա» կարի ֆաբրիկայի աշխատողները գործադուլ արեցին ու միացան ցուցարարներին

Գյումրի. «Նիկոլ, վարչապետ», «ՀՀԿ հեռացիր». տեսանյութ

Տավուշցիները փակել են Վանաձոր-Բագրատաշեն-Երեւան ճանապարհը (լուսանկարներ)