Ամեն մեկ էլ կարար դառնար քյոռ գլուլլի բաժին. վկան՝ Չարբախի աղմկոտ սպանության մասին

Շենգավիթ վարչական շրջանի ընդհանուր իրավասության դատարանում դատավոր Նելլի Բաղդասարյանի նախագահությամբ այսօր շարունակվեց «Լիա» գեղեցկության սրահի կից նկուղում անցած տարի նոյեմբերին տեղի ունեցած աղմկոտ սպանության գործով դատական նիստը:

Շենգավիթ վարչական շրջանում գործող «Լիա» գեղեցկության սրահի նկուղային հարկում կրակոցներ էին հնչել, որի հետեւանքով 25-ամյա Գեւորգ Ավետիսյանը տեղում մահացել է, իսկ հրազենային վիրավորում ստացած 38-ամյա Մուշեղ Մուշեղյանը եւ 35-ամյա Արամ Պետրոսյանը տեղափոխվել էին «Սուրբ Աստվածամայր» բժշկական կենտրոն: Ավելի ուշ, ստացած վնասվածքներից մահացել էր նաեւ Մուշեղ Մուշեղյանը:

Սույն քրեական գործով մեղադրվում են քրեական հեղինակություններ Ալիկ Բանդուրյանը (Նորատուսցի Ալիկ), նրա թիկնապահ, Բդո մականունով հայտնի Արմեն Գասպարյանը եւ Չարբախցի Գեղամ մականունով հայտնի Պետրոս Իսրայելյանը:

Այս փուլում հարցաքննվում են գործով անցնող վկաները: Այսօր դատարանում հարցաքննվեց վկա Արման Հարությունյանը: Նա նշեց, որ ճանաչում է միայն ամբաստանյալներից Գեղամին (Պետրոս Իսրայելյանին), ով իր ընկերոջ՝ Գոռի հայրն է, ճանաչել են ուսանողական տարիներից, նորմալ հարաբերությունների մեջ են գտնվում: «Գեղամ ո՞ւմ նկատի ունեք»,- հետաքրքվեց դատավորը, «Գեղամին, էն որ ակնոցներով նստած ա»,- պատասխանեց վկան՝ ցույց տալով ամբաստանյալի աթոռին նստած Պետրոս Իսրայելյանին: Դատավորը եւես մեկ անգամ ճշտեց. «Պետրոս Իսրայելյանի՞ն նկատի ունեք», վկան պատախանեց, որ նրան ճանաչում է ոչ թե որպես Պետրոս Իսրայելյան, այլ՝ որպես Գեղամ : «Այդ օրը ես ու Արսենը...»,- այսպես սկսեց դեպքի մասին պատմել վկան, երբ հանկարծ դատավորը նրան ընդհատեց եւ ճշտեց, թե այդ օրը ո՞ր օրն էր: «Կոնկրետ չեմ հիշում, ինչ-որ տոն չի եղել, որ մոտս ցուցում անեմ, ձմեռ էր, ցուրտ էր»,- ասաց վկան: Նշենք, որ դեպքը տեղի է ունեցել 2016 թվականի նոյեմբերի 13-ին: Վկա Արման Հարությունյանը պատմեց, որ դեպքի օրն իր ընկերոջ՝ Արսենի հետ գնացել են Գեղամին տեսնելու՝ նպատակ ունենալով նաեւ օգտվել Գեղամին պատկանող վարսավիրանոցի ծառայություններից:

«Շենքի դիմաց շքամուքտի մոտ (նշենք, որ գեղեցկության սրահը երկու մուտք ունի,-հեղ.) մարդիկ կային հավաքված, ներքեւում տեսա Գոռին, այնտեղ էր նաեւ Արամիկը, Գեւորն, ով մի անծանոթի հետ վիճաբանում էր: Անծանոթը (սպանված Մուշեղ Մուշեղյանին,- հեղ.) Գեւորին սեռական բնույթի հայհոյանքներ էր տալիս ասելով՝ ինձնից ով կարա փող ստանան: Գեւորը փորձում էր նրան կարգի հրավիրել: Էդ ժամանակ անծանոթը ատրճանակը հանեց ու կրակեց Գեւորի վրա: Գեւորիկն էդ պահին դանակը հետեւից հանեց ու փաթաթվան իրար, ձայներ հնչեցին՝ տղեք էսի բայեվոյա կրակում, մենք էլ կյանքներս էինք ուզում փրկել, փախել ենք: Մնայինք էնտեղ, մեռնեի՞նք, որ վախը մտնում է մեջդ, քերելով էլ պիտի հելնես»,-պատմեց վկան՝ հայտնելով, որ սենյակում մոտ 7-10 մարդ կար,եւ ինքը այդ խոսակցությունից հասկացել է որ ինչ-որ գումարային հարցերի շուրջ են վիճում: «էդ պահին չէի գնացել մարդ հաշվելու»,- ասաց նա: Մեղադրող դատախազ Գեւորգ Գեւորգյանի հարցին, թե Պետրոս Իսրայելյանին տեսե՞լ է այդտեղ, վկան ասաց, որ նկատել է, բայց չի հիշում որտեղ:

Վկայի հիշելով՝ հայհոյելուց հետո անծանոթը կրակել է Գեւորգի վրա, ով էլ իր հերթին դանակով հարվածել է անծանոթին: «Դանակը չեմ կարող ասել մետաղ էր, թե պլաստմաս: Ակնթարթներ է տեւել, անծանոթն անկանոն կրակում էր»,- պատասխանեց վկան:

Դատախազի հարցին, արդյո՞ք Գեղամը չէր փորձում միջամտել, վկան պատասխանեց, որ չի տեսել: Մյուս հարցին, թե ինչ-որ մեկը փորձել է մոտ գալ վիճաբանողներին, Արման Հարությունյանն ասաց. «Անկանոն կրակոց էր, էդ պահին ամեն մեկն էլ կարար դառնար քյոռ գլուլլի բաժին, եթե մարդու ձեռքում զենք կա, ո՞վ ա գժվել մոտ գնա»: Պետրոս Իսրայելյանի պաշտպան Միհրան Պողոսյանի հարցին, թե սենյակում մահակներ, բահի կոթեր, երկաթներ նկատե՞լ է, վկան բացասական պատասխան տվեց: Հարցին, իսկ ի՞նչ էր անում իր հետ վարսավիրանոց գնացած Արսենը, վկան պատասխանեց, որ նրան տեսել է վազելուց: Պաշտպանի հարցին՝ տարածքն այնքան մեծ էր, որ կարող էին վազել. «Տարածքում չէին կարա վազքի մրցույթ կազմակերպեին»,- այսպիսի պատասխան տվեց Հարությունյանը: Մեղադրող դատախազ Քյարամյանի հարցին, թե մոտավոր քանի քառակուսի մետր էր սենյակը, փոքր է՞ր , թե՞ ոչ, վկան հեգնական պատասխան տվեց. «Ռեմոնտը ես չեմ արել»: Ի պատասխան դատախազն ասաց, որ դա պարզից էլ պարզ է, որ սենյակի վերանորոգումը վկան չի արել:

Նշենք, որ այս գործով, որպես վկա էր ներգրավված նաեւ Ճվճվ Արո մականվամբ հայտնի Արա Վարդանյանը: Նախագահող դատավոր Նելլի Բաղդասարյանը կողմերին առաջարկեց ծանուցել նաեւ այս վկային, սակայն Պետրոս Իսրայելյանի պաշտպան Միհրան Պողոսյանը դատարանին տեղեկացրեց, որ Արա Վարդանյանը մահացած է: Նշենք, որ դատարանում հիշյալ վկայի մահացած լինելու փաստը հաստատելուց հետո, կհրապարակվի նրա նախաքննական ցուցմունքը:

Մեր տեղեկություններով, Ճվճվ Արոն մոտ հարաբերությունների մեջ է եղել դեպքի օրը սպանված Մուշեղ Մուշեղյանի հետ. նա նույնպես ֆինանսական խնդիրներ է ունեցել Չարբախցի Գեղամի հետ:

Դատարանն այսօր որոշեց հիշեցում ուղարկել ոստիկանություն, գործով վկա Դավիթ Հախանումյանին բերման ենթարկելու վերաբերյալ: Հիշեցնենք, որ Դավիթ Հախանումյանը քրեական հեղինակություն Երրորդմասցի Լյովիկի եւ նրա երկու ընկերների սպանության գործով կալանավորված Տլե մականունով հայտնի Սարգիս Հախանումյանի եղբայրն է:

Սույն գործով հաջորդ դատական նիստը տեղի կունենա դեկտեմբերի 13-ին՝ ժամը 14:00-ին:

Հ.Գ. Ի դեպ, այս գործը լուսաբանելիս Նորատուսցի Ալիկից եւ Չարբախցի Գեղամից պարբերաբար երկու կրկնվող լուսանկար ենք հրապարակում, քանի որ դատարանը՝ դատավոր Նելլի Բաղդասարյանի նախագահությամբ արգելել է լրագրողներին տեսա-լուսանկարահանել դատական ողջ նիստը: Նույն պատճառով հնարավորություն չունենք սույն նյութի հետ հրապարակել վկա Արման Հարությունյանի լուսանկարը:

Տպել
2064 դիտում

«Ընթացակարգեր կան». Սեյրան Օհանյանը` «գեներալական սխոդկայի» լուրերի մասին. Ժողովուրդ

ԱԳՆ-ում հայտնվելու ամենահավանական թեկնածուն համարվում է Արմեն Աշոտյանը. Հրապարակ

ԱԱԾ պաշտոնյան հանցագործ է. ներգրավված են նրա մայրն ու քույրը. Ժամանակ

Արգելափակված մեքենա ու ձորն ընկնելու վտանգ. տեղացած ձյունը՝ արտակարգ իրավիճակների պատճառ

3 օր տեղումներ կլինեն, այնուհետ ջերմաստիճանը կտրուկ կբարձրանա մինչեւ 13 աստիճան

Ադրբեջանի ԱԳՆ-ն կոչ է անում ՅՈՒՆԵՍԿՕ-ին միանալ Ղարաբաղում անցկացվելիք մոնիթորինգին

Ֆրանկոֆոնիայի Բուխարեստի գրասենյակում քննարկվել է ՀՀ-ում անցկացվելիք գագաթնաժողովի ընթացքը

ՀՀ-ն ընգրկվել Է ՄԱԿ-ի Պատվո ցանկում՝ մոտ 146 000 դոլար անդամավճարը պարտաճանաչ տալու համար

Մոսկվայի քաղաքապետը պարգեւատրել է լրագրողներին, պարգեւ է ստացել նաեւ Արթուր Գասպարյանը

Երեւանցի 19-ամյա աղջիկն արդեն 21 օր է՝ համարվում է անհետ կորած

Ծնվել է Քարդաշյան-Ուեսթ զույգի երրորդ երեխան

Հայաստանի մի մասում ձյուն է տեղում, որոշ ճանապարհների առկա է մառախուղ ու մերկասառույց

Ապագա նախագահը քաղաքականության մեջ երբեւէ չեղած անկուսակցական պետք է լինի. Սերժ Սարգսյան

Ավտովթար Լոռիում. վիրավորներից 2-ը երեխաներ են (լուսանկարներ)

Անհատ ձեռներեցները տաքսու լիցենզիա այլեւս չեն ստանա. նոր նախագիծ է մշակվում

Փաստաբանի ահազանգից հետո Հովհաննես Հարությունյանը ենթարկվել է վնասվածքաբանի հետազոտության

Վրաստանում հարձակման ենթարկված հայաստանցի գործարարը դուրս է գրվել, գտնվում է տանը

Սերժ Սարգսյանը Հովհաննես Չեքիջյանին հանձնել է Հայրենիքի շքանշանը (լուսանկարներ)

Հարկերի հավաքագրումը հնարավոր է նաեւ առանց հարկային բեռի մեծացման

Սերժ Սարգսյանին զեկուցելուց հետո դատախազությունը զեկուցում է հասարակությանը