ԿԸՀ-ն պատշաճ պատասխան չի տրամադրել ՀՔԱՎ-ի առաջարկներին. դատարանը դա իրավաչափ է համարել

ՀՀ Աժ 2017 թ. ապրիլի 2-ի ընտրությունների նախընտրական քարոզչության ընթացքում տեղի ունեցած խախտումների վերաբերյալ ՀՔԱ Վանաձորի գրասենյակը պարբերաբար վարչական վարույթ հարուցելու առաջարկություններ է ներկայացրել ՀՀ Կենտրոնական ընտրական հանձնաժողով: Այս մասին հայտնում է Հելսինկյան քաղաքացիական ասամբլեայի Վանաձորի գրասենյակը:

Հանձնաժողովը դրանք դիտարկել է որպես դիմումներ և մերժել վարույթի հարուցումը: ՀՔԱ Վանաձորի գրասենյակը ԿԸՀ անգործությունը վիճարկում է դատարանում:

2017 թ. մարտի 18-ին ՀՔԱ Վանաձորի գրասենյակը առաջարկներ է ներկայացրել ՀՀ վարչապետ Կարեն Կարապետյանի աշխատանքային ժամերին անցկացրած նախընտրական քարոզչության, Գագիկ Ծառուկյանի ու Առաքել Մովսիսյանի կողմից նախընտրական խոստումներ տալու և Արագածոտնի մարզի Ծաղկահովիտ համայնքի համայնքապետարանի շենքում ՀՀԿ ընտրական շտաբ տեղակայելու մասին: 2017 թ. մարտի 25-ի որոշումներով՝ ՀՀ Կենտրոնական ընտրական հանձնաժողովը աշխատանքային ժամին վարչապետի քարոզչություն իրականացնելն ու համայնքապետարանի շենքում ՀՀԿ ընտրական շտաբի տեղակայումը իրավաչափ է համարել, իսկ Գագիկ Ծառուկյանի ու Առաքել Մովսիսյանի մասով հայտնել, որ նրանք արդեն նախազգուշացվել են:

Մինչդեռ ՀՀ ընտրական օրենսգրքի 19-րդ հոդվածի համաձայն՝ նախազգուշացումը պատասխանատվության միջոց չէ, պատասխանատվության միջոց կարող է սահմանել միայն դատարանը՝ ԿԸՀ հայցի հիման վրա: Եվս մեկ առաջարկի մասով ԿԸՀ-ն եզրակացրել է, որ Կազմակերպության իրավունքները չեն խախտվել, և նման բովանդակությամբ դիմումներ ներկայացնելու իրավունք վերջինս չունի: Մինչդեռ ՀՀ Սահմանադրության 53-րդ հոդվածի համաձայն՝ յուրաքանչյուր ոք կարող է առաջարկություններ ներկայացնել պետական մարմիններին, և Կենտրոնական ընտրական հանձնաժողովը պարտավոր էր օրինական և հիմնավոր պատասխան ներկայացնել:

Ընդ որում՝ վերոնշյալ դիմումների միայն մի մասի քննարկմանն է ներկա եղել Կազմակերպության ներկայացուցիչը, մյուսները քննարկվել են վերջինիս բացակայությամբ: Ներկայացված դիմում-առաջարկներին պատշաճ պատասխան տրամադրելու և ԿԸՀ որոշումներն անվավեր ճանաչելու հարցով ՀՔԱ Վանաձորի գրասենյակը 2017 թ. ապրիլի 6-ին դիմել է դատարան: ՀՀ Վարչական դատարանը հայցը վարույթ է ընդունել միայն առաջին մասով և այն քննել 2017 թ. նոյեմբերի 28-ին, իսկ դեկտեմբերի 5-ին վճռել է հայցը մերժել:

 

Տպել
3337 դիտում

Մանվել Գրիգորյանըի կալանքը երկարաձգվեց. 20 միլիոն դրամի գրավը մերժվեց

10 հազար դրամի գողության համար դատապարտված Հասմիկ Սարգսյանի զինծառայող որդու ծառայակիցները դիմել են Նիկոլ Փաշինյանին

Խոշոր չափերով հափշտակություն. ձերբակալվել է Վարդենիսի սոցիալական աջակցության տարածքային գործակալության 2 աշխատակից

Դեպք Երեւանի կենդանաբանական այգում. բեզոարյան այծերից մեկի հայտնաբերվել է սատկած վիճակում

Սպասվում են տեղումներ և մառախուղ. եղանակը Հայաստանում

Չարենցավանի թիվ 3 դպրոցում տասը օր է՝ դասադուլ է․ Նիկոլ Փաշինյանն այցելել է դպրոց

Արմեն Գեւորգյանին նոր մեղադրանք է առաջադրվել. այն կրկին առնչվում է Մարտի 1-ի գործի հետ

Բոլորս պետք է օգնենք Նիկոլ Փաշինյանին. Ռուբեն Վարդանյան

«Yandex. Քարտեզներ»-ը պատահաբար բացահայտել են Թուրքիայի եւ Իսրայելի հարյուրավոր գաղտնի օբյեկտներ

ՄԻՊ-ի աշխատակիցները չհայտարարված այց են կատարել հոգեկան առողջության կենտրոն. արձանագրվել են խնդիրներ

Ոչինչ չի երաշխավորում, որ Մխիթարյանը կմնա «Արսենալում». Paininthearsenal.com

Գարեգին Բ-ն հորդորել է ռեժիսոր Հովհաննես Գալստյանին դադարեցնել հացադուլն ու լծվել աշխատանքի

Կաշառք եւ խոշոր չափերի վատնում. Երեւանի 192 դպրոցի տնօրենի դեմ քրգործ է հարուցվել

Արմեն Գեւորգյանին կալանավորելու միջնորդություն է ներկայացվել

«Բորուսիան» խմբում 1-ին տեղը զբաղեցրեց, «Լիվերպուլը» «Նապոլիին» թույլ չտվեց 1/8 դուրս գալ

Դատարանը մերժել է Սերժի Վաչոյին գրավով ազատ արձակելու միջնորդությունը. կալանքի երկարաձգման հարցը կքննվի այսօր

Իրանի ԱԳՆ ողջունել է Հայաստանի խորհրդարանական հաջողված ընտրությունները

Վարդենիսի ավագանին բավարարել է ՀՀԿ-ական քաղաքապետի հրաժարականի դիմումը

Իրանի ԱԳՆ-ն կոչ է արել քաղաքացիներին խուսափել Վրաստան մեկնելուց

Հայաստանը լցվում է ոչ կվալիֆիկացված էժան աշխատուժով. տնտեսագետն ահազանգում է