Թանկացումները սովորական են, աշխատատեղերի պակասը՝ նույնպես, կրճատումները շարունակվելու են

Երեկ ԱԺ հերթական նիստին կառավարության անդամները պատասխանեցին պատգամավորների հարցերին: Բայց, ինչպես ընթացքը ցույց տվեց, շատ դեպքերում ոչ թե պատասխանեցին, այլ ընդամենը շրջանցեցին, ինչը բնորոշ է ոչ ժողովրդավար քաղաքականություն վարող կառավարությանը:

Պատգամավոր Գևորգ Պետրոսյանի հարցին՝ թե ՀՀ նախագահը 2013 թվականի մարտի 18-ին բառացիորեն հանդես է եկել հետևյալ  քաղաքական հորդոր-հանձնարարականով, որ ՀՀ այն կառավարությունները, որոնք չեն ապահովի 7 տոկոս տնտեսական աճ, պետք է հրաժարական տան եւ ակնհայտ է, որ այս տարին մենք չենք եզրափակում 7 տոկոս տնտեսական աճով, ուստի կառավարությունը կատարելո՞ւ է պետության գլխի հորդորը թե՞ ոչ, փոխվարչապետ Վաչե Գաբրիելյանը պատասխանեց.

«Կառավարությունները ձևավորվում են քաղաքական գործընթացների ընտրությունների առթիվ, որից հետո ներկայացնում են ծրագիրը, որը հաստատում է  ԱԺ-ն: ԱԺ-ն հաստատած ծրագիրը հստակորեն ամրագրում է այն թիրախները, որոնք դրված են դրա հիմքում»:

Պարզվում է, որ կառավարության ծրագրով հաստատված թիրախներում դրված են այլ տնտեսական աճի ցուցանիշներ, բայց թե որոնք են այդ ցուցանիշները, որից ժողովուրդը օգուտ չունի, դժվար է ասել: Ու քանի որ պատասխանը հարցի հետ ոչ մի առնչություն չուներ, պատգամավոր Պետրոսյանն արձագանքեց՝ «Շնորհակալություն հարցիս չպատասխանելու համար»: Փոխվարչապետն էլ շնորհակալություն հայտնեց իրեն «համբերատար լսելու համար»: Նա, թերեւս, պետք է  ժողովրդից էլ շնորհակալություն հայտներ համբերատար դիմանալու եւ գոյատեւելու համար։

Պատգամավոր Շաքե Իսայանը կառավարությունից հետաքրքրվեց, թե «ինչո՞ւ է մեր 30 տոկոս աղքատություն ունեցող երկրի վրա միայն համաշխարհային գնաճն ազդում, և ինչո՞ւ, եթե կարագը թանկանում է Եվրոպայում, մեզ մոտ էլ է թանկանում, իսկ երբ կաթնամթերքի գինը նվազում է, մեզ դա չի վերաբերվում: Արդյո՞ք կառավարությունն այդ կերպ է տնտեսական աճն ուզում ապահովել»: Հարցին դարձյալ պատասխանեց, կամ ավելի ճիշտ՝ փորձեց տակից դուրս գալ փոխվարչապետ Վաչե Գաբրիելյանը:

Նա ասաց, որ թանկացումներից խոսելիս լավ կլիներ, որ նշեին նաեւ, որ ձավարեղենի գինը նվազում է: «Իսկ կարագը թանկացել է բոլոր երկրներում»,- ասաց փոխվարչապետը: Ինչ խոսք՝ սփոփիչ բացատրություն է, հավանաբար Հայաստանում ձվի թանկացումն էլ է կապված կարագի թանկացման հետ:

Շաքե Իսայանին, բնականաբար, պատասխանը չբավարարեց, նա նկատեց, որ փոխվարչապետը, ինչպես կառավարության մնացած ներկայացուցիչները, փորձում են «հարցը շրջանցել»: «Դեռ ամառվանից կառավարությունը տեղյակ էր զելանդական կարագի թանկացման մասին, արդյո՞ք որևէ քայլ կատարվել է հայ վերամշակողների հետ, որովհետև այս ամենը բերում է մի պարզ ճշմարտության, որ սխալ քաղաքականության արդյունք է: Եւ այստեղ չենք կարող չհամաձայնվել այն փորձագետների հետ, որոնք պնդում են, որ այս գնաճը ձեռնտու է միայն կառավարությանը, որովհետև եթե հարկահավաքի տեսանկյունից ես նայում որքան թանկ են վաճառում ապրանքը, այդքան շատ է շրջանառության հարկը»,- ասաց պատգամավորը, իսկ փոխվարչապետը ի պատասխան փնովեց փորձագետներին. «Փորձագետների կարծիքը սնանկ է, և տեղին չէ խոսել գնաճի մասին»:

Պատգամավոր Տիգրան Ուրիխանյանի հարցն ուղղված  կառավարությանը՝ վերաբերում էր օպտիմալացումներին. «Այս կառավարության օպտիմալացման հետևանքով որքա՞ն մարդ կրճատվեց կամ կորցրեց աշխատանքը»,- ասաց նա:

Այս անգամ Վաչե Գաբրիելյանը որոշեց մի քիչ հանգստանալ, «տակից դուրս գալու» պատվավոր գործը դրվեց ֆինանսների նախարար Վարդան Արամյանի ուսերին, ով ասաց, որ «խոսքը այս դեպքում ոչ թե մարդկանց մասին է, այլ հաստիքների, և նույն ֆինանսների նախարարությունում կրճատվեց հաստիքների 15 տոկոսը, ինչը հանգեցրեց շուրջ 300 միլիոն դրամի խնայման, որը վերաուղղվել է այլ նպատակների»: Իր գործընկեր Վաչե Գաբրիելյանի գնաճի վերաբերյալ պատասխանին Վարդան Արամյանն ավելացնելու բան ուներ, նա ասաց, որ հանրությունը երբեք չի արձագանքում, երբ գները չեն փոփոխվում: 

Տիգրան Ուրիխանյանը նորից կրկնեց հարցը՝  ասելով, թե որքա՞ն մարդ է ազատվել աշխատանքից, և հիշեցրեց, որ հաստիքները ռոբոտներ չեն, այլ մարդիկ: Բացի այդ, նա հետաքրքրվեց, թե որքա՞ն աշխատատեղ է բացվել:

Նախարար Արամյանը ասաց, որ «օպտիմալացումը ոչինչ չի փոխել, դեռ մի բան էլ մարդկանց զբաղվածությունը երկրում 40 տոկոսով աճել է»: Նախարարը, թերեւս ճիշտ է, որ զբաղվածությունն աճել է, սակայն դա ոչ թե պետության ստեղծած աշխատատեղերի շնորհիվ է, այլ տարբեր օլիգարխ-պաշտոնյաների մասնավոր բիզնեսների, որոնցից նրանք միլիոնների եկամուտ են ստանում, իսկ բնակչության համար 60-80 հազար ամսական աշխատավարձով զբաղվածություն ապահովում: 

Իսկ Աժ-ում կառավարության հետ երեկվա հարցուպատասխանից հասկանում ենք, որ երկրում էական փոփոխություններ չեն սպասվում, թանկացումները սովորական են, աշխատատեղերի պակասը՝ նույնպես, կրճատումները շարունակվելու են, իսկ կառավարությունը ցանկացած պարագայում  հրաժարական չի տալու:

Նիկոլայ Ավետիսյան

Տպել
2619 դիտում

Երկու տուն-ինտերնատից խարդախության եղանակով հափշտակվել է խոշոր չափերի գումար․ ՔԿ

Երեւանի բյուջեի նախագիծը՝ խոշորացույցի տակ. ավագանու նիստը խոստանում է թեժ լինել

Հայաստանն ազատականացնում է էլեկտրաէներգիայի շուկան․ նախարարը հանդիպել է ԱՄՆ ՄԶԳ փոխնախագահին

Մենք պատրաստ ենք փրկել եւ վերակենդանցնել Հայֆիլմի բրենդը․ նամակ՝ Նիկոլ Փաշինյանին

Հանրապետության նախագահը մեկնել է կարճատեւ արձակուրդ

Բոլորիս հաղթանակն է․ փոքրիկ Գոռը, որը տեւական ժամանակ քաղցկեղ ուներ, առողջացել է

Ռուսաստանը հույս ունի, որ Հայաստանը կկարողանա դիմադրել ԱՄՆ շանտաժին. Կարասին

Ի՞նչ են պայմանավորվել Երեւանն ու Բաքուն․ ՀՀ ԱԳՆ-ն արձագանքել է Մամեդյարովի հայտարարությանը

Մարդ կա՝ գյուղում 3 հարկանի տուն ունի, բայց Վանաձորում տնակում է ապրում. Լոռու մարզպետ

Գյուղնախարարի պաշտոնակատարը կշարունակի՞ պաշտոնավարել. մանրամասնում է Գեղամ Գեւորգյանը

Իրո՞ք Ստամբուլը կդառնա XXI դարի մայրաքաղաք

Իրական ընդդիմության բացակայության պատճառները. հիմնական ընդդիմադիրի տիտղոսի համար մեծ ճակատամարտը սկսվել է

Ալեքսիս Օհանյանը շնորհավորել է «The Economist»-ի կողմից Հայաստանը տարվա երկիր ճանաչելու առիթով

Թրամփն Էրդողանին ասել է, որ «կդիտարկի» Գյուլենի արտահանձնման հնարավորությունը․ Սպիտակ տուն

Այնպիսի զգացողություն էր, ինչպես պարտվելու դեպքում կլիներ. Արամ Ավագյան

Ես վաղուց «Կենտրոն» հ/ը-ում չեմ աշխատում. Իվետա Տոնոյանը՝ իր եւ Ծառուկյանի միջեւ եղած կոնֆլիկտի մասին

Համազգայինի ժամանակավոր տնօրեն նշանակվեց Արման Նավասարդյանը. թատրոնում այդ պաշտոնի համար նա մրցակիցներ չունի

Իշխանությունը զբաղված է պաշտոններ բաշխելով, բայց անվտանգությունն ավելի կարեւոր է. Շարմազանով

Վրաստանի քաղաքացիներին իրավունք կտրվի օրինականորեն աշխատել Ֆրանսիայում

ՄԻՊ աջակցությամբ պարտադիր ժամկետային զինծառայողը վիրահատվել եւ վերականգնողական արձակուրդ է ստացել