Աշխատատեղեր ե՞րբ եք բացելու, հա ե՞րբ եք բացելու՝ վաղը չէ մյուս օրը. վարչապետն անտրամադիր է

Սպիտակի երկրաշարժի 29-րդ տարելիցի կապակցությամբ Գյումրիում ի թիվս շատերի, զոհերի հիշատակին հարգանքի տուրք մատուցեց նաեւ ՀՀ վարչապետ Կարեն Կարապետյանը: Գործադիր ղեկավարը Սուրբ Ամենափրկիչ եկեղեցու բակում տեղադրված հուշակոթողի մոտ ծաղկեպսակ  դրեց, սակայն հավաքված հարյուրավոր գյումրեցիներին ուղղված խոսքեր չեղան: Վարչապետին դիմում-խնդրանք ունեցող  գյումրեցիները հիմնականում հնարավորություն չունեցան մոտենալ նրան: Լրագրողները եւս մեծ դժվարությամբ կարողացան Կարեն Կարապետյանից լսել իրենց հարցերի պատասխանները: Դրանք հիմնականում վերաբերում էին անօթեւանության եւ գործազրկության խնդիրներին, որն էլ զայրացրեց վարչապետին:

«Որ հարց եք տալիս՝ աշխատատեղեր ե՞րբ եք բացելու, հա ե՞րբ եք բացելու, վաղը չէ մյուս օրն՝ ասե՞մ: Ամեն օր դրա վրա ենք աշխատում, պայմանները ստեղծում ենք, որպեսզի  բիզնեսը գա, աշխատատեղ ստեղծի, ի՞նչ պատասխանի եք սպասում: Մենք ունենք համալիր ծրագիր, կոնկրետ տնակների վերաբերյալ: Ես էս պահին ժամկետներով չեմ կարող ասել, բայց միանշանակ Գյումրիում կյանքի որակը փոխվելու է»,- ասաց նա: Ներկաներին վարչապետը վստահեցրեց, որ Գյումրու խնդիրները հաղթահարելի են, պետք է ուղղակի լավատեսությամբ դրան նայել եւ համապատասխանաբար աշխատել:

Նշենք, սակայն, որ աղետից 29 տարի անց Գյումրիում դեռ կան փլատակներ, կիսափուլ շինություններ: Ներկա պահին 88 վթարային շենք-շինություն է առկա՝ 1920 բնակարանով, որոնք բնակեցված են եւ յուրաքանչյուր պահի ենթակա փլուզման: Ժամանակավոր կացարանների եւ տնակների թիվը հասնում է 3000-ի:

Սրան զուգահեռ, ընթացիկ տարվա նոյեմբերին կառավարությունը ԲԳՎ ծրագրի ավարտով ազդարարեց 88-ի աղետի հետեւանքով անօթեւան մնացած եւ մինչեւ 2008 թվականի նոյեմբերի 1-ը բնակբաշխման հանրապետական հանձնաժողովին փաստաթղթեր ներկայացրած ու անօթեւան ճանաչված ընտանիքների նկատմամբ իր պարտավորության ավարտը:

ԲԳՎ ծրագրի այս տարվա վերջին փուլում վկայագիր ստանալու իրավունք ունեցած 84 ընտանիքից բնակարան է ձեռք բերել 83-ը: Վկայագրերի համար պետական բյուջեից հատկացվել է շուրջ 496 մլն դրամ: Մեկ ընտանիք վկայագրից հրաժարվել է սեփական կամքով: Իսկ ընդհանուր առմամբ՝ ԲԳՎ ծրագրի 3 փուլերում ընդգրկված 404 ընտանիքից բնակարանի գնման վկայագրից տարբեր պատճառաբանություններով հրաժարվել է 70-ը:

ԲԳՎ ծրագրից զատ, 88-ի աղետից հետո Շիրակի մարզում իրականացված բնակարանների կառուցման կամ վկայագրերի տրամադրման ծրագրերով բնակարանատեր է դարձել շուրջ 23 հազար ընտանիք, որից ավելի քան 21 հազարը Գյումրիում:  

Գյուղական բնակավայրերում եւս դեռ տնակներում ապրող անօթեւան ընտանիքներ կան: 19 համայնքում 170 ընտանիք բնակարան չունի դեռ:  

Տպել
3921 դիտում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին