Ադրբեջանական սննդամթերքի ներմուծումը չի վերահսկվում. հերթական դեպքն ուսումնասիրվում է

ՀՀ պետական եկամուտների կոմիտեն ուսումնասիրություն է սկսել մամուլում այսօր հրապարակված այն լուրի վերաբերյալ, որի համաձայն՝ Երեւանում ադրբեջանական արտադրության կոնֆետներ են վաճառվել: ՊԵԿ լրատվականից armtimes.com-ին տրամադրված պարզաբանման մեջ ասված է. «Առավոտ» օրաթերթի այսօրվա համարում տպագրված լուրի առնչությամբ ՀՀ ԿԱ ՊԵԿ-ն անհրաժեշտ է համարում տեղեկացնել, որ Ադրբեջանում արտադրված կոնֆետի վաճառքի փաստի վերաբերյալ կոմիտեում կատարվում է ուսումնասիրություն: Արդյունքների մասին լրացուցիչ կտեղեկացվի»:

Նյութի հեղինակը գրել էր, որ Երեւանում իր տան մոտ գտնվող խանութից է գնել կոնֆետներ։ «Փորձելուց հետո, քանի որ հին էին ու տհաճ համ ունեին, սկսեցինք փնտրել արտադրողին։ Առաջին երկու թղթի վրա ոչ մի նշում չգտանք, իսկ երրորդի վրայի գրությունը խոշորացույցով վերծանեցինք՝ «Շիրին» ԲԲԸ, Բ. Բունյաթովի փողոց 17ա, Բաքու, Ադրբեջան»,- նշել էր հոդվածագիրը:

Նշենք, որ ադրբեջանական ծագման սննդամթերքի ներմուծման մասին բազմաթիվ դեպքեր են գրանցվել: Կոնկրետ կոնֆետի դեպք կրկին «Առավոտ» օրաթերթն արձանագրել էր այս տարվա հուլիսին՝ Վանաձորում, սակայն սննդի անվտանգության ծառայության աշխատակիցներն այդպես էլ չէին կարողացել գտնել կոնֆետները վաճառքի հանած խանութը:

Դրանից առաջ էլ ադրբեջանական խնձորներն էին հայտնվել հայկական շուկայում, որը մեծ աղմուկի պատճառ դարձավ: Այդ ամենի հետո ՀՔԾ-ն հայտարարեց, որ օբյեկտիվ, լրիվ եւ բազմակողմանի նախաքննություն կատարելու նպատակով` գյուղատնտեսական տարբեր ապրանքների, այդ թվում` ադրբեջանական ծագման խնձորի ապօրինի ներկրումների եւ ՀՀ ԿԱ ՊԵԿ աշխատակիցների կողմից կաշառք ստանալու դեպքերի վերաբերյալ ծառայությունում քննվող երկու քրեական գործերը միացվել եւ քննվում են մեկ վարույթում: Քննությամբ պարզվել էր, որ մի շարք ձեռնարկատերեր՝ առանց անհրաժեշտ մաքսային ձեւակերպումների ապօրինի ճանապարհով ներկրել են առեւտրային քանակի միրգ-բանջարեղեն, ինչին նպաստել են ՀՀ ԿԱ պետական եկամուտների կոմիտեի աշխատակիցները, ովքեր դրա դիմաց հիշյալ անձանցից պարբերաբար տարբեր չափերի կաշառքներ են ստացել: Նշված հանցավոր արարքները կատարելու համար 4 քաղաքացու եւ ՊԵԿ 4 պաշտոնյայի մեղադրանքներ են առաջադրվել: Մինչ օրս այս գործի վերաբերյալ այլ մանրամասներ հայտնի չեն:

Նախորդ տարի էլ մեծ աղմուկ բարձրացավ «Նուտրիլիոն» («Nutrilion») մանկական կաթնախառնուրդային կերի տուփի վրա ադրբեջաներեն նշումների պատճառով: Հետագայում հերքվեց մանկական կերի ադրբեջանական ծագման մասին լուրը:

Տպել
7031 դիտում

Պլյուշչենկոն օրերս 3-րդ անգամ Երեւանում կներկայացնի Սառույցի արքաներ շոուն. կլինի պրեմիերա

ԱՀԿ-ում ներկայացվել է «ԵԱՏՄ-ում ՀՀ անդամակցության մասին» համաձայնագիրը

Ամերիկահայությունը մեր ամենակազմակերպված համայնքներից մեկն է. Բակո Սահակյան

Փաշինյանի որոշմամբ ստեղծվում է Գերիների, պատանդների եւ անհայտ կորած անձանց հարցերով զբաղվող միջգերատեսչական հանձնաժողով

Սահակաշվիլին իրեն ընչազուրկ է անվանել

Վաշինգտոնում ամերիկահայ գործարարները աջակցում են միմյանց բիզնեսներին

Մնացականյանը Եվրոպայում ներկայացրել է ՀՀ-ում բարեփոխումների ուղղությամբ շոշափելի ձեռքբերումները

Տնտեսական ակտիվությունը աճել է 3 տոկոսով, արդունաբերությունը՝ 8.1 տոկոսով

Վաղվանից Հայաստանի զգալի մասում սպասվում են տեղումներ, հիմնականում՝ ձյան տեսքով

Նիկոլ Փաշինյանն այսօր մեկնում է Արագածոտնի մարզ. հանդիպումներ կլինեն Աշտարակում եւ Ապարանում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250-ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները

Շերեմետեվո օդանավակայանի թռիչքուղում ինքնաթիռը ոչ թե կենդանու, այլ մարդու է հարվածել՝ ՀՀ քաղաքացու

ԿԸՀ-ն հրապարակել է ընտրողների թիվը մարզերում ու Երևանում. մարզերից ամենաշատ ընտրողները Կոտայքում են

Անցկացվել են հայ-գերմանական երկկողմ ռազմաքաղաքական խորհրդակցություններ

ԲՀԿ-ն արտահերթ ընտություններին կմասնակցի 169 թեկնածուով, 7 հոգին ինքնաբացարկ է հայտնել

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար