Շատ ծանր հարց եք տալիս, սեփական տներ կորցրած ընտանիքներին օգնել չենք կարող. Լեւոն Ասլանյան

Սպիտակի ավերիչ երկրաշարժից 29 տարի է անցել: Եթե պետական բնակարաններ կորցրած Լոռու մարզի բնակիչների խնդիրը մեծ հաշվով կարելի է լուծված համարել, ապա սեփական բնակարաններ կորցրածների խնդրին պետությունը դեռեւս չի անդրադառնում: Աղետի գոտու, բնակարանաշինության ու բնակարանի իրենց հերթին սպասող քաղաքացիների խնդրի մասին զրուցել ենք Լոռու մարզպետ Արթուր Նալբանդյանի խորհրդական Լեւոն Ասլանյանի հետ:

- Պարոն Ասլանյան, աղետից անցել է 29 տարի, ինչպիսի՞ն է անօթեւանության ու բնակապահովման խնդիրը մարզում:

- Գյուղական բնակավայրերում դեռ 345 ընտանիք սպասում է իրենց բնակարանային խնդիրների լուծմանը, այդ 345-ից 196-ը դեռ սնանկ ճանաչված «Գլենդել Հիլզ» փակ բաժնետիրական ընկերության սնանկության հարցերով կառավարչի հաշվեկշռում են: 5 օր առաջ եղավ դատարանի թույլտվությունը՝ այն առանձնացնել, հանձնել Լոռու մարզպետարան, որպեսզի մենք առանձնացնենք տնամերձ հողամասերն անավարտ շինություններով բնակիչներին: Գործընթացը սկսված է, վերջին 3 ամիսներին բոլոր անավարտ շինությունները ուսումնասիրվել են: Գյուղական բնակավայրերի բնակիչների մի մասը բնակարան ստանալու իրենց իրավունքը վերականգնել են դատական կարգով, հիմնականում 1 սենյակի հավակնող բնակարանների վերաբերյալ, այս տարի արդեն 3 ընտանիք ստացել է գումարը: Կառավարության նոյեմբերին ընդունված որոշումով եւս 4 ընտանիքների համար քայլեր են ձեռնարկվել: Խնդիր է լուծվել Սպիտակ քաղաքում՝ մեկ սենյակի հավակնող 50 ընտանիքների համար՝ 4.5 մլն դրամ փոխհատուցմամբ:

Վանաձորում խնդիրը լուծված է, 3 ընտանիք ինչ-ինչ պատճառներով դուրս մնաց, իսկ Ստեփանավանում պետական բազմաբնակարան շենքերում բնակարան կորցրած ընտանիքների խնդիրը լուծված է, բայց այնտեղ կա շատ լուրջ խնդիր՝ Աշոտաբերդ թաղամասը, մարզպետն ամեն անգամ խնդիրը բարձրաձայնում է, ներկայումս եւս քննարկվում է, բայց կոնկրետ ասելիք, այս ուղղությամբ, ցավոք չունեմ հիմա:

- Պարոն Ասլանյան, տրոհված ընտանիքների մասով ի՞նչ կասեք:

- Տրոհված ընտանիքների հետ կապված խնդիրներ, իհարկե եղան: Գյուղական բնակավայրերում բնակապահովման խնդիրները կանոնակարգվում են կառավարության 2008թ.-ի նոյեմբերի 13-ի 1337 որոշմամբ, այնտեղ հստակ նշված է, թե ովքեր են ծրագրի շահառու համարվում: Ցավոք, տրոհման խնդիրները դուրս են մնում այս ծրագրի շրջանակներից:

Վանաձորի մյուս խնդիրն էլ այն է, որ կան տնակային ավաններ, բայց տնակային ավաններում բնակվում են հիմնականում ոչ աղետի հետեւանքով անօթեւան մնացած ընտանիքները:

- Նշեցիք, որ պետական բնակարաններ կորցրած ընտանիքների խնդիրը կարելի է ավարտված համարել, իսկ սեփական բնակարաններ կորցրած ընտանիքների մասով, կարծես թե, ոչինչ չի արվում...

- Շատ ծանր հարց եք տալիս, շատ…568-ից ավելի ընտանիք Սպիտակում, 330 ընտանիք՝ Ստեփանավանում եւ 56 ընտանիք՝ Վանաձորում: Չկա այդպիսի ծրագիր: Եկեք ազնիվ լինենք, սեփական բնակելի տները մարդիկ միշտ կառուցել են իրենց ուժերով ու միջոցներով, լավ կլինի, որ պետությունը կարողանա մի օր անդրադառնալ այդ հարցին, չէ որ այդ մարդիկ էլ են մեր քաղաքացիները:

- Պարոն Ասլանյան, Վանաձորում աղետի հետեւանքով 84 երրորդ աստիճանի վթարային շենք կա, որտեղ հազարավոր մարդիկ են ապրում: Ի՞նչ քայլեր են տարվում պետության կողմից այդ ուղղությամբ:

- Այդ ուղղությամբ, ցավոք, որեւէ աշխատանք ներկայումս չի տարվում:

Տպել
1646 դիտում

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը

Ծաղկաձորում կազմակերպվում է եռօրյա միջոցառում՝ հայերեն Վիքիպեդիայում բժշկական հոդվածների ստեղծման համար

ՀՀԿ-ն ներկայացրել է ռեյտինգային ընտրակարգով առաջադրված թեկնածուներին

ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Քննարկվում է 500 մլն դոլարի ներդրման ծրագիր, կառուցվելու է մի քանի գործարան. Նիկոլ Փաշինյան

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ

Վայոց ձորի կադաստրի մարզային ստորաբաժանման աշխատակիցները դիմում են վարչապետ Փաշինյանին

Ապահովել որակ եւ արագացնել կառուցապատման տեմպերը. Արշակյանն այցելել է Թալին-Լանջիկ ճանապարհահատված

Կոռուպցիան՝ բուժհաստատություններում. պետությանն ավելի քան 500 մլն դրամի վնաս է հասցվել. հարուցվել է 41 քրեական գործ