Վանաձորի քաղաքապետարանի անցյալ տարի միավորված բաժինները, կրկին տրոհվել են. պաշտոն էր պետք

Վանաձորի քաղաքապետարանի երկու բաժին տրոհվել ու առանձնացվել է այնպիսի հաջողությամբ, ինչպես Վանաձորում նախորդ տարի կայացած ընտրություններից հետո միավորվել էին: Քաղաքապետարանի կայքէջի փոխանցմամբ` տրոհվել է կոմունալ տնտեսության, բնակֆոնդի եւ համատիրությունները համակարգող բաժինը՝ դառնալով կոմունալ տնտեսության, բարեկարգման եւ շրջակա միջավայրի պահպանության, ինչպես նաեւ` բնակարանային տնտեսության եւ համատիրությունները համակարգող բաժինների: Տրոհվել է նաեւ եկամուտների հավաքագրման, առեւտրի եւ տրանսպորտը համակարգող բաժինը՝ դառնալով եկամուտների հավաքագրման, գույքի կառավարման եւ գովազդի, ինչպես նաեւ`առեւտրի եւ տրանսպորտը համակարգող բաժինների:

Վանաձորի քաղաքապետարանի աշխատակազմի քարտուղար Արթուր Օհանյանը «Հայկական ժամանակ»-ի հետ զրույցում այս փոփոխությունը բացատրեց հետեւյալ կերպ. «Նոր ՏԻՄ օրենքի պահանջով փորձել ենք մաքսիմալ տրոհել էնպես, որ համահունչ լինի նաեւ օրենքին, ավագանին նախագիծը հաստատել է, մենք մեկ շաբաթվա ընթացքում պետք է ուղարկենք, որ պահին նախարարը հաստատեց` բաժնի պետերի մրցույթ կհայտարարվի»,- ասաց նա:

Ստացվում է, օրենքն է պարտադրել տրոհել բաժինը, թե՞ քաղաքապետի նախաձեռնությունն էր: Մեր այս հարցին Օհանյանը պատասխանեց. «Օրենքը չի պարտադրում, բայց օրենքին համահունչ տեսք ստացավ»:

Դիտարկմանը, որ նախորդ տարի կայացած ՏԻՄ ընտրություններից հետո նոր աշխատակազմ ձեւավորվեց, ինչի արդյունքում, փաստորեն, հենց քաղաքապետի նախաձեռնությամբ բաժինները միացվեցին ու այսօր` մեկ տարի անց, կրկին տրոհվեցին, նշեց. «Մի տարի աշխատելու ընթացքում բավականին թոհուբոհով ենք անցել, տարբեր տեսակի գործողությունների արդյունքում եկանք այն եզրահանգման, որ էսպես ավելի արդյունավետ կառուցվածք կարող է լինել…»:

Բաժինների տրոհումը, ակնհայտորեն կապված է ՀՎԿ-ի հետ ստորագրված վերջին հուշագրի հետ, որի արդյունքում հնարավոր եղավ վերականգնել Վանաձորի ավագանու աշխատանքը, ինչի համար ՀՀԿ-ն ՀՎԿ-ին պետք է պաշտոնների տեսքով շնորհակալություն հայտներ:

Հիշեցնենք, որ մամուլի հրապարակումներից մեկի համաձայն` հուշագրի ստորագրումից հետո Վանաձոր համայնքի ավագանու «Հայկական վերածնունդ» խմբակցությունը ոչ միայն քաղաքապետի առաջին տեղակալի պաշտոնն էր ուզել, այլ նաեւ` մի քանի բաժնի պետի:

Տպել
854 դիտում

Ռազմաքաղաքական իրավիճակը լարված է, ցանկացած պահի պետք է պատրաստ լինենք հակահարված տալու

Խղճի ազատության «տանիքի» տակ չարաշահման որեւէ դեպք ես թույլ չեմ տա. Փաշինյան

Այսօր Ամուլսարն ենք փակում վարչապետի կամքով, մի օր էլ ԶԼՄ-ները կփակենք. վարչապետ

Տրանսպորտի խնդիրը լուրջ է Երեւանում. վարչապետն՝ ապագա քաղաքապետին

Պետական համակարգում էլ կան մարդիկ, ովքեր հույսեր չեն ներշնչում. Նիկոլ Փաշինյան

Կառավարությունը ներեկեղեցական հարցերի չի խառնվի, իսկ ոստիկանների աշխատանքից գոհ չեմ(ուղիղ)

«Վեոլիա ջուրը», «Սանիթեք»-ը պետք է իմանան, որ իրենցից այդքան էլ գոհ չենք. վարչապետ (ուղիղ)

Ֆրանսիան՝ ֆուտբոլի ԱԱ 2018-ի չեմպիոն

Ա. Սարգսյանը հանդիպել է հնդիկ գործարարի հետ, քննարկել են ՀՀ-ում ներդրումային ծրագիրը

Արմեն Սարգսյանը հանդիպել է Կատարի էմիր Թամիմ բին Համադ Ալ Թանիի հետ

Սպանություն Թբիլիսիում. սառը զենքի 22 հարվածով սպանվել է հայազգի երիտասարդ

Հուլիսի 16-ին հոսանքի մինչեւ 5-6 ժամյա անջատումներ կլինեն Երևանում եւ 6 մարզերում

Այս շաբաթ հակառակորդը հրադադարի ռեժիմը խախտել է 170 անգամ

Ամասիա գյուղում կորած 7-ամյա աղջկան գտել են

Լուսիկ Ագուլեցուն վերջին հրաժեշտը կտան վաղը՝ հուլիսի 16-ին

«Նոր Հայաստան, նոր Հայրապետ»շարժումը կաթողիկոսի դատախազ եղբորորդու դեմ հաղորդում է տվել

Իրականացել է Թուրքիայի պատմության մեջ ամենախոշոր ռազմարդյունաբերական գործարքը

Արագած գյուղում առվի մեջ հայտնաբերված 2-ամյա երեխայի սպանության դեպքով քրգործ է հարուցվել

Շիրակի թեմի առաջնորդը Հայրապետի հրաժարականը պահանջողների բարոյական մահվան մասին հայտարարեց

Ջրիմուռների առատ աճի հետեւանքով լիճը ծաղկել է. պարզաբանում է բնապահպանության փոխնախարարը