Քանդման ենթակա շենքերում հարյուրավոր բնակիչներ են ապրում. աղետից 29 տարի անց (ֆոտո)

88-ի ավերիչ երկրաշարժից հետո Վանաձորում կա 3-րդ աստիճանի վթարայնություն ունեցող 84 բազմաբնակարան շենք: Նշված շենքերի սեյսմակայունությունը վերջին անգամ ստուգվել է 2004թ.-ին: Այդ օրվանից մինչ օրս բազմաթիվ բազմաբնակարանների կարգավիճակը փոխվել է: Կոյուղագծերի ու ջրագծերի խափանումները խարխլել են շենքերի հիմքերը, չբնակեցված ու թալանված բնակարանները, բացակայող տանիքներն ու վնասված կոնստրուկցիաները տարիների ընթացքում շենքերը դարձրել են բնակության համար վտանգավոր:

Չնայած այս հանգամանքին, պետությունը որեւէ քայլ չի կատարում ոչ միայն վթարային շենքերում բնակվող բնակիչներին ապահով բնակմակերեսով ապահովելու ուղղությամբ, դեռ մի բան էլ չի շտապում անգամ շենքերի սեյսմակայունությունը ստուգել, վստահ իմանալով, որ նոր ուսումնասիրությունների արդյունքում շենքերի կեսից ավելին կճանաչվեն վթարայնության 4-րդ աստիճանի, ու պետություն կոչվածը պարտավոր կլինի պարզապես անհապաղ քայլեր ձեռնարկել:

Վանաձորի քաղաքապետարանի տրամադրած փաստաթղթի համաձայն՝ 84 բազմաբնակարանից 20-ը անհապաղ ամրացման կարիք ունի: 84 վթարային շենքերում ապրում է ավելի քան 3280 բնակարան, որոնցից բնակեցված է 2276-ը, չբնակեցված 1004-ը, թալանված վիճակում գտնվող բնակարանների թիվն անցնում է ավելի քան 300-ը: Հատկանշական է, որ երկրաշարժից անմիջապես մի շարք շենքերի տրվել էր վթարայնության 4-րդ կարգ, որից տարիներ անց, չգիտես ում թեթեւ ձեռքով ու ինչ նպատակով՝ քանդման ենթակա շենքերը գրչի մեկ հարվածով ճանաչվեցին բնակելի, մինչդեռ նշված շենքերի վրա մինչ օրս դեռեւս պահպանվում է «Շենքը բնակելի չէ, քանդման ենթակա է» գրությունը:

Լոռու մարզպետ Արթուր Նալբանդյանի խորհրդական Լեւոն Ասլանյանը armtimes.com-ի հետ զրույցում հաստատեց, որ վթարային բազմաբնակարանների խնդիրն օրակարգային է. «Վանաձորի ամենացավոտ տեղը ամրացման ենթակա շենքերն են, բայց ցավոք, որեւէ նորություն չկա այս պահին, որ հայտնեմ»,- ասաց նա ու հավելեց. «Ամրացման պրոցեսը շատ թանկ պրոցես է»:

Դիտարկմանը, որ 29 տարի շարունակ մարդիկ բնակվում են քանդվող շենքերում, եւ օրերից մի օր գուցե դժբախտ դեպք տեղի ունենա, ով պետք է պատասխան տա, մարզպետի խորհրդականը դժվարացավ պատասխանել. «Իհարկե, շենքերը ժամանակի ընթացքում փոխել են իրենց կարգավիճակը, ունենք շենքեր, որոնք հնարավոր է ամրացնել, ես չեմ համարձակվի ասել՝ վտանգավոր է, թե՝ ոչ, բայց կեցցեն մեր բնակիչները, ովքեր տեսնելով, որ ամրացման աշխատանքները ձգձգվում են, իրենք են իրենց ուժերով ամրացնում, ինչ խոսք, լավ կլիներ, որ մի օր արթնանայինք ու տեսնեինք, որ այդ խնդիրն այլեւս չկա, բայց չմոռանանք, որ շենքերի հիմնական մասը 60-ական թվականների կառուցված են, եթե շենքը չի ջեռուցվում, եթե շենքում մարդ չի բնակվում, չի պահպանվում ջերմային կոմֆորտը, այդ շենքի կոնստրուկցիաներն ավելի արագ են շարքից դուրս գալիս, դա լուրջ խնդիր է Վանաձորի համար»:

Դեռ տարեսկզբին մենք հարցում էինք ուղարկել ՀՀ կառավարությանն առընթեր քաղաքաշինության կոմիտե, պարզելու, թե նախատեսվում է արդյո՞ք նոր ուսումնասիրություններ կատարել վթարային շենքերում:

Քաղաքաշինության կոմիտեից հայտնել էին, որ 2017-2019 թվականներին նմանատիպ աշխատանքներ նախատեսված չեն: Ասել է թե՝ մինչ 2020 թվականը, փաստացի պետությունը շարունակելու է աչք փակել ահ ու դողով ապրող վթարային շենքերի բնակիչների կյանքի վրա:

Տպել
1367 դիտում

Վլադիմիր Պուտինը Հայաստան կժամանի պաշտոնական այցով. Բալայան

Չինաստանի կառավարությունը ՀՀ կառավարությանը շտապ օգնության 200 մեքենա է նվիրաբերել

Ինչո՞ւ են Հենրիխ Մխիթարյանին զրկել դիվանագիտական անձնագրից. հարց-ամոթանք՝ Ֆարմանյանից, պարզաբանում՝ ԱԳՆ-ից

Արցախի կարգավիճակը եւ անվտանգությունը լինելու է ՀՀ բացարձակ առաջնահերթությունը. Փաշինյանի ելույթն ամբողջությամբ

Միջպետական կանոնավոր ուղեւորափոխադրումների մրցույթների կարգը կարող է փոխվել. քննարկում նախարարությունում

Լեւոն Երանոսյանը, չունենալով հատուկ որակավորում, ցույցերի ժամանակ գործադրել է լուսաձայնային նռնակ. ՀՔԾ

Հայկական թիմերը 2-րդ անընդմեջ հաղթանակն են տարել շախմատի օլիմպիադայում

Կառավարման ավտոմատացված համակարգերի համակարգիչների 40%-ից ավելին գրոհի է ենթարկվել. Կասպերսկի

Կալանավորներին եւ դատապարտյալներին զրկել են հեռախոսային խոսակցություններից. ՄԻՊ-ը դիմել է ՍԴ

ՀՀ-ում ստեղծված իրավիճակը սոսկ իշխող կուսակցության փոփոխություն չէ. գնում ենք նոր ընտրությունների

Հայ-թուրքական սահմանը հատած 16-ամյա թուրք տղան ազատ է արձակվել կալանքից, գործը կարճվել է

Մշակույթի նախարար Լ. Մակունցը Նյու Յորքի Մետրոպոլիտեն թանգարանում մասնակցել է «Արմենիա» ցուցահանդեսի բացմանը

Նիկոլ Փաշինյանը եւ Միշել Աունը քննարկել են հայ-լիբանանյան հարաբերությունների հետագա զարգացմանը վերաբերող հարցեր

ԱԳ նախարարը ուշադրություն է հրավիրել ՀՀ-ի ու Արցախի հետ սահմանին իրավիճակը լարելու Ադրբեջանի փորձերի վրա

Կառավարության ղեկավարը մասնակցել է ՄԱԿ-ի Զարգացման ծրագրի կազմակերպած քննարկումներին

Նիկոլ Փաշինյանը հանդիպում է ունեցել Աֆրիկյան միության կոմիտեի նախագահ Մուսա Ֆակիի հետ

Հայաստանի եւ Իրանի միջեւ առկա է վստահության բարձր մակարդակ. Հասան Ռոհանին՝ Ն. Փաշինյանին

Ադրբեջանը պետք է փոխի իր անհարգալից վերաբերմունքը բանակցությունների հանդեպ. Նիկոլ Փաշինյանի ելույթը ՄԱԿ-ում

Սյունիքում վագոն-տնակ է հրդեհվել, Երեւանում՝ գազի արտահոսքը վերածվել հրդեհի

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ