Մերկելի վարձակալած բնակարանը. Սերժ Սարգսյանն էլ կապրի՞ հասարակ շենքի 4-րդ հարկում. ֆոտոներ

Գերմանիայի Դաշնային Հանրապետության մայրաքաղաք Բեռլինում պատմական շենք-շինությունները գտնվում են «Mitte» եւ «Tiergarten» թաղամասերում: Այստեղ  տեղակայված են Բունդեսթագի, Բունդեսրատի եւ Դաշնային կառավարության բոլոր հաստատությունները, ինչպես նաեւ շատ դեսպանատներ:  «Միտտե» թաղամասում է Պերգամոն թանգարանը, Բեռլինի Մայր տաճարը, Ալեքսանդրի հրապարակը:

Բեռլինի «Միտտե» թաղամասի Թանգարային կզղուց զատ զբոսաշրջիկներին հետաքրքրում է նաեւ տարածքի համեմատաբար նեղլիկ եւ սալիկապատ փողոցը՝ Kupfergraben-ն: Այստեղ բնակվում է Գերմանիայի կանցլեր Անգելա Մերկելը:

Այն բազմաբնակարան շենքը, որտեղ վարձով ապրում է Գերմանիայի կանցլերը

Բնակարանը, որտեղ ապրում է Մերկելը, գտնվում է սովորական բնակելի շենքի 4-րդ հարկում: Բազմաբնակարան շենքը շատ հասարակ կառույց է՝ առանց զարդանախշերի եւ այլեւայլ ճոխությունների: Ի դեպ, բնակարանը Մերկելի սեփականությունը չէ, այնտեղ նա բնակվում է վարձով:

 Բեռլինի Kupfergraben փողոը

Բեռլինի Kupfergraben փողոցը

Շենքի առաջին հարկում տեղադրված բնակիչների անվանացանկից պարզվում է, որ Մերկելի հետ այդ շենքում բնակվում է նաեւ 15 այլ ընտանիք: Կանցլերը շենքում բնակվում է ամուսնու հետ:

Շենքի մուտքը ողջ օրվա ընթացքում հսկում են երկու ոստիկան, որոնք վճարվում են պետական բյուջեից: Անգելա Մերկելին սպասարկում  է Audi A8 մակնիշի ավտոմեքենա, թեեւ գերմանական մամուլի համաձայն՝ Դաշնային պետությունների շատ նախարարներ եւ վարչապետներ նախընտրում են զրահապատ Mercedes կամ BMW լիմուզիններ:

Ոստիկանական միակ մեքենան, որը հսկողություն է իրականացնում Մերկելի բնակարանի մոտ

«Հայկական ժամանակ»-ը Kupfergraben փողոցում նկարահանումներ իրականացնելու պահին նկատեց, որ Գերմանիայի կանցլերն աշխատանքի է գնում առավոտյան 07:40-ին: Նա շատ արագ դուրս եկավ շենքից, նստեց դրսում իրեն սպասող մեքենան եւ գնաց: Այս գործընթացը տեւեց ընդամենը 2-3 րոպե: Այս ընթացքում չխոչընդոտվեց ոչ մի հետիոտնի կամ մեքենայի ընթացք, չլսվեց ոստիկանական մեքենայի ոչ մի ազդանշան, չկային նաեւ լրագրողների աշխատանքը խոչընդոտող պետական ու մասնավոր հաստավիզ ախրանիկներ:

Կենտրոնում Մերկելի ծառայողական ավտոմեքենան է

Մերկելի ծառայողական մեքենաները

Գերմանիայի կանցլերի նստավայրում, որը 129,166 քառակուսի տարածք ունի  կանցլերին պաշտոնապես հատկացվում է 200քմ բնակության տարածք, սակայն Մերկելը նախընտրում է բնակվել բազմաբնակարան շենքում:

Պենտագոնի թանգարանը

Իհարկե, Անգելա Մերկելի վարած կենսակերպը հայերիս համար շատ տարօրինակ է, հատկապես լրագրողների համար, երբ նախագահի, վարչապետի կամ հասարակ նախարարից օրակարգային հարցի պատասխան ստանալու համար բախվում ենք ախրանիկների կոպիտ վերաբերմունքին: Իսկ Սերժ Սարգսյանը, երբ մի տեղ է գնում, փակում են մի ամբողջ փողոցը՝ բնակչությանն անհարմարություններ պատճառելով: Մինչ Մերկելը իր շենքի դիմացի սուպերմարկետից տան համար գնումներ է կատարում հարեւանների եւ համաքաղաքացիների հետ միասին, ՀՀ քաղաքացու համար Սերժ Սարգսյանն անհասանելի է՝ աղքատության ու սովի խնդիրներով դիմելու համար:

Երեւան, Բաղրամյան պողոտա. Սերժ Սարգսյանի ավտոշարասյան անցնելու պատճառով ոստիկանները այլ մեքենաների եւ մարդկանց թույլ չեն տալիս անցնել

Հետաքրքիր է, եթե 357 հազար 168 կմ քառակուսի տարածք եւ մոտ 81 մլն բնակչություն ունեցող երկրի կանցլերն ապրում է նման հասարակ պայմաններում, ապա ինչու՞ է  3 միլիոնից քիչ բնակչություն եւ 30 հազար կմ-ից քիչ տարածք ունեցող Հայաստանի նախագահ Սերժ Սարգսյանն ապրում շքեղ նախագահականում, որտեղ միայն դրսի դարպասների մոտ ոչ թե ոստիկանական մեքենա է՝ 1-2 ոստիկանով, այլ միկրոավտոբուս՝ ոստիկանական խմբով: Բաղրամյան 26-ում, եթե դարպասների մոտ փորձենք կանգնել 2-3 րոպե, ապա անմիջապես «կտարհանեն»:

Հայաստանում միայն Սերժ Սարգսյանը չէ, որ այդքան անհասանելի է, նույն ոճով է ապրում նաեւ վարչապետ Կարեն Կարապետյանը, իսկ ԱԺ նախագահ Արա Բաբլոյանը նույնիսկ կառույցի ներսում է թիկնապահով  շրջում, որտեղ միայն լրագրողներ են եւ պատգամավորներ: Նախարարներից էլ առայժմ միայն Պնախարար Վիգեն Սարգսյանն է շրջում թիկնազորով:

Սերժ Սարգսյանը ինագուրացիայի օրը՝ թիկնազորի ուղեկցությամբ

Հայաստանում նույնիսկ «պեղումների» արդյունքում դժվար գտնենք մի մեծահարուստ իշխանավոր, որը կապրի Մերկելի օրինակով: Մերոնց նախընտրած վայրը Մոնումենտն է, որը ստացել է կոռուպցիայի թանգարան բաց երկնքի տակ անվանումը:

Տպել
2826 դիտում

Օրինական բառը չի նշանակում այդ ամենի ոչ նպատակային օգտագործում. ՊՆ խոսնակը պարզաբանում է

Վարչապետի մոտ քննարկվել են կաթի մթերման, միրգ-բանջարեղենի արտահանման, ոռոգման մասին հարցեր

40 հազար դոլար պարտքի պատճառով քաղաքացին ցանկանում էր նետվել Դավիթաշենի կամրջից

Քեյնը խաղավարտին հաղթանակ կորզեց Անգլիայի համար ֆուտբոլի ԱԱ 1-ին խաղում

Սփյուռքի նախարարությունը Մ. Գրիգորյանի գործունեության մասին տեղեկությունները կփոխանցի ՀՔԾ

Հուսով եմ՝ Սալահը վաղը կխաղա. Էկտոր Կուպեր

Աուտիզմով հիվանդ տղային շարունակում են փնտրել. հարուցվեց քրգործ՝ սպանության հատկանիշներով

Խուզարկվել է Մ. Գրիգորյանի թիկնապահի տունը. հայտնաբերվել է ատրճանակ, փամփուշտներ

Որոշ հեռուստաընկերություններ հակապետական քարոզչություն են իրականացնում. վարչապետ

Բրյուսովի անվան համալսարանի պահեստից յուրացումներ կատարելու համար մեղադրանք է առաջադրվել

ԱԺ պատգամավոր Մանվել Գրիգորյանի ահռելի ունեցվածքը. հայտարարագրվել է հայտնաբերվածի մի մասը

Նրան պետք է զրկել բոլոր կոչումներից. Ռոբերտ Աբաջյանի պապը՝ Մանվել Գրիգորյանի մասին

Իրանում ՀՀ դեսպան Արտաշես Թումանյանը հանդիպել է Իրանի ԱԳ նախարարի տեղակալի հետ

Քննարկվել են ՀՀ կառավարության և Գերմանական զարգացման բանկի համագործակցության հարցեր

Վարչապետն ընդունել է Եվրոպական խորհրդարանի պատգամավորների պատվիրակությանը

Մանվել Գրիգորյանին փչացրել եւ նյութապաշտ են դարձրել Ս. Սարգսյանը եւ Քոչարյանը. պատգամավոր

Օնիկ Գասպարյանը նշանակվել է ԶՈՒ գլխավոր շտաբի պետի առաջին տեղակալ

Մ. Գրիգորյանի տանը 71 մլն դրամ, 80 հազար դոլար, 67 հազար եվրո է եղել. նոր մանրամասներ

Ընտրակաշառք բաժանելու եւ լրագրողներին բռնության ենթարկելու կարճված գործը վերաբացվել է. ՀՔԾ

Մ. Գրիգորյանին պատկանող հանգստյան գոտուց տեղափոխում են նաեւ քարայծերին ու եղնիկին