Արփինե Հովհաննիսյանն ընդհատում էր ԱԺ պատգամավորների մեկ րոպե տեւողությամբ ելույթները

Երեկ եւ այսօր Ազգային ժողովում ընտանեկան բռնության թեմայով քննարկմանը պատգամավորները գրեթե շնչակտուր էին ելույթ ունենում: Մտքերի փոխանակման համար հերթագրված 16 պատգամավորներին տրված ժամանակը բավարար չէր իրենց տեսակետները լիարժեք հայտելու համար: Նրանք պետք է տեղավորվեին մեկ րոպեի մեջ ու բնականաբար չէին հասցնում խոսքն ավարտել: Բարձրախոսն անջատվելուց հետո նրանք դեռ շարունակում էին բոցաշունչ ելույթ ունենալ: Իսկ նիստը վարող ԱԺ փոխխոսնակ Արփինե Հովհաննիսյանը  հրամայող տոնով շեշտակի  ընդհատում էր ելույթ ունեցողներին, թույլ չտալով իրենց խոսքը լսելի դարձնել անգամ դահլիճում գտնվողների համար:

Մինչ կխոսեին պատգամավորները, արտահերթ ելույթով հանդես եկավ ԱԺ փոխնախագահ Էդուարդ Շարմազանովը: Սա դահլիճում  դժգոհություն առաջացրեց, քանի որ արտահերթ ելույթը իրենց՝ առանց այն էլ քիչ ժամանակից էր տանելու: Շարմազանովի վստահեցմամբ հիմնական խնդրահարույց կետերը քննարկումների շնորհիվ դուրս են հանվել սույն օրենքի նախագծից: Նա ներկայացրեց ավանդական ընտանիքի իր պատկերացումները, և նշեց որ ավանդական ընտանիք ասելով նկատի ունի կնոջ և տղամարդու կողմից ստեղծված համատեղ ընտանիք և պետք չէ սրա տակ այլ  ենթատեքստ փնտրել:  Նա ասաց, որ ինքն իրեն համարում է պահպանողական:

Տեղի ունեցած քննարկմանը պատգամավորները մի շարք հարցեր ուղղեցին ՀՀ արդարադատության փոխնախարար Վիգեն Քոչարյանին, սակայն ոչ բոլոր հարցերին տրվեցին սպառիչ պատասխաններ:

Պատգամավոր Գևորգ Գորգիսյանի հարցին, թե  ինչպես պետք է հոգա իր կեցության հարցն, այն անձն ով բռնություն գործադրելու  պատճառով հեռացվում է  ընտանիքից, Վիգեն Քոչարյանը պատասխանեց, որ մտահոգիչ է այդ փաստը, հույս ունենալով, որ շատ դեպքերում ընտանիքից օտարված անձը կհայտնվի դատական գործընթացի մեջ:  Վիգեն Քոչարյանն այստեղ միակ լուծումը տեսնում է անձին ձերբակալելու որոշման մեջ, ընդ որում բանտը դիտարկելով որպես ապաստարան: Ալկոհոլից,  թմրամոլությունից ազատվելու պարտադիր բուժման ուղարկվող անձանց համար գումարի տրամադրման, ինչպես նաև մի շարք այլ հարցերի պատասխաններ կամ  շրջանցվում էին, կամ էլ ժամանակը չէր բավարարում դրանց պատասխանելու համար:  

Նիկոլ Փաշինյանն հարց ուղղեց, թե արդոք կառավարությունն ունի սահմանած մեր ընտանեկան ավանդույթների և արժեքների հստակ  ցանկը, քանի որ ավանդական ընտանեկան արժեքներ ասելով շատերի խոսքի կոնտեքստից նկատվում են աբսուրդ բաներ, օրինակ, որ  « ընտանիքները որտեղ միայն մայրն ու երեխան են, կամ տատիկն ու թոռնիկը դրանք ընտանիք չեն»:  Վիգեն Քոչարյանը չհամաձայնեց Փաշինյանի կողմից հնչեցրած այդ եզրակացությանը: Իսկ ընդհանուր առմամբ, թե Նիկոլ Փաշինյանի և մնացած բոլորի կողմից հնչեցված կարծիքները որակեց որպես  առողջ քնննարկումներ և բանավեճեր, ասելով, որ դրանք ոչ թե մտահոգվելու առիթ են, այլ կարող են նպաստել մեր կյանքում գոյություն ունեցող այդ խնդրի բարելավման գործընթացին:

Անդրադառնալով  հնչեցված տարակարծիք այն հայտարարություններին, որ օրենքի ընդունումը կարգավորելու է ընտանեկան հարաբերությունները՝ մտնելով ընտանիքներ, Արփինե Հովհաննիսյանը նշեց, որ նման բան չի կարող լինել: Վերջինս  հայտնեց, որ կիսում է  Նիկոլ Փաշինյանի  կարծիքն ավանդական հայկական ընտանիք ասվածի հետ կապված, և որ  ընտանեկան հարաբերություններում չկա սահմանված կարգ և չի էլ կարող լինել, ասելով, որ յուրաքանչյուր անձ ընտանիքում ունի իր անհատական բանաձևումը: Ըստ Արփինե Հովհաննիսյանի, օրենքը կարգավորելու է  ընտանեկան այն հարաբերությունները, որոնք շեղվել են բնականոն հունից և որտեղ պետության աջակցությունն իրականում մարդը զգում է:

Օրենքի ընդունմանը դեմ պատգամավորներից  Գևորգ Պետրոսյանը ելույթ ունենալու  համար հեռախոսով մոտեցավ ամբիոնին և վրդովված ընթերցեց օրենքի պիտանելիության և ընդունմանը կողմ հնչած մի քանի հայտարարություններ, որակելով դրանք ահաբեկչություն և խայտառակություն: «Ուզում եք կանխարգելել ընտանեկան բռնությունը, արգելեք խուլիգանական բովանդակությամբ հեռարձակումները հեռուստատեսությամբ, ամենօրյա սպանություն, բռնաբարություն, ավազակություն»,- ասաց նա: Մնացած օրինակները չլսեցինք հերթական անգամ Արփինե Հովհաննիսյանի ընդհատումի պատճառով:

Օրենքի վերաբերյալ իր կարծիքը հայտնեց պատգամավոր Հրայր Թովմասյանն ասելով, որ օրենքի հետ կապված հասարակությունը երկու ծայրահեղ  կարծիքներ է հնչեցնում,  մի մասը համարում է, որ վերջինս բոլոր ընտանիքները քանդելու է, մյուս մասը, որ փրկելու է: Արձանագրեց, որ ոչ մեկն է լինելու, ոչ մյուսը, ասելով,  որ որոշ ընտանիքներում կնոջը ծեծելը առավոտյան ատամները լվանալու պես բան է դարձել, և որ օրենքի գլխավոր նպատակն  է նման հարցերը լուծելը:

ԱԺ նախագահի տեղակալ Արփինե Հովհաննիսյանը նույն թեմայով այսօրվա իր ելույթում հիշեցրեց, որ դահլիճում գտնվող անձանց մեծամասնությունը դրական է արձագանքել երեկվա իր դիրքորոշմանը: Նա կոչ արեց օրենքի վերաբերյալ չհնչեցնել այնպիսի կարծիքներ, որոնք իրականությանը չեն համապատասխանում և կրկին շեշտեց, որ օրենքը չի հավակնում և մտադրություն էլ չունի մտնելու մարդկանց ընտանիքներ: Վերջինս վստահեցրեց, որ օրենքին  դեմ դահլիճում ներկա գտնվողներից ոչ  ոք երբևէ չի հանդուրժի այն ամենը, ինչի դեմ պայքարելու է այս օրենքի նախագիծը: 

ՀՀ Արդարադատության նախագահի տեղակալ Վիգեն Քոչարյանն իր եզրափակիչ զեկույցում նշեց, որ այն պատգամավորներն, ովքեր  օրենքի հետ կապված այլ առաջարկներ ունեն հանձնաժողով ներկայացնեն մինչև երկուշաբթի, որպեսզի համապատասխան աշխատանքներ տարվեն: «Ընտանեկան բռնության կանխարգելման և դրա դեմ պայքարի մասին» օրենքն առաջին ընթերցմամբ կքվեարկվի վաղը:

 

Աղունիկ Հովհաննիսյան

 

Տպել
3787 դիտում

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ

Քրեական հեղինակություն Դոն Պիպոն ազատ է արձակվել 50 միլիոն դրամ գրավի դիմաց