Արսեն Ջուլֆալակյանի նախաձեռնությամբ հունվարին հայ մարզիկները սեմինարների կմասնակցեն

Օլիմպիական խաղերի արծաթե մեդալակիր, Աշխարհի ու Եվրոպայի չեմպիոն Արսեն Ջուլֆալակյանի նախաձեռնությամբ՝ հայ մարզիկների համար սպորտը ուսման հետ համատեղելու եւ սպորտը թողնելուց հետո սահուն կերպով այլ մասնագիտություններով աշխատանքի անցնելու թեմաներով սեմինարներ կլինեն: Այս տարվա նոյեմբերին հունահռոմեական ոճի ըմբիշը Լոզանում մասնակցել էր Միջազգային օլիմպիական կոմիտեի մարզիկների միջազգային համաժողովին, որի ժամանակ այս հարցերը քննարկվել են, եւ նրա մեջ նման գաղափար է առաջացել: Armtimes.com-ի հետ զրույցում մարզիկը նշեց, որ այս ընթացքում նախ փորձել է լուծել ֆինանսական կողմը:

«Փորձեցի այնպես անել, որ բյուջեի առումով Հայաստանից հնարավորինս կախում չլինի, եւ ամբողջ ծախսը լինի միջազգային կառույցների վրա, որովհետեւ հասկանում էի, որ, եթե հույս դնենք տեղի բյուջեի վրա, ամենայն հավանականությամբ չէր ստացվի: Համաձայնվեցին, որ կարող են աջակցել»,- ասաց նա՝ ավելացնելով, որ ծախսերը հիմնականում փակելու է ՄՕԿ-ը:

Ծրագրված է, որ սեմինարներն անացկացվեն 2018 թ. հունվարին, երբ շատ հավաքականներ ուսումնամարզական հավաքներ են անցկացնում: Արսեն Ջուլֆալակյանը ՄՕԿ-ի ներկայացուցիչներին խորհուրդ է տվել հենց հավաքների ժամանակ կազմակերպել սեմինարները, որպեսզի մարզիկներին լրացուցիչ հավաքելու, հյուրանոցային եւ այլ ծախսեր հոգալու խնդիրներ չառաջանան: Մինչեւ հունվար պետք է լուծվի նաեւ սեմինարավարների հարցը:

«Խորհուրդ տվեցի ե՛ւ ինձ ներգրավել՝ որքան ժամանակս կների, ե՛ւ այլ կամավորների: Գործը կամավորական է, ոչ թե վճարովի: Կփորձեմ 2-3 այլ կամավորներ գտնել, որոնք վերապատրաստվելուց հետո կարող են իրենց փորձը փոխանցել մեր մարզիկներին»,- ասաց նա:

Արսենը նաեւ հայտարարել էր, որ անձնական բանակցությունների շնորհիվ պայմանավորվածության է եկել, որ 1-2 հայ մարզիկ ՄՕԿ-ի հաշվին կրթություն ստանա եվրոպական կամ ամերիկյան համալսարանում, միաժամանակ կարողանա մարզվել ու հանդես գալ ՀՀ դրոշի ներքո: Նման հնարավորություն ստանալու համար մարզիկները պետք է համապատասխանեն ՄՕԿ-ի որոշ չափանիշների, իսկ Հայաստանում դրանց համապատասխանող թեկնածուներ գտնելը հեշտ չէ:

«Այդ հարցում լրացուցիչ խնդիր առաջ եկավ: Նախ բանակի հարցն է, որովհետեւ ես չգիտեմ՝ եթե մարզիկը տարկետման իրավունք չունի կամ եթե ունի, բայց, օրինակ, 2 տարին անցել է, 2-ն է մնացել, իսկ դրսում բակալավրը 4 տարի է, թույլ կտա՞ն, որ նա գնա, թե՝ ո՛չ: Այլ պահանջ էլ կա. պետք է գոնե միջնակարգ դպրոցը ավարտած լինի լավ գնահատականներով: Անպայման պետք է նաեւ, որ բարձրակարգ մարզիկ լինի, օրինակ, աշխարհի կամ Եվրոպայի պատանեկան կամ երիտասարդական առաջնությունների մրցանակակիր: Իսկ այսօր Հայաստանում գտնել մարզիկ, որը ե՛ւ ուսման մեջ է առաջադեմ, ե՛ւ սպորտի մեջ, ե՛ւ բանակի խնդիր չունի, բավական բարդ է»,- ասաց նա:

3 ծնող Արսենին դիմել է, սակայն նրանցից յուրաքանչյուրի երեխան նշված չափորոշիչներից առնվազն մեկին չի համապատասխանել: Նա բացատրել է, որ որոշողը եւ օրենքներ սահմանողը ոչ թե ինքն է, այլ ՄՕԿ-ը, եւ եթե անգամ ինքը ներկայացնի չափանիշներին չհամապատասխանող մարզիկի թեկնածությունը, նա միեւնույն է չի ընտրվելու:  

Տպել
1159 դիտում

Չավուշօղլուն կմեկնի Բաքու` մասնակցելու արտգործնախարարների խորհրդի 39-րդ նիստին

Սպանված ոստիկան Յուրի Տեփանոսյանի կինը ներգրավվել է որպես իրավահաջորդ՝ փոխարինելով տուժողի հորը

Դեկտեմբերի 13-ին Երևանում կկատարվեն երթեւության կազմակերպման փոփոխություններ

Առանձին դեպքերում նկատվել են վարչական ռեսուրսի չարաշահման դեպքեր. ՔՈ հայտարարությունը

Վիճակագրական կոմիտեի նախագահ Ստեփան Մնացականյանն արձակուրդ է գնում

Փրկարարները կանխել են 9-րդ հարկից նետվել սպառնացող մարդու ինքնասպանության փորձը

Փոխվարչապետի որոշմամբ սահմանվել են քաղծառայողի փորձաշրջանի հետ կապված առանձնահատկությունները

Վաչագան Ղազարյանի խափանման միջոցի վերաբերյալ որոշումը կհրապարակվի 4 ժամից. նա մասնակցել է նիստին եւ հայտարարություն արել

Ժամը 20:00-ի դրությամբ բքի և տեսանելիության բացակայության պատճառով Վարդենյաց լեռնանցքը փակ է

Հինգ տարի հետո մեր դպրոցն անճանաչելի է դառնալու. Արայիկ Հարությունյան

Ըստ մեղադրանքի՝ որովայնը մարմնի ո՞ր մասն ա. Սաշիկ Սարգսյանի որդու համար պարզ չէ մեղադրանքի էությունը

Քրիստինե Սարգսյանը նշանակվել է «Առողջապահական ծրագրերի իրականացման գրասենյակ»-ի տնօրենի ԺՊ

Հարուցվել է քրեական գործ՝ կրկնակի քվեարկության փորձ կատարելու դեպքի առթիվ. ՔԿ

Գոռ Մինասյանը ճանաչվել է Գյումրու 2018-ի լավագույն մարզիկ

Չարենցավանում Փաշինյանը հորդորեց դասի գալ, մարզպետը նշանակեց տնօրենին, ծնողները դժգոհ մնացին

N17 հատուկ դպրոցի խորհուրդն այսօր չկարողացավ տնօրեն ընտրել. իսկ կարգը կխախտվի՞

Քրիստինե Սարգսյանը նշանակվել է Առողջապահական ծրագրերի իրականացման գրասենյակի տնօրենի պաշտոնակատար

Բքի և վատ տեսանելիության պատճառով Քուչակ-Ապարան հատվածը դժվարանցանելի է

Հայաստանը շարունակում է ջանքեր գործադրել խաղաղապահ կարողությունների զարգացման ուղղությամբ

Հայ ծնողների կողմից Ռուսաստանում լքված 3 ամսական փոքրիկը տեղափոխվեց Հայաստան (տեսանյութ)