Ես Պուտինի եւ ուկրաինական օլիգարխիայի ռազմագերին եմ. Սահակաշվիլին խոսել է դատարանում

11/12/2017 schedule16:41

Վրաստանի նախկին նախագահ, Օդեսայի նախկին նահանգապետ, Կիեւում ձերբակալված Միխայիլ Սահակաշվիլիին դատարանում հայտարարել է, որ իրեն համարում է ՌԴ նախագահ Վլադիմիր Պուտինի եւ ուկրաինական օլիգարխիայի ռազմագերին:

Մի քանի օր առաջ ձերբակալված «Նոր ուժերի շարժում» կուսակցության նախագահ Սահակաշվիլին, ելույթ ունենալով դատարանում՝ հայտարարել է իրեն Պուտինի եւ ուկրաինական օլիգարխիայի ռազմագերին, որոնք կործանում են Ուկրաինան:

«Համարում եմ ինձ ուկրաինական օլիգարխիայի եւ Վլադիմիր Պուտինի ռազմագերին, որոնք կործանում են Ուկրաինան: Ես ինձ չեմ համարում ձերբակալված անձ: Համարում եմ ինձ ռազմագերի, քանի որ նրանք պատերազմ են մղում Ուկրաինայի դեմ: Նրանք չեն զվարճանալու, թե ինչպես եմ ես հայտնվել չաղերի հետեւում: Նրանք կտեսնեն իմ արժանապատիվ հացադուլը»,- ասել է նա:

Ինչպես հայտնում են ուկրաինական ԶԼՄ-ները, դատարանի շենքի մոտ հավաքվել են տխրահռչակ քաղաքական գործչի կողմնակիցները, նրանց թիվը ժամը 10։00-ի դրությամբ կազմել է մոտ 100 մարդ։

Հիշեցնենք, որ Սահակաշվիլիին այժմ դատարանում, որտեղ պետք է ընտրվի նրա նկատմամբ խափանման միջոցը: Ուկրաինական օրենսդրությամբ պետք է տեղի ունենա ձերբակալությունից հետո երեք օրվա ընթացքում: Եթե դա տեղի չունենա, ապա քաղաքական գործչին անազատության մեջ պահելու հիմքեր չեն մնա:

Հիշեցնենք, որ Միխայիլ Սահակաշվիլին ձերբակալվել է դեկտեմբերի 8-ին: Նա մեղադրվում է հանցավոր կազմակերպությունների անդամների հետ համագործակցելու եւ նրանց հանցավոր գործունեությունը թաքցնելու մեջ:

Նրան սպառնում է 3-5 տարվա ազատազրկում: Ուկրաինայի ներքին գործերի նախարարի խորհրդական Զորյան Շկիրյակը չէր բացառել, որ Սահակաշվիլիին կարող են մեղադրանքներ առաջադրվել նաեւ այլ հոդվածներով:

Սահակաշվիլիի փաստաբանները Ուկրաինայի գլխավոր դատախազ Յուրի Լուցենկոյի դեմ հայց է ներկայացրել: Նրանք պնդում են, որ անկախ այն հանգամանքից իրական են դատախազի ներկայացրած փաստերը, թե` ոչ, նա իրավունք չուներ հրապարակելու նախաքննական գաղտնիքը:

Ավելի վաղ գլխավոր դատախազ Լուցենկոն հրապարակել էր ձայնագրություն, որտեղ ենթադրաբար Սահակաշվիլին ու գործարար Սերգեյ Կուրչենկոն համաձայնության են գալիս` իշխանափոխություն անելու շուրջ, որը ֆինանսավորվելու է Կուրչենկոյի կողմից:

Վերջինս գտնվում է հետախուզման մեջ` պետական դավաճանության մեղադրանքով:

Վրաստանի նախկին նախագահ Միխայիլ Սահակաշվիլիի կինը` Սանդրա Ռուլովսը, արդեն հայտարարել է, որ Վրաստանի եւ Ուկրաինայի իշխանություններն իր ամուսնու ձերբակալման հարցում գործում են փոխհամաձայնեցված ու կազմակերպում են նրա հետհանձնումը Կիեւից Թբիլիսի:

Տպել
1423 դիտում

Այսօր Երևանի ավագանու արտահերթ ընտրություններն են, 979 թեկնածու կպայքարի ավագանու 65 տեղի համար

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը