«Գյուղապետ՝ չի նշանակում թալանչի ա, տուպիկ մի մտցրա». գյուղապետերը Սարգսյանի ելույթի մասին

Տեղական ինքնակառավարման և տարածքային կառավարման մարմիններին նվիրված խորհրդաժողովի ժամանակ Սերժ Սարգսյանը բովանդակալից անդրադարձ էր կատարել համայնքապետներին եւ, մասնավորապես ասել, թե գաղտնիք չէ, որ կան գյուղապետներ, ովքեր թալանելով հարստացել են: Սերժ Սարգսյանն իր խոսքում նաեւ շեշտել էր, թե մինչ այս ներողամիտ է եղել նրանց նկատմամբ, բայց Նոր տարուց հետո չի պատրաստվում նրանց ներել՝ մարզպետների, նախարարների եւ իրեն մոտիկ անձանց միջնորդությամբ:

Սերժ Սարգսյանի ելույթի շուրջ «Հայկական ժամանակ»-ը զրուցել է մի քանի համայնքապետների հետ, որոնց թվում են նաեւ՝ այն գյուղապետները, ովքեր աչքի են ընկել սկանդալային պատմություններում:

Մասնավորապես՝ Արմավիրի մարզի Ջրառատի համայնքապետ Սամվել Գալստյանը, որը նաեւ փոխոստիկանապետ Լեւոն Երանոսյանի բարեկամն է, 2017 թվականի ապրիլի ընտրությունների քարոզարշավի շրջանում՝ մարտի 12-ին, սպառնալիքներ էր հնչեցրել գյուղի բնակչի, «Օհանյան-Րաֆֆի-Օսկանյան» դաշինքի համակրի հանդեպ։ Ընդ որում՝ գյուղապետի շրջապատը ներկայացնող անձանցից մեկը դաշինքի կողմնակցի վրա ատրճանակ էր ուղղել։ 

Գալստյանին «ՀԺ»-ի հարցերը ջղաձգեցին: Պատասխանելով մեր այն հարցին, թե արդյո՞ք ՀՀ-ում կան գյուղապետներ, ովքեր թալանով են զբաղվել, Գալստյանն ասաց.

«Դուք զանգել եք ինձ, որ տեղեկությու՞ն իմանաք: Ես ասեմ կա՞, թե՞ չկա: Ինչ, հիմա ուզում եք, որ ես ասեմ այդպիսի գյուղապետներ ունե՞նք, թե՞ չունենք: Դուք կարծում եք, որ ճիշտ տեղ ե՞ք զանգել: Եթե գյուղապետ ա, դա չի նշանակում, որ թալանչի ա: Մենք Հայաստանի Հանրապետությունում ունենք տարբեր տեսակի մարդիկ»,- ասաց Գալստյանը, որը տեղյակ չէր Սերժ Սարգսյանի ելույթից, բայց երբ տեղեկացավ, որ խոսքերի հեղինակը Սերժ Սարգսյանն է, միանգամից հանդարտվեց:

«Նախագահի ասածը բերեք չքննարկենք: Նախագահը, բա մեր երկրի նախագահն է, մենք ենք մեր նախագահին ընտրել, մեր նախագահն է, մենք ենք ուզել, որ այդ մարդը մեր նախագահը լինի: Սերժ Սարգսյանի ասած բառերը ես չեմ լսել, բայց չեմ կարծում, որ Սերժ Սարգսյանն ասել է բոլորի մասին»,- նշեց փոխոստիկանապետի ազգականը:

«ՀԺ»-ի հարցին, թե առիթներ եղե՞լ են, որ Սերժ Սարգսյանն իրեն ների՝ մատնանշելով վերանշյալ դեպքը, Գալստյանը բացասական պատասխան տվեց:

«Ես ընդհանրապես, որեւիցե աններելի բան չեմ արել, որ ինձ ներեն կամ չներեն: Ինձ ներելու կարիք ընդհանրապես չի եղել»,- ասաց Գալստյանը:

Խորհրդարանական վերջին ընտրությունների շրջանում կրկին սկանդալի կենտրոնում հայտնված Արագածոտնի մարզի Բյուրականի գյուղապետ Զարզանդ Բաբայանը եւս նշեց, որ Սերժ Սարգսյանը իրեն երբեք չի ներել:

«Ի՞նչ եմ արել, որ ների: Ես ինքս հանրապետական եմ»,- հարցն այսքանով փակեց Բաբայանը:

«Հայկական Ժամանակ»-ում  ընտրությունից հետո գրվել է, որ Բյուրականի ՀՀԿ-ական գյուղապետ Զարզանդ Բաբայանը իր երկու եղբայրների հետ ներխուժել է 18/07 18/08 տեղամասեր եւ վստահված անձանց հրելով հանել դուրս, պոկել նրանց բեյջերը:

Դրանից հետո գյուղապետն ու երկու եղբայրները կանգնել են քվեախցիկի մոտ եւ ընտրողներին հրահանգել Արագածոտնի նախկին մարզպետ, ՀՀԿ Արագածոտնի կառույցի ղեկավար Սարգիս Սահակյանի եղբոր՝ Նաիրիի օգտին քվեարկած քվեաթերթիկները ցույց տալ, եւ հետո գցել քվեատուփի մեջ:

Ընտրողներն այս մասին բողոքել են տեղամասերի մոտ գտնվող ոստիկաններին, սակայն վերջիններս ի պատասխան ասել են, որ իրենք ոչինչ անել չեն կարող: Այս գործընթացը տեւել է 30-35 րոպե:

Զարզանդ Բաբայանն, անդրադառնալով Սերժ Սարգսյանի ելույթին՝ ասաց, որ նախագահի խոսքից չի վիրավորվել:

«Դա նախագահի կարծիքն է, բայց ինձ թվում է, որ նախագահը, եթե ասում է, ուրեմն հավաստի տվյալներ ունի, որ ասում է: Կլինեն նման համայնքապետներ, ոնց ասում են՝ ընտանիքն առանց հիմարների չի լինում:  Գյուղապետը պետք է նման բան չանի, որ ներում խնդրի: Եթե գյուղապետին թալանչի են ասում, ես ինձ վիրավորված չեմ զգում: Ես վիրավորվում եմ, որ նման համայնքապետի հետ նույն հարթության վրա եմ»,- ասաց նա:

Մեր հարցին, թե համայնքապետն ինչպիսին պետք է լինի, Բաբայանն ասաց.

«Գյուղապետը պետք է լինի ավանդապաշտ: Իր ֆինանսները պետք է տրամադրի համայնքին: Ես վարկերի տակ եմ, գյուղի համար եմ անում»:

Շիրակի մարզի Առափիի համայնքապետ Ալբերտ Այվազյանն էլ Սերժ Սարգսյանի՝ համայնքապետերին ուղղված ելույթի մասին հարցը որակեց իրեն «տուպիկի մեջ դնել» եւ հրաժարվեց պատասխանել:

«Ես կարող եմ այդ հարցին միայն իմ մասով պատասխանել եւ ասել, որ ես նման բաներ չեմ արել: Եթե երկրի նախագահն ասում է, ուրեմն կարող է ինֆորմացիա ասել: Ես չեմ կարող էդ հարցին պատասխանել, դու ընձի տուպիկ մի մտցրա: Ես ինչ կարող եմ ասել, ինքը երկրի նախագահն է»,- եզրափակեց նա:

Սերժ Սարգսյանը Դիլիջանում Տեղական ինքնակառավարման և տարածքային կառավարման մարմիններին նվիրված խորհրդաժողովի ժամանակ, մասնավորապես, համայնքապետերի մասով ասել էր.

«...Գաղտնիք չէ, որ շատ համայնքապետներ չարաշահում են իրենց պաշտոնը և այն օգտագործում են անհասկանալի և անընդունելի եկամուտներ ունենալու համար՝ սկսած նրանից, ո՛ր տարբեր խորամանկություններով, տարբեր ձևերով օտարում են համայնքներին պատկանող հողերը, ո՛ր անազնիվ վերաբերմունք են ցուցաբերում համայնքային բյուջեների նկատմամբ, և չմանրամասնեմ, որովհետև ինձ համար շատ տհաճ է այս խոսակցությունը: Մի բան եմ, ուղղակի, ուզում ասել. շատ ներողամիտ ենք եղել համայնքապետների նկատմամբ: Ներողամիտ ենք եղել, որովհետև համարել ենք, որ պետք է կայանան, այս ինստիտուտը պետք է կայանա, և այս ընթացքում հնարավոր են որոշակի վատ դրսևորումներ: Ուզում եմ բոլորիդ, ոչ մեկին չեմ վախեցնում, ուղղակի ուզում եմ բոլորիդ զգուշացնել` եթե որևէ մեկը պետք է այս գործերով զբաղվի, ավելի լավ է գնա ուրիշ տեղ աշխատի: Մենք պատրաստ ենք, անկեղծ եմ ասում, պատրաստ ենք մեր աչքի լույսի պես ձեզ վերաբերվել, պատրաստ ենք մեր հնարավորությունների սահմանում օգնելու՝ լինի դա անձնական, թե համայնքային հարց, բայց մենք պատրաստ չենք տեսնելու, թե ձեզնից ոմանք ինչպես են մեր բնակչության փողերը տանում իրենց տուն: Ամո՛թ է:

Մենք կարո՞ղ ենք պայմանավորվել, որ եթե այդպիսի երևույթներ լինեն, որևէ մեկը հանիրավի ուրիշին չի մեղադրելու: Եթե նույնիսկ դուք չասեք այո, ապա ես ասում եմ հետևյալը` եթե այս նոր խոշորացված համայնքներում, իհարկե, մնացածներում ևս, այդպիսի դեպքեր հայտնաբերվեն, թող որևէ մեկը ներողամտություն չհայցի, չսպասի, որ իրեն ներելու են, հատկապես, որ արդեն ես տեղեկացել եմ պարոն Լոքյանից, թե ինչպիսի հնարավորություններ կան աշխատավարձի հետ կապված:

Ես միայն ուրախ կլինեմ, որ համայնքապետների աշխատավարձը լինի բավականաչափ բարձր, բայց այդ հնարավորությունը պետք է լինի օրենքի սահմաններում և ոչ թե ասենք` ես 200 հազար դրամի համար առավոտից երեկո հո քարշ չե՞մ գալու այս գյուղով, այս համայնքով՝ իրենց նոքարը լինելով: Ով չի ուզում նոքար լինի, թող գնա աղա դառնա, գնա ուրիշ գործի: Եվ խնդրում եմ, որևէ մեկը Նոր տարուց հետո՝ լինի մարզպետ, լինի նախարար կամ ինձ մոտ մարդ, չմիջնորդի որևէ համայնքապետի ներելու համար այդպիսի դեպքերում: Նորից եմ կրկնում` մենք պատրաստ ենք, եթե ինչ-որ դեպք է պատահել, որ մեզնից կախված չէ՝ դժբախտ պատահար և այլն, պատրաստ ենք ամեն ինչով օժանդակելու, բայց դիտավորյալ ձեռքերը կեղտոտելը մենք պատրաստ չենք այլևս հանդուրժել: Երևի առաջին անգամ եք ինձնից լսում այսպիսի խոսքեր, բայց իմ մոտեցումը միշտ այդպիսին է եղել: Մենք արդեն հասունացել ենք և պետք է գիտակցենք մեր պատասխանատվությունը մեր համայնքի յուրաքանչյուր բնակչի համար»:

Տպել
5750 դիտում

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան